கருப்பா இருக்கீங்களா? கவலைபடாதீங்க...

by முரளிராஜா Wed Jul 18, 2012 12:48 pm

இந்த உலகில் அழகாக இருக்க வேண்டும் என்று நினைக்கபதவர்கள் எவரும் இருக்க முடியாது. அவ்வாறு அழகாக இருக்க வேண்டும் என்பதற்காகஅழகு நிலையங்களுக்கு சென்று அழகுப்படுத்திக் கொள்கின்றனர். அதில் பெரும்பாலும் அழகு நிலையங்களுக்குச் சென்று அழகுப்படுத்துவதில் முதல் காரணமாக இருப்பது, கருப்பாக இருக்கிறோம் என்பதற்காகவே. இவ்வாறு கருப்பாக இருப்பதற்கு முதல் காரணம் உடலில் இருக்கும் நிறமி செல்களான மெலனின் அளவு அதிகமாக இருப்பது. அவ்வாறு அதிக நிறமிசெல்கள் உடலில் இருந்தால் அந்த இடமானது கருப்பாக இருக்கும். சிலர் திடீரென்று கருப்பாக மாறுவார்கள், அதற்கு அவர்களது உடலில் உள்ள நிறமிச் செல்கள் அதிக அளவு மெலனினை சுரக்கும். அதுமட்டுமல்லாமல் இத்தகைய செல்களின் சுரப்புத்தன்மையை குறைவு படுத்த பல கெமிக்கல் கலந்த அழகு சாதனப் பொருட்கள் இருந்தாலும், வீட்டில் இருந்தே சில இயற்கையான பொருட்களை வைத்து செய்தால், சருமமானது அழகோடு இருப்பதுடன், மெலனின் அளவையும் கட்டுப்படுத்தலாம் என்று அழகியல் நிபுணர்கள் கூறுகின்றனர்.

1. வெண்ணெய் பழத்தில் இருக்கும் ஃபேட்டி ஆசிட் மற்றும் வைட்டமின் ஈ, நிறமி செல்லான மெலனின் அளவை கட்டுப்படுத்தும்.அதற்கு ஒரு பௌலில் 2 டேபிள் ஸ்பூன் வெண்ணெய்பழ (Avocado) பேஸ்ட் மற்றும் 1 டேபிள் ஸ்பூன் பாலை ஊற்றி நன்கு கலந்து, முகத்தில் தடவி, 15-20 நிமிடம் ஊற வைத்து பிறகு கழுவவும். இவ்வாறு ஒரு நாள் விட்டு ஒரு நாள் செய்தால் முகத்தில் இருக்கும் அளவுக்க அதிகமாக இருக்கும் மெலனின் அளவு குறையும். முகமும் அழகாக, பொலிவோடு இருக்கும்.

2. பாதாம், பால் மற்றும் தேன் போன்றவை சருமத்திற்கு ஏற்ற சிறந்த பொருள். ஆகவே 3-4 பாதாம் பேஸ்ட், 1/2 டேபிள் ஸ்பூன் பால் மற்றும் 1 டேபிள் ஸ்பூன் தேன் சேர்த்து நன்கு கலந்து கொள்ளவும். பின் அந்த பேஸ்டை முகத்திற்கு தடவி, 30 நிமிடம் ஊற வைத்து பிறகு கழுவவும். அதனை தொடர்ந்து செய்தால் முகத்தில் இருக்கும் கருப்பானது மறையும்.

3. 2-3 டேபிள் ஸ்பூன் பால் மற்றும் 1 டேபிள் ஸ்பூன் தேன் சேர்த்து நன்கு கலந்து, முகத்தில் தடவி ஊற வைத்து முகத்தில் குளிர்ந்த நீரில் அலசி வந்தால், முகத்தில் இருக்கும் கரும்புள்ளிகள் போவதோடு, முகமும் பளிச்சென்று இருக்கும். இது மிகவும் சிறந்த இயற்கையான வழி.

4. சந்தன பவுடர் ஒரு நல்ல சிறந்த சரும பராமரிப்பிற்கு ஏற்ற பொருள். அதனை தண்ணீரில் குலைத்து, கருமை அதிகமாக இருக்கும் இடத்தில் தடவ வேண்டும். வறண்ட சருமம் உள்ளவர்கள், அதோடு பால் மற்றும் சிறிது தேனை சேர்த்து கலந்து தடவி, 10-15 நிமிடம் ஊற வைத்து செய்யுங்கள். அதனை நாள்தோறும் செய்து வந்தால், நாளடைவில் நிறமி செல்களான மெலனின் அளவு குறைந்துவிடும்.

5. கோக்கோ வெண்ணெய் ஒரு நல்ல மாஸ்சுரைசர் மற்றும் ஆன்டி-ஆக்ஸிடன்ட் நிறைந்த பொருள். அது விரைவில் மெலனின் அளவை சரிசெய்யும். மேலும் எந்த இடம் அதிகமான அளவு கருப்பாக உள்ளதோ, அந்த இடத்தில் தடவி, 10 நிமிடம் ஊற வைத்து கழுவி வந்தால் நல்ல பலன் கிடைக்கும். அதுவும் அதனை செய்தால் உடலில் இரத்த ஓட்டத்தின் அளவு அதிகரிக்கும். மேலும் இது செல்கள் பாதிப்படையாமல் காத்துக் கொள்ளும். இந்த முறை உடலுக்கு விரைவில் நல்ல நிறத்தைக் கொடுக்கும்.

மேற்கூரியவாறெல்லாம் செய்தால் உடலில் அதிகமாக இருக்கும் மெலனின் அளவு குறைவதோடு, முகமும் அழகாக பொலிவோடு இருக்கும்.

நன்றி போல்டு ஸ்கை

by காளைவேந்தன் Wed Jul 18, 2012 12:57 pm

கருப்பு தானே நம்ம நிறம்... அது பொலிவா... தெளிவா... இருந்தா போதும் முரளி அண்ணா...(இப்டி சொல்லியாச்சும் மனச தேத்திக்க வேண்டியதான்) பதிவிற்கு நன்றிகள் அண்ணா..

by **ஜாஹீதாபானு** Wed Jul 18, 2012 1:32 pm

நான் என்னைக்குமே கவலைப்பட்டதில்ல ....

தங்கம் வச்சு தேச்சா கூட எருமை நிறம் வெளுக்காது.... என்ன கொடுமை சார் இது

பகிர்வுக்கு நன்றி.... ஜாலி

by காளைவேந்தன் Wed Jul 18, 2012 1:41 pm

ஜாஹீதாபானு wrote:தங்கம் வச்சு தேச்சா கூட எருமை நிறம் வெளுக்காது....

பகிர்வுக்கு நன்றி....

இன்னொரு பழ மொழிய சேர்த்துக்குங்க... விடிய விடிய குளிச்சாலும் வெளுக்காது மண்ட காக்கா... சியர்ஸ்

by **ஜாஹீதாபானு** Wed Jul 18, 2012 1:42 pm

காளைவேந்தன் wrote:
ஜாஹீதாபானு wrote:தங்கம் வச்சு தேச்சா கூட எருமை நிறம் வெளுக்காது....

பகிர்வுக்கு நன்றி....
இன்னொரு பழ மொழிய சேர்த்துக்குங்க... விடிய விடிய குளிச்சாலும் வெளுக்காது மண்ட காக்கா...

by சந்திரகி Wed Jul 18, 2012 1:43 pm

எளிதான, பயனுள்ள குறிப்புகள்.

பகிர்வுக்கு நன்றிகள்.

by யினியவன் Wed Jul 18, 2012 1:52 pm

கருப்போ சிவப்போ மாநிறமோ - நாம இங்க இருந்தாலே ரொம்ப பேருக்கு கவலையா இருக்காமே முரளி - என்ன பண்றது? புன்னகை

by முரளிராஜா Wed Jul 18, 2012 1:54 pm

யினியவன் wrote:கருப்போ சிவப்போ மாநிறமோ - நாம இங்க இருந்தாலே ரொம்ப பேருக்கு கவலையா இருக்காமே முரளி - என்ன பண்றது?

என்னாலதான் சிந்திக்கமுடியாதுனு உங்களுக்கு தெரியும்ல அந்த ரொம்ப பேர் யாரு
பட்டியல் ரொம்ப பெருசா? ஒன்னும் புரியல

by **ஜாஹீதாபானு** Wed Jul 18, 2012 1:54 pm

யினியவன் wrote:கருப்போ சிவப்போ மாநிறமோ - நாம இங்க இருந்தாலே ரொம்ப பேருக்கு கவலையா இருக்காமே முரளி - என்ன பண்றது?

யாருக்கு கவலையா இருக்கு ..... அதிர்ச்சி

சொல்லுங்கண்ணா........ நான் ரெடி, நீ ரெடியா

by யினியவன் Wed Jul 18, 2012 2:40 pm

ஜாஹீதாபானு wrote:
யினியவன் wrote:கருப்போ சிவப்போ மாநிறமோ - நாம இங்க இருந்தாலே ரொம்ப பேருக்கு கவலையா இருக்காமே முரளி - என்ன பண்றது?

யாருக்கு கவலையா இருக்கு .....

சொல்லுங்கண்ணா........

சார்லஸ், ஜேன், பகவதி, அசுரன், பாலாஜி, பாலா சார், ராஜா, சிவா - இவங்க தான் பானு. நீங்க மெரட்டி வைங்க இவங்கள. புன்னகை