மதித்து வாழ்வீர் மாணவரே !

by **நாகசுந்தரம்** Tue Jul 17, 2012 4:23 pm

இந்தியாவில் வாழுகின்ற
இனிய சிறுவர் சிறுமிகாள் !
சிந்தனையில் சக்தி கொண்டு
சொந்த நாட்டை உயர்த்துங்கள் !
முந்தி நமது நாட்டை செய்து
முயற்சியுடன் வாழுங்கள் !
நிந்திக்காமல் எவரையும்
நல்லவராய் நினையுங்கள் !

விளையாட்டில் ஏலம் எடுக்கும்
விந்தை வந்து விட்டது !
களைப்புடனே காத்திருக்கும்
காத்த தியாகி மக்களை
இளைப்பாற ஏலம் எடுக்கும்
ஏற்ற முறை மாற்றுங்கள் !
விளைவு எந்த செயலுக்கும்
உண்டு என்று உணருங்கள் !

உந்தன் உள்ளே உண்மை உண்டு
விந்தை அதனை அறியுங்கள் !
சந்தத்தோடு பாட்டு பாடி
சங்கதியை சொல்லுங்கள் !
பந்தபாசம் பெரியோரிடம்
பாந்தமாக காட்டுங்கள் !
நொந்தமனம் கொண்ட பேரை
நல்ல உறுதி ஆக்குங்கள் !

கிண்டல்கேலி செய்து நாளை
கொன்று போட வேண்டாமே !
வண்டுபோல விரைவாய் பறந்து
வேலை பல செய்யுங்கள் !
துண்டு போட நினைப்போரிடம்
தூர தள்ளி நில்லுங்கள் !
அன்பு ஒருவர் கொண்டுவிட்டால்
அணைத்து வாழ எண்ணுங்கள் !

கற்க மட்டும் கணிணியை
கணக்காய் வைத்துக் கொள்ளுங்கள் !
அற்பஉணவு தன்னை கூட
தூர எறிய வேண்டாமே !
சொற்பமாக சொற்கள் பேசி
சுதந்திரமாய் வாழுங்கள் !
சிற்பம் போன்ற சகல கலையும்
சீராய் கற்றுக் கொள்ளுங்கள் !

அன்பு மனம் கொண்டுவிட்டால்
அனைவருமே ஒன்றுதான் !
தன்னைப்போல பிறரை எண்ணும்
தகைமை தமிழர் பண்புதான் !
அன்னை தந்தை அனைவரையும்
அரவணைத்து வாழுங்கள் !
அன்னையான நமது நாட்டை
அனைத்திலும் முன் நிறுத்துங்கள் !

தடுக்கி ஒருவர் விழுந்துவிட்டால்
தூக்கி அவரை நிறுத்துங்கள்,
வெடுக்காய் சிரித்து வேதனையை
மேலும மேலும் கிளராதீர் !
மிடுக்காய் ஆடை அணிந்து விட்டால்
மேதினியில் உயர்வில்லை,
கொடுக்கும் குணம் சிறிது கொண்டு
கொள்கை தன்னை மதியுங்கள் !