காலதாமதத்தை தவிர்க்க பத்திரப்பதிவு துறையில் இன்று முதல் புதிய திட்டம் அமல்

by **ராஜா** Sun Jul 01, 2012 10:33 am

சென்னை, ஜுலை.1-

தமிழகத்தில் பத்திரப்பதிவு துறையில் இன்று முதல் அமலுக்கு வரும் புதிய திட்டத்தால் ஆவணதாரர்கள் மாவட்ட பதிவாளரை அணுகி கால தாமதம் ஏற்படும் நிலமை இனி தவிர்க்கப்பட்டு, பணிகள் உடனுக்குடன் நடைபெறும் என்று பத்திரப்பதிவு துறை உயர் அதிகாரி ஒருவர் கூறினார்.

இதுகுறித்து மேலும் அவர் கூறியதாவது:-

கிரயம் செய்யப்படும் சொத்துக்களில் கட்டிடம் இருந்தால் சார் பதிவாளர்கள் கட்டிடத்தை நேரில் பார்வையிட்டு பொதுப்பணித்துறையினரால் வழங்கப்படும். தளவிலைப்பட்டியல் அடிப்படையில் கட்டிடத்திற்கு மதிப்பீடு செய்து அதற்கு ஏற்ப முத்திரை தீர்வை மற்றும் பதிவு கட்டணம் வசூலித்து வருகின்றனர். தற்போது 2011-ல் ஏற்கனவே வழங்கப்பட்ட பொதுப்பணித்துறையினரின் தளவிலைப்பட்டியல் மதிப்பினை 31-7-2012 வரை பயன் படுத்திக்கொள்ளலாம் என்ற சலுகையை பதிவுத்துறை தலைவர் உத்தரவிட்டு உள்ளார்.

அடிமனைநிலத்திற்கு புதிய வழிகாட்டி மதிப்பீட்டின்படி அதிகமாக முத்திரை தீர்வை மற்றும் பதிவு கட்டணம் செலுத்த வேண்டிய நிலையில் உள்ள இந்த தருணத்தில் கட்டிடம் கிரையம் பெறும் ஆவணதாரர்களுக்கு முத்திரை தாள் மற்றும் பதிவு கட்டணம் கட்டிட மதிப்பீட்டிற்கு கடந்த ஆண்டு மதிப்பீட்டினையே இம்மாதம் (ஜுலை) இறுதி வரை பயன்படுத்திக் கொள்ள சலுகை அளித்து உள்ளது. பொது மக்களிடையே நல்ல வரவேற்பை பெறும் என்று எதிர்பார்க்கப்படுகிறது.

இவ்வாறு அவர் கூறினார்.