உலகிலேயே மிகவும் அதிகமாக செலவு செய்யப்படும் நகரங்கள்..............

by பூவன் Fri Jun 22, 2012 7:33 pm

உலகிலேயே மிகவும் அதிகமாக செலவு செய்யப்படும் நகரங்கள் எவை என்ற கருத்துக்கணிப்பு ஒன்று அமெரிக்க குழுவினரால் எடுக்கப்பட்டது. வட அமெரிக்காவின் மிகவும் காஸ்ட்லியான நகரங்கள் என டொரண்டோவும், வான்கூவர் நகரங்களும் தேர்ந்தெடுக்கப்பட்டுள்ளது.

உலகில் உள்ள 214 நகரங்களை மையமாகக் கொண்டு எடுக்கப்பட்ட இந்த ஆய்வில், டொரண்டோ நகரம் 61வது இடத்திலும், வான்கூவர் நகரம் 63வது இடத்திலும் உள்ளது. வட அமெரிக்காவில் நியூயார்க் நகரம் 33 வது இடத்தில்தான் உள்ளது என்பது குறிப்பிடத்தக்கது.

ஆனால் வட அமெரிக்காவில் உள்ள பல நகரங்கள் ஜப்பான்,ஆசியா,ஐரோப்பா,ரஷ்யா,தென் அமெரிக்கா மற்றும் ஆப்ப்ரிக்க நகரங்களை விட மலிவாக உள்ளது என ஆய்வில் தெரிவிக்கப்பட்டுள்ளது மிகுந்த ஆச்சரியத்தை ஏற்படுத்தியுள்ளது.

ஜப்பானில் உள்ள டோக்கியோ,லுயாண்டோ,அங்கோலா மற்றும் ஒசாகா போன்ற நகரங்கள் காஸ்ட்லியான நகரங்களில் முதல் நான்கு இடத்தை பிடித்துள்ளது. பாகிஸ்தானின் கராச்சி நகரம்தான் மிகவும் மலிவான நகரமாக தேர்ந்தெடுக்கப்பட்டுள்ளது. டோக்கியோவில் உள்ள் நில மதிப்பில் மூன்றில் ஒருபங்கு கூட கராச்சியில் இல்லை என்பதே ஆய்வு தரும் செய்தி.

இந்த ஆய்வானது அந்தந்த நகரங்களின் வருட வருமானம், மற்றும் வீடு, போக்குவரத்து, உணவுப்பொருட்கள், துணிமணிகள் மற்றும் பொழுதுபோக்கு செலவுகள் முதலியவற்றை கருத்தில் கொண்டு எடுக்கப்பட்டது.

இந்திய நகரங்களான நியூடெல்லி 113வது இடத்திலும்,மும்பை 114வது இடத்திலும் உள்ளது. பாங்காக் 81வது இட்த்திலும் மலேசியாவின் கோலாலம்பூர் 102வது இடத்திலும் உள்ளது.

நன்றி தமிழ் source .com