உலகிலேயே அதிக விருதுகள் பெற்ற ஒரே நடிகர்

by முஹைதீன் Mon Jun 11, 2012 5:30 pm

பதிவிற்கான சில தகவல்கள் Facebook மற்றும் இந்த "IMDB" தளத்தில் இருந்தது பெற பட்டு உள்ளது.
இந்திய சினிமா வரலாற்றில் கமல்ஹாசன் என்ற ஒரு நடிகருக்கு தவிர்க்க முடியாத இடம் ஒன்று உள்ளது. தமிழ் ரசிகனின் ரசனையை வேறு தளத்துக்கு எடுத்து சென்றதில், சென்றுகொண்டு இருபதில் கமல் மாதிரி ஒரு கலைஞனை இது வரை நான் கண்டது இல்லை. SMS படத்துல சந்தானம் சொல்லற மாதிரி "நல்லவங்க கருத்து ரீச் ஆகும், ஆனா என்ன கொஞ்சம் லேட்டா ரீச் ஆகும்"..... கமல் படம் கண்டிப்பா மக்களை ரீச் ஆகும், என்ன ரொம்ப ரொம்ப லேட்டா KTV முலமா ரீச் ஆகும். அன்பே சிவம், குணா போன்ற படங்களை லேட் ரீச்க்கு நல்ல உதாரணமாக சொல்லாம்.

KTVயில ஓடுன நாட்கள் கூட இந்த படங்கள் தியேட்டரில் ஓடவில்லை. ஆனாலும் தன் முயற்சியில் சற்றும் மனம் தளராத விக்ரமாதித்யன் போல நல்ல திரைப்படங்கள் தர வேண்டும் என்ற எண்ணத்தை கமல் ஒருபொழுதும் மாற்றி கொண்டதே இல்லை. சினிமாவில் சம்பாரித்த பணத்தை சினிமாவில் முதலீடு செய்யும் சில மனிதர்களில் கமலும் ஒருவர். கமல் அளவுக்கு எந்த நடிகருக்கும் படங்கள் ப்ளாப் ஆனது கிடையாது. மாபெரும் பொருட்செலவில் கமல் எடுத்த சில படங்கள் அதள பாதாளத்தில் விழுந்து உள்ளன உ.தா: ஆளவந்தான். சில படங்கள் வெறும் ரெண்டே நாள் மட்டும் ஓடி வரலாற்று சாதனை புரிந்து உள்ளன. உ.தா: மும்பை எக்ஸ்பிரஸ்.இப்படியாக நிறைய நல்ல/கெட்ட விஷயங்கள் கமலை பற்றி சொல்லி கொண்டே போகலாம்.

கமல் செய்யாத சாதனைகளே கிடையாது. சில சாதனைகள் இதோ:

• நான்கு முறை தேசிய விருதும், மூன்று முறை சர்வதேச விருதும் பெற்ற ஒரே இந்திய நடிகர். களத்தூர் கண்ணம்மா, மூன்றாம் பிறை, நாயகன், இந்தியன் படங்களுக்காக தேசிய விருது பெற்றார். விருமாண்டி, சுவாதி முத்யம், சாகர சங்கமம் படங்களுக்கு சவுத் ஏசியன் இண்டர்நேஷனல் விருதுகள் சிறந்த படத்திற்கான விருதுகள் தரப்பட்டது.

• இதுவரை இந்திய நடிகர்களிலேயே இவர் நடித்த படங்கள் தான் அதிக முறை (7 முறை) ஆஸ்கர் விருதுக்காக பரிந்துரைக்கப் பட்டிருக்கிறது.- இந்திய சினிமா வரலாற்றிலேயே 18 முறை பிலிம்பேர் விருது பெற்ற ஒரே நடிகர். திலீப் குமாரே 14 பிலிம்பேர் விருதுகள் தான் வாங்கியிருக்கிறார்.

• இதுவரை உலகிலேயே அதிக விருதுகள் (170க்கும் அதிகம்) பெற்ற ஒரே நடிகர் கமல்ஹாசன் மட்டுமே.

• கமல்ஹாசன் இந்தியாவில் குடிமகன்களுக்கு வழங்கப்படும் விருதுகளிலேயே 4வது சிறந்த விருதான பத்மஸ்ரீ பெற்றிருக்கிறார்.

• கமல்ஹாசனுக்கு அவர் செய்யும் கலைசேவைகளுக்காக சத்யபாமா நிகர்நிலைப் பல்கலைக்கழகத்தால் "டாக்டர்" பட்டம் கையளிக்கப் பட்டது.

• கமல்ஹாசனின் சொந்தப் பட நிறுவனமான ராஜ்கமல் நிறுவனம் இதுவரை 450 மில்லியனுக்கும் மேற்பட்ட வர்த்தகம் செய்திருக்கிறது.தான் சினிமாவில் சம்பாத்திதை சினிமாவிலே முதலீடு செய்யும் ஒரு சிலரில் கமலும் ஒருவர்.

• இரண்டுமுறை ஆந்திர அரசின் மாநில விருதைப் பெற்றவர் டாக்டர் கமல்ஹாசன்.

• 8 முறை தமிழக அரசின் மாநில விருதைப் பெற்று சாதனை புரிந்தவர் கமல்ஹாசன்.

• கமல்ஹாசனுக்கு தமிழக அரசு கலைமாமணி பட்டமும் வழங்கி கவுரவித்திருக்கிறது.

• சென்னை ரோட்டரி சங்கமும் கமல்ஹாசனுக்கு "சிறந்த மனிதர்" விருது வழங்கி சிறப்பித்துள்ளது.

இவ்வளவு சாதனைகள் நிகழ்த்திய பிறகும், இத்தனை விருதுகள் வாங்கி குவித்த பிறகும் இணையத்தில் கமல் மீது நிறைய குற்றச்சாற்று வைக்க படுவதை பார்கிறேன். அவர் பாமர ரசிகனுக்கு புரியாத மாதிரி படம் எடுக்கிறார் என்பது முதல் குற்றச்சாற்று. ஹே ராம்: புரியாத படத்திற்கு நல்ல உதாரணம். அப்புறம் ஆங்கில படங்களில் இருந்து காப்பி அடிக்கிறார் என்று. கமல் காப்பி அடிப்பதை எப்பொழுதும் மறுத்ததும் கிடையாது, அதை ஆமோதித்ததும் கிடையாது.

by அதி Mon Jun 11, 2012 9:24 pm

இத்தனை சாதனைகளுக்கு சொந்தக்காரரை நோக்கி விமர்சனங்கள் எய்த படாவிட்டால் தான் அது தவறாகிவிடும்.தனக்கு போட்டியாக தானே ஒரு நடிகரை உருவாக்கி அவரோடு இன்றுவரையும் பிறழாத நட்பு பாராட்டும் பெருமையும் கமலின் சிறப்பே

by பாலாஜி Tue Jun 12, 2012 12:47 am

தகவலுக்கு மிக்க நன்றி சூப்பருங்க

by **முத்துராஜ்** Tue Jun 12, 2012 6:51 am

யார் என்று புரிகிறதா .....இவன் தீ என்று தெரிகிறதா ......

by அப்துல் Tue Jun 12, 2012 6:53 am

நன்றி.

by மகா பிரபு Tue Jun 12, 2012 6:59 am

by **ராஜா** Tue Jun 12, 2012 10:40 am

அதி wrote:இத்தனை சாதனைகளுக்கு சொந்தக்காரரை நோக்கி விமர்சனங்கள் எய்த படாவிட்டால் தான் அது தவறாகிவிடும்.தனக்கு போட்டியாக தானே ஒரு நடிகரை உருவாக்கி அவரோடு இன்றுவரையும் பிறழாத நட்பு பாராட்டும் பெருமையும் கமலின் சிறப்பே

அருமையா சொன்னே அதி சூப்பருங்க

by மகா பிரபு Tue Jun 12, 2012 10:44 am

அதி wrote:இத்தனை சாதனைகளுக்கு சொந்தக்காரரை நோக்கி விமர்சனங்கள் எய்த படாவிட்டால் தான் அது தவறாகிவிடும்.தனக்கு போட்டியாக தானே ஒரு நடிகரை உருவாக்கி அவரோடு இன்றுவரையும் பிறழாத நட்பு பாராட்டும் பெருமையும் கமலின் சிறப்பே

எம்.ஜி.ஆர் -சிவாஜி, ரஜினி- கமல் இவர்களுக்குள் ஒற்றுமை என்னவென்றால் இவர்கள் தங்களை எதிரியாக பார்க்கவில்லை.

கமல், சிவாஜி இருவரும் கதாபாத்திரங்களை தத்துருவமாக நடித்து வெற்றி கண்டவர்கள். எம்.ஜி.ஆர் , ரஜினி இருவரும் ஆக்சன் ஹீரோக்கள்..