ஒற்றைச் செருப்போடு தொலைந்தவன்...

by **rameshnaga** Tue Jun 05, 2012 6:40 pm

கோவில் வாசலில்...
ஒற்றையில் கிடக்கிறது செருப்பு.
சுதந்திரமாய்..ஊர் சுற்றும் நாய்கள்
அதை முகர்ந்து செல்ல..
தானம் வேண்டி...வாசலில் அமர்ந்திருப்பவர்
கண்களோ...
நிலைகுத்தி நிற்கின்றது அதன்மேல்.
உள்ளேயோ-
தன்னைப் பார்க்க வந்தவன்..
எங்கே போனான்?...
என்று தேடிக்கொண்டிருந்தார்..
தன சிலைக் கண்களால்....
அசையாமல் நிற்கும் கடவுள்.
கோசாலைப் பசுக்களோ...
கோபாலனின் நந்தவனத்தில்
வாழ்ந்த நாட்களை அசைபோட்டபடி...
பிரகாரத்தில் தூங்கும் ஒருவனைப்
பராக்குப் பார்க்கிறது.
சுற்றுப் பிரகாரமெங்கும்..
சிதறிக் கிடக்கும் ப்ரசாதத் தொன்னைகள்...
வந்து சென்றவர்களின் மனநிலையைத்..
தலைகீழாகப் பறந்து திரியும்..
வௌவால்களுக்கு..உணர்த்திவிடுகிறது.
எதற்காகவோ வந்து தொலைந்துபோய்விட்ட..
ஒற்றைச் செருப்புக்காரன் கனவில்..
இரவில் வெருளும் சாமி...
அவன் வரங்களை என்ன செய்யும்?

by balakarthik Tue Jun 05, 2012 6:47 pm

கஷ்ட்டம் தீருமுனுத்தான் கோவிலுக்கே வருகிறார்கள் அப்படி வந்தவநோருவன் இன்னும் கஷ்ட்டப்பட்டு போயிருக்கான் போலிருக்கு நல்ல யதார்த்தமாய் அந்த கோவிலின் சூழ்நிலையை குறிப்பிற்றிருந்தது அருமை நாகா சார் சூப்பருங்க