ஒரு பக்கக் கதை - மேலாடை

by **சிவா** Wed May 16, 2012 12:38 pm

“இந்த ஊரில் ரொம்ப சந்தோஷமா இருக்கற மனுஷனோட மேலாடையை வாங்கிட்டு வாங்க, அதைப் போட்டுக்கறேன்’ என்று மடத்தின் குரு சொல்ல, சிஷ்யர்கள், நாலாபக்கமும் பறந்தனர்.

ஊரிலேயே பணக்காரரான சுந்தரத்தை அணுக, அவரோ, “செல்வம் என்கிட்டே நிறைய இருக்கு, ஆனா உடம்பெல்லாம் வியாதி காரணமா மகிழ்ச்சியே இல்லே’ என்றார்.

அடுத்து ஆரோக்கியமான ஒருவரைத் தேடிச் சென்றனர். “வியாதி எதுவும் இல்லைதான். ஆனா வறுமை காரணமா சந்தோஷமா இல்லே’ என்றார் அவர்.

இப்படித் தேடித் தேடிச் சலித்த சிஷ்யரகள் கடைசியில், தன் குடிசையில் மனைவியுடன் மகிழ்ச்சியாகப் பேசிக் கொண்டிருந்த கிழவரை அணுகினர். “ஆமா, நான் ரொம்ப சந்தோஷமாகத்தான் இருக்கேன். ஆனா மேலாடைன்னு என்னவோ சொல்றீங்களே அப்படீன்னா என்னய்யா?’ என்றவாறே குடிசையைவிட்டு வெளியே வந்தார் தன் கோவணத்துடன்.

குமுதம்