பிள்ளைகளுக்கு நேர்மை - பொறுப்புணர்வைக் கற்றுக்கொடுங்கள்..

by முஹைதீன் Sat May 05, 2012 2:39 pm

பிள்ளைகளுக்கு நேர்மை - பொறுப்புணர்வைக் கற்றுக்கொடுங்கள்..

நேர்மறையான எண்ணங்களையும், நல்ல ஒழுக்கமான பழக்க வழக்கங்களையும் கற்றுக்கொடுத்து வளர்க்கப்படும் குழந்தைகள் எதிர்காலத்தில் தலை சிறந்தவர்களாக உயர்வார்கள் என்கின்றனர் குழந்தை நல மருத்துவர்கள். பிஞ்சு பருவத்திலேயே அவர்களுக்கு நேர்மை பொறுப்புணர்வை கற்றுக்கொடுக்க வேண்டும் என்றும் அவர்கள் அறிவுறுத்துகின்றனர். அவர்களின் ஆலோசனைகளை படியுங்களேன்.

பொய் சொல்லக்கூடாது

பிள்ளைகளுக்கு பெற்றோர்கள்தான் சிறந்த முன் உதாரணம். எந்த சந்தர்ப்பத்தில் எப்படி நடந்து கொள்ள வேண்டும் என்று அவர்களுக்கு நீங்கள்தான் கற்றுத்தரவேண்டும். பொய் சொல்வதனால் ஏற்படும் தீமைகளை பெற்றோர்கள்தான் கற்றுக்கொடுக்கவேண்டும். அதை விடுத்து யாரிடமாவது போனில் பேசும் போது வீட்டில் இருந்து கொண்டே வெளியூரில் இருப்பதாக கூறினால் அவசியத்திற்கு பொய் சொல்வது தப்பில்லை என்று நினைத்துக் கொள்வார்கள்.

நேர்மையாக இருப்பதனால் கிடைக்கும் நன்மைகள் குறித்து 'மரவெட்டியின் கதை' போன்ற நீதிக்கதைகளை கூறி பிள்ளைகளை மகிழ்வூட்டலாம்.

பொறுப்புணர்ச்சி அதிகரிக்க

வெளியிடங்களுக்கு குழந்தைகளை கூட்டிக்கொண்டு போவதானால் யாரிடமும் விட்டு விட்டு போகாதீர்கள். எங்கு போனாலும் கூட்டிக்கொண்டு போனால்தான் அவர்களுக்கும் எங்கு எப்படி நடந்து கொள்வது என்பது தெரியும்.

கோவிலுக்கு அழைத்துச் சென்றால் அங்கு விளையாடக்கூடாது என்று கூறி அழைத்துச் செல்லுங்கள். அப்பொழுதுதான் அங்கு அமைதியை கடைபிடிக்க வேண்டும் என்று அவர்களுக்குத் தெரியும். கண்ணை மூடி இறைவனை வழிபட்டால்மட்டுமே கோவிலின் அமைதி பாதுகாக்கப்படும் என்றும் அவர்களுக்குத் தெரியும்.

ஹோட்டலில் சில குழந்தைகள் ஓடி ஆடி விளையாடிக் கொண்டிருப்பார்கள். எதையாவது தட்டி உடைத்து விடுவார்கள். அதுமாதிரியான இடங்களுக்குச் சென்றால் எப்படி நடந்து கொள்ளவேண்டும் என்று கற்றுக்கொடுங்களேன். அதேபோல் அடுத்தவர்கள் வீட்டிற்குப் போகும் போது எப்படி நடந்து கொள்ளவேண்டும் என்றும் பழக்கப் படுத்த வேண்டும்.

சூப்பர் மார்கெட் போன்ற இடங்களுக்கு பர்ச்சேஸ் செய்ய சென்றால் குழந்தைகளுக்கு ட்ராலி தள்ள கற்றுக்கொடுங்கள். அதுவே மிகப்பெரிய பொறுப்பை அவர்களுக்கு கொடுத்தது போல ஆகும். அதேசமயம் பார்க் போன்ற விளையாடும் இடங்களுக்குச் சென்றால் ஒடி ஆடி விளையாட விடுங்கள். அவர்களின் மகிழ்ச்சி இரட்டிப்பாகும்.
http://tamil.boldsky.com/pregnancy-parenting/kids/2012/teaching-honesty-responsibility-your-children-001096.html

by **ராஜா** Sat May 05, 2012 3:03 pm

சிறந்த பதிவு முஹைதீன்

by முரளிராஜா Sat May 05, 2012 3:14 pm

மிகவும் அவசியமான பதிவு
நன்றி முஹைதீன்

by யினியவன் Sat May 05, 2012 3:37 pm

சூப்பர் முகைதீன்.

பொது இடங்களில் சில குழந்தைகள் பன்ற அட்டகாசத்தை பார்க்கையில் - அவங்க அப்பா அம்மாவை பிடித்து நல்லா சாத்து சாத்தலாம்ன்னு தோணும்.

by **ராஜா** Sat May 05, 2012 4:07 pm

கொலவெறி wrote:சூப்பர் முகைதீன். பொது இடங்களில் சில குழந்தைகள் பன்ற அட்டகாசத்தை பார்க்கையில் - அவங்க அப்பா அம்மாவை பிடித்து நல்லா சாத்து சாத்தலாம்ன்னு தோணும்.

அப்படி சொல்லாதீங்க அண்ணே அழுகை

. நேற்று இங்கிருக்குற city center baby shop ல , லக்க்ஷனா ஒரு முத்துமாலையை கீழே போட்டு உடைத்துவிட்டார் , பணம் கட்டிவிடுகிறேன்னு சொன்னேன் , பரவாயில்லை என்று பெருந்தன்மையாக சொன்னார்கள். (நல்ல வேலை உங்கள மாதிரி ஒரு ஆள் அங்கில்லை சிரி

)

by யினியவன் Sat May 05, 2012 4:21 pm

ராஜா wrote:அப்படி சொல்லாதீங்க அண்ணே . நேற்று இங்கிருக்குற city center baby shop ல , லக்க்ஷனா ஒரு முத்துமாலையை கீழே போட்டு உடைத்துவிட்டார் , பணம் கட்டிவிடுகிறேன்னு சொன்னேன் , பரவாயில்லை என்று பெருந்தன்மையாக சொன்னார்கள். (நல்ல வேலை உங்கள மாதிரி ஒரு ஆள் அங்கில்லை )

தெரியாம உடைக்கறதுக்கும், வேனூன்னே விளையாட விட்டு வேடிக்கை பார்ப்பதற்கும் வித்தியாசம் இருக்கு ராஜா. நா அவங்கள தான் சொன்னேன். உங்களை இல்ல. புன்னகை

by **இளமாறன்** Sat May 05, 2012 4:26 pm

நல்ல பகிர்வு மகிழ்ச்சி

குழந்தைகள் சிறிதாக இருக்கும் பொது தான் கவலை இல்லாமல் இருக்க முடியும் ஆனால் பொறுப்புணர்ச்சி வந்து விட்டால் அவர்களின் குழ்ந்தை தன்மை போய்விடுமோ சோகம்

by sinthiyarasu Sat May 05, 2012 7:21 pm

மிக மிக நல்லதொரு பதிவு. நன்றி நண்பரே.....

by **krishnaamma** Sat May 05, 2012 8:56 pm

நல்ல பதிவு, நன்றி நண்பரே புன்னகை

by **krishnaamma** Sat May 05, 2012 8:57 pm

இளமாறன் wrote:நல்ல பகிர்வு

குழந்தைகள் சிறிதாக இருக்கும் பொது தான் கவலை இல்லாமல் இருக்க முடியும் ஆனால் பொறுப்புணர்ச்சி வந்து விட்டால் அவர்களின் குழ்ந்தை தன்மை போய்விடுமோ

இல்லை மாறன், பெருமைக்காக சொல்ல்லலை, எங்க கிருஷ்ணா அப்படித்தான், ஆனாலும் அவன் முகத்தில் இன்னமும் நீங்க குழந்தை தன்மையை பார்க்க முடிகிறது தானே ? புன்னகை