யாகம் -வேள்வி என்பது என்ன?

கீதை 4:25 யாகம் செய்கிறவர்களில் பலர் அசுரர்களை உபாவாசித்து அவர்களுக்கு பிரியமான பலவகைப்பட்ட உணர்வுகளை --பலிகளை செலுத்துகிறார்கள் ! ஆனால் வெகுசிலரே உன்னதமான கடவுளின் ஞானத்தீயில் தங்களையே பலியாக அர்ப்பணிக்கின்றனர்!!

கீதை 4:26 இன்பவேட்கையில் ஈர்க்கபடாத துறவறத்தினர் சிலர் மனக்கட்டுபாடு என்னும் வேள்வியில் அய்புலன்களையும் புலன் நுகர்ச்சியையும் அர்ப்பணித்தும் முறையான இல்லறவாசிகள் சிலர் புலன் நுகர்வுகளில் அளவை அர்ப்பணித்து புலன்களையே வேள்வியாக்கியும் தங்களையே வேள்வியாக மாற்றுகின்றனர்!

கீதை 4:27 மற்றும் சிலரோ தன் மனதையும் புலன்களையும் அடக்கியாண்டு அனுபவத்தால் முகிழ்த்த ஞானத்தீயில் புலன்களின் இயக்கத்தையும் பிராணனின் இயக்கத்தையும் வேள்வியாக்கி தன்னை உணர்தல் என்னும் சாதனையில் பயணிக்கிறார்கள்!

கீதை 4:28 சிலர் கடும் தவத்தில் ``தான்தனது`` என்ற அகம்பாவத்தையும் பற்றுகளையும் வேள்வியாக்கி ஞானத்தை அடைகிறார்கள்! சிலர் கடும் விரதத்தால் அஸ்ட்டாங்கயோகம் பயின்றும் சிலர் வேதங்களை ஆய்வுசெய்வதாலும் உன்னதமான ஞானத்தை அடைகிறார்கள்!

கீதை 4:29 மற்றும் சிலர் மூச்சு பயிற்சியில் ஈடுபட்டு ஆழ்மன தியானத்தில் லயிக்கிறார்கள் ! அந்த லயத்தை எட்டியோர் வெளிமூச்சின் இயக்கத்தில் உள்மூச்சையும் உள்மூச்சின் இயக்கத்தில் வெளிமூச்சையும் வேள்வியாக்குகின்றனர்!அந்த வேள்வியில் மூச்சை கடந்தும்; சிந்தனையை கடந்தும் ஆழ்மன தியானத்தில் நிலைக்கிறார்கள்!

கீதை 4:30 யாகம் -வேள்வி என்பதன் உன்மையான அர்த்தத்தை உணர்ந்தவர்களாய் மேற்கண்ட பயிற்சிகளில் ஒன்றில் ஈடுபடுவோர் பாவவினை மற்றும் எதிர்வினைகளிலிருந்து தூய்மைமேல் தூய்மை அடைந்து ஞானத்தீயினின்று விளையும் அமுதத்தை பருகி பரலோகத்திற்குரிய நித்தியஜீவனை அடைவது திண்ணம்!

கீதை 4:31 குருவம்சத்தில் சிறந்தவனே !இந்த பிரபஞ்சத்திலும், வாழ்விலும் இத்தகைய வேள்விகளின்றி ஒருவன் மகிழ்ச்சியாக வாழவே முடியாது! அப்படியிருக்க மறுமையை பற்றியென்ன?

பயனுள்ள பகிர்வு. பகிர்வுக்கு நன்றி கிருபானந்தன். தொடரட்டும் ஒரே திரியில் இருக்கலாமோ? சிந்தியுங்கள்.

தொடருங்கள். நன்றாக உள்ளது.
ரமணியன்

நன்றி தங்கையே ! கீதை தொடர்பாக வியாக்கியானங்களில் அனேக திரிபுகள் உள்ளதாகவும் அதனை நுட்பமாக சீரமைக்க முயலவேண்டும் என்கிற கருத்துரு என் மனதிற்கு வந்து சேர்ந்து வெகு நாளாயிற்று !
கடவுளின் தூதராக அவர்; கடவுளை அடைய முயலும் சாதகன் ஒருவன், பின்பற்றவேண்டிய 17 வகையான யோகங்களையும் அவற்றின் நுட்பங்களையும் அடைய வேண்டிய மனநிலையையும் விளக்கியும் அவற்றை ஓரங்கட்டி என்னை கும்பிட்டால் மட்டும் போதும் என சொன்னதாக பிரபல படுத்திக்கொண்டுள்ளனர் !
பலனை திட்டமிடாது எந்த காரியத்தையும் சிறப்புற செய்ய இயலாது !``கடமையை செய் பலனை எதிர்பாராதே`` என தவறாக வியாக்கியானம் செய்து பொறுப்பற்று இருக்கும்படியான உபதேசம் செய்ததாக ஆக்க பட்டுள்ளது !

கடமையை முடிந்தளவு நேர்த்தியாக ஈடுபாடோடு செய்வதும் பலன் விளைவது கடவுளால் வந்தது என வெற்றி தோல்வியில் மனத்தாங்கல் அடையாமல் மனசமநிலையிலிருப்பதும் ஒரு யோகம் --கர்ம யோகம் என்பது அவரது உபதேசம் !``கடமையை செய் பலன் விளைவதில் பற்று வைக்காதே ``என்பது சரியான உபதேசம் !மேற்போக்காக ஒன்று போல் தெரிந்தாலும் இரண்டிற்கும் இடையில் உபதேச வேறுபாடு உள்ளது !ஏழைகளை ஒடுக்க கண்ணன் பெயரால் திரிக்க பட்ட உபதேசம் அது !
இது போல முழு கீதையையும் வியாக்கியானம் செய்ய கடவுள் தான் எனக்கு ஆக்கமும் ஊக்கமும் கொடுக்க வேண்டும் !கடைசியில் ஒன்றாக தொகுக்கலாம் என கருதுகிறேன் !