சிலேடை பாடல்

by **நாகசுந்தரம்** Fri May 04, 2012 1:55 pm

சிலேடை பாடல்
தமிழ்த்தாத்தா (உ வே சா)

(குளவிக்கும் தமிழ்த்தாத்தாவுக்கும் ஜாலி

தேடித்தினம் அலைதலுண்டு கூடிவாழ்வதிலும் ஒன்றாவார்

பாடிச்சிறப்பதுண்டு பதம் பிரித்து - தன் சிசுவை தவறாது

ஊட்டிவளர்ப்பதுண்டு உத்தமமாய் தன்ஊரில் உழன்று

ஏட்டில் சிறப்பதுண்டு குளவியும் தாத்தாவும் ஆம்,

-----------------------------------------------------------------
(சிவபெருமானுக்கும் தமிழ்த்தாத்தாவுக்கும் ஜாலி

மீனாட்சி மனம் கவர்ந்தவராம் மண்ணிதிலே

தினம் அலைந்து திரிந்துமே - மானமுடன்

மணிமேகலையுடன் குண்டலம் தனைதரித்து

தன்மகனாம் ஸ்வாமி நாதப்பெம்மானும் ஆம் !

by அசுரன் Fri May 04, 2012 2:53 pm

ஓரளவு புரிந்தாலும் நீங்கள் விளக்கம் தந்தால் நல்லாயிருக்கும் நண்பரே!

உங்கள் இந்த சிலேடை கவிதைக்கு எனது பாராட்டுகள் அன்பு மலர்

நல்ல சிலேடை...நன்றி naka

by C.DEVARAJ Fri May 04, 2012 3:42 pm

அருமை நண்பா சிறந்த சிலேடை. . . . .[ கொஞ்சம் புரியல] : மகிழ்ச்சி

by **நாகசுந்தரம்** Fri May 04, 2012 4:06 pm

பாடல் 1
தேடித்தினம் அலைதலுண்டு -
உவேசா - பழைய ஓலைசுவடிகளை தேடுபவர்
குளவி - இரை தேடி அலைவது

கூடிவாழ்வதிலும் ஒன்றாவார்
உவேசா - தமிழ்மக்களுடன் கூடி வாழ்பவர்
குளவி - கூடுகட்டி வாழ்வது

பாடிச்சிறப்பதுண்டு பதம் பிரித்து
உவேசா - தமிழ்பாடல்கள் பதம் பிரித்து இயற்றுபவர்
குளவி - கத்திக்கொண்டே சுழல்வது

தன் சிசுவை தவறாது ஊட்டி வளர்ப்பதுண்டு
உவேசா - தமிழ் மாணாக்கர்களை சிசுவாக வளர்த்தவர் தன்னைப்போன்று ஆக்குபவர்
குளவி - கொட்டி கொட்டி புழுவை குளவியாக்கும்

உத்தமமாய் தன் ஊரில் உழன்று ஏட்டில் சிறப்பதுண்டு
உவேசா - உத்தமதானபுரத்தில் பிறந்தவர்
குளவி - காகித ஏடுகளில் கூடுகட்டி ஓரிடத்தில் சுழுன்று வரும்

பாடல் 2
மீனாட்சி மனம் கவர்ந்தவராம்
உவேசா - உயர்திரு மீனாட்சி சுந்தரம் பிள்ளையவர்களின் மனம் கவர்ந்த மாணாக்கர்
சிவன் - மீனாட்சி அம்மையின் மனம் கவர்ந்தவர்

மண்ணிதிலே தினம் அலைந்து திரிந்துமே
உவேசா - தமிழ்ச்சுவடிகளுக்காக அலைந்து திரிபவர்
சிவன் - பிச்சை எடுத்து உண்ணுபவர் அலைந்து திரிந்து

மானமுடன் மணிமேகலையுடன் குண்டலம் தனை தரித்து
உவேசா - மணிமேகலை குண்டலகேசி போன்ற நூல்களை பதிப்பித்தவர்
சிவன் - பாம்பை மணிகள் குண்டலங்கள் போன்று தரித்தவர்

தன் மகனாம் சுவாமி நாதப்பெம்மான்
உவேசா - சுவாமி நாதன் என்ற பெயர் பெற்றவர்
சிவன் - சுவாமி நாதனை தன் மகனாகப் பெற்றவர்
---
தவறு இருந்தால் மன்னிக்கவும்

by **T.N.Balasubramanian** Sat May 05, 2012 7:56 am

நன்று , அருமை.! அதிகம் விளம்பர படுத்தாததால், அதிகம் அறியப் படாதவர்.
ரமணியன்.

by இரா.பகவதி Sat May 05, 2012 8:02 am

அருமை நாகா அண்ணா , உங்கள் விளக்கம் மிக அருமை நன்றி

by வசீகரப்ரியன் Sun May 20, 2012 5:49 pm

கவிதை
விளக்கம்
இரண்டிலுமே
இல்லை
சுணக்கம் !
வணக்கம்
பிறக்கட்டும்
இன்னும்
பல
வெண்பாக்கள் ..

by **நாகசுந்தரம்** Tue May 22, 2012 1:59 pm

அனைவருக்கும் வணக்கம் ! நன்றி ! வசீகரப்ரியன் அவர்களின் விருப்பத்திற்காக இரண்டு புதிய சிலேடைக் கவிதைகள். குறை நீக்கி குணம் கொள்க !
அன்பன் நாகசுந்தரம், புதுடில்லி

காதலருக்கும் தேனீக்கும் சிலேடை

சுற்றி திரிந்து சுழன்று வரும் சகத்தினையே
பற்றி கையினை புண்ணாக்கும் - சற்றுதனை
மறந்து பூக்களை பரிமாறி குலம் வளர்க்கும்
சுற்றும் தேனீயும் சகக்காதலரும் நேர்

விளக்கம்

காதலர் - சுற்றி திரிவர் இந்த உலகை
தேனீ - சுற்றி தரியும்

காதலர் - இருவரும் கையோடு கை கோர்த்து செல்வர்
தேனீ - கையில் கடித்தால் கை புண்ணாகும்

காதலர் - தனைமறந்து காதலில் ஈடுபட சந்ததிகள் உண்டாகும்
தேனீ - பூக்களில் மகரந்தத்தை கொண்டு சேர்த்து பூக்களை வளர்க்கும்

===================================================================
காதலருக்கும் முனிவர்களுக்கும் சிலேடை

நானும் நீயும் ஒன்றென்று பகன்றிடுவார்
மேனி தனை மறந்து விட்டு - நானிலத்தில்
கூனிகுறுகி கழன்றாலும் கேட்டிடுவார்
முனிவரும் மனக்காதலரும் ஆம் !

விளக்கம்

காதலர் - நானும் நீயும் ஒன்று என்று கூறி மகிழ்வர்
முனிவர் - நானும் நீயும் ஒன்று என்று அத்வைதம் கூறுவர்

காதலர் - தன் உடலை மறந்து ஒன்றறக்கலப்பர்
முனிவர் - தன் உடலை மறந்து மெய் இன்பத்தில் திளைப்பர்

காதலர் - உலகம் பலவிதமாக பேசினாலும் அதைப்பற்றி கவலைப்படுவதில்லை
முனிவர் - பித்தர் என்று பலவிதமாக பேசினாலும் அதைப்பற்றி துன்புறார்