மற்றவர்களை மட்டுமே கரையேற்றுகிறாள்!

அழகின் பதுமை
இவள் தான் என்று
முகவரியிட்டுக் காட்டும்
மிடுக்கான மேனிக்கு,
இனி தைப்பதற்கு இடமில்லை
என்று வெட்ட வெளிச்சமிடும்
அம்மாவின் சின்னாலப்பட்டு
பழைய சீலை!

அடுத்த வேளை உணவுக்கு
ஏதுமில்லை என்றாலும்
அவள் சமைந்தது
யாருக்கு என்ற கேள்வி தான்
அனைவரது நெஞ்சிலும்
அருவியாய் கொட்டுகின்ற
இன்ப நினைவுகள்!

எண்ணற்ற வேலைகளுடன்
மனிதம் அன்றாடத் தேடல்களில்
இவளது துடுப்பின் அசைவுகளில்
அரங்கேறுகிறது!
ஆதவனின் உதயம் முதல்
இரவுப்பொழுதின் தொடக்கம் வரை
இவளது பரிசல் வாழ்க்கையின் பயணத்தில்
மற்றவர்கள் மட்டுமே கரையேறுகிறார்கள்!

................கா. ந. கல்யாணசுந்தரம்.

by ரூபன் Mon Oct 05, 2009 3:23 pm

[You must be registered and logged in to see this image.] அருமையான தாயின் பெருமையை வெளிக்காட்டும் கவிதை

மற்றவர்களை மட்டுமே கரையேற்றுகிறாள்!

மற்றவர்களை மட்டுமே கரையேற்றுகிறாள்!

Re: மற்றவர்களை மட்டுமே கரையேற்றுகிறாள்!