விடுதலைப் புலிகள் தோல்வியடைந்தது ஏன்? : கருணாநிதி விளக்கம்

by **பிரசன்னா** Sat Apr 28, 2012 12:51 pm

சென்னை, ஏப்.27: இலங்கையில் இறுதிப் போரில் விடுதலைப் புலிகள் வெற்றிபெறாமல் வீழ்ந்து போனதற்குக் காரணம் ஓரணியாய் நின்று போரிடாததுதான் என்று திமுக தலைவர் கருணாநிதி தெரிவித்துள்ளார்.

இது தொடர்பாக வெள்ளிக்கிழமை அவர் வெளியிட்ட அறிக்கை:

ஈழத் தமிழர்கள் மீது இன்றைக்குக் காட்டும் உணர்வுப்பூர்வமான அக்கறையை இலங்கையில் போர் நடைபெற்றபோதே காட்டியிருக்கக் கூடாதா என்ற ஆதங்கம் உலகெங்கும் பரவிக் கிடக்கும் தமிழர்களுக்கு இருப்பதை என்னால் புரிந்துகொள்ள முடிகிறது.

இறுதிப் போரின்போது ஆயிரக்கணக்கான ஈழத் தமிழர்கள் கொல்லப்பட்டதைத் தடுத்து நிறுத்தியிருக்கலாம் என்று எண்ணுகின்றனர்.

ஆனால் கேட்பவர்களுக்கே தெரியும். விடுதலைப் புலிகள் வெற்றியைப் பெறாமல் வீழ்ந்து போனதற்குக் காரணம் ஓரணியாய் நின்று போரிடாததுதான்.

சகோதர யுத்தம் வேண்டாம் என்று காலில் விழாத குறையாக ஒவ்வொரு அணியினரின் கரம் பிடித்து கெஞ்சிக் கேட்டும், அவர்களின் உள்பகையைத் தீர்க்க முடியவில்லை.

இந்த உள்பகையால் ஓர் இனம் பெற வேண்டிய வெற்றியின் காலகட்டத்தையே தள்ளிப் போட வேண்டிய சோக நிகழ்வாக அமைந்துவிட்டது.

இறுதி யுத்தம் நடைபெற்றபோது அதை தடுத்து நிறுத்துவதற்கு தமிழக அரசும், மத்திய அரசும் இயன்றவரை எல்லா நடவடிக்கைகளையும் செய்தது. ஆனால், இலங்கை அரசு கொடுத்த உறுதிமொழிகளையெல்லாம் மீறி, தமிழ்ப் போராளிகளைக் கொன்று குவித்தது.

சகோதர யுத்தத்தினால் ஏற்பட்ட சரிவைப் பயன்படுத்தியே இலங்கை அரசு வெற்றிபெற்றது. இருப்பினும், ஈழத் தமிழர்களுக்கு ஏற்பட்ட தோல்வி நிரந்தரமானது இல்லை.

களத்தில் மறைந்த அனைவருக்கும் இறுதி வணக்கத்தைத் தெரிவித்து, தமிழ் இனம் தலைநிமிர உடல், பொருள், ஆவி அனைத்தையும் தரத் தயங்கமாட்டோம் என்ற உறுதியுடன் அறப்போர் தொடர்ந்திட அணிவகுப்போம் என்று கருணாநிதி தெரிவித்துள்ளார்.

தினமணி

by ஹர்ஷித் Sat Apr 28, 2012 12:58 pm

விடுதலை என்ற சொல்லுக்கு என்றுமே தோல்வி இல்லை.,

by **ராஜா** Sat Apr 28, 2012 1:05 pm

உன் வயதுக்கு கொடுக்கும் மரியாதை கூட இப்பல்லாம் கொடுக்க தோணவில்லை , இப்படியும் ஒரு ஈனபிறவி என்ன கொடுமை சார் இது

by **இளமாறன்** Sat Apr 28, 2012 3:03 pm

இன்னும் முடியவில்லை ... போர்

தமிழனை தமிழனே ஏமாற்றுவதை நிறுத்தும் போது தமிழன் உயர்வான்

by பது Sat Apr 28, 2012 3:08 pm

எட்டப்பன் காக்கை வன்னியன் போல் பலர் இருந்தார்கள் அவர்களாலேயே இதெல்லாம் நடந்தது முடிஞ்ச விஷயங்களை பேசி தன்னுடைய செல்வாக்கை உயர்த்த பாக்குறார் என்ன கொடுமை சார் இது

by யினியவன் Sat Apr 28, 2012 3:24 pm

அய்யா நீங்க உடல் பொருள் ஆவியெல்லாம் கொடுக்க வேண்டாம். உங்க தங்க கனியையும், அழகிரியையும் அங்க அனுப்பி வெய்யுங்க - கண்டிப்பா ராஜ பக்க்ஷெவுக்கு சாவு மணி அடிச்சு தமிழர்களுக்கு விமோசனம் கிடைக்கும். அதில அவங்க ரெண்டு பெரும் வீர மரணம் அடைந்தால் தமிழகத்துக்கும் விடிவுகாலம் தான் - ஒரே கல்லில் இரண்டு மாங்கனிகள் - இது எப்படி இருக்கு?

by பது Sat Apr 28, 2012 3:31 pm

சகோதர யுத்தம் வேணாம் ஏந்துடிங்க ஆன உங்க பிள்ளைகளுக்குல அது வராம பாத்துக்கங்க

by **பிரசன்னா** Sat Apr 28, 2012 3:32 pm

கொலவெறி wrote:அய்யா நீங்க உடல் பொருள் ஆவியெல்லாம் கொடுக்க வேண்டாம். உங்க தங்க கனியையும், அழகிரியையும் அங்க அனுப்பி வெய்யுங்க - கண்டிப்பா ராஜ பக்க்ஷெவுக்கு சாவு மணி அடிச்சு தமிழர்களுக்கு விமோசனம் கிடைக்கும். அதில அவங்க ரெண்டு பெரும் வீர மரணம் அடைந்தால் தமிழகத்துக்கும் விடிவுகாலம் தான் - ஒரே கல்லில் இரண்டு மாங்கனிகள் - இது எப்படி இருக்கு?

அமர்க்களம்.... கொலவெறினா இதுவல்லவோ கொலவெறி ..... ! சூப்பருங்க

உங்கள் எண்ணம் ஈடேற வாழ்த்துகள்... சூப்பருங்க

by உதயசுதா Sat Apr 28, 2012 4:32 pm

பாவம் இப்ப இவருக்கு தமிழகத்தில் எந்த வேலையும் இல்லை, அதான் இலங்கை பிரச்சினையா கையில் எடுத்து இருக்கார். சரி விடுங்கப்பா, இந்த மாதிரி கீழ்பாக்க கேஸ் சொல்றது எல்லாம் கன்ஸிடர் செய்ய கூடாது

by **பிரசன்னா** Sat Apr 28, 2012 4:35 pm

உதயசுதா wrote:பாவம் இப்ப இவருக்கு தமிழகத்தில் எந்த வேலையும் இல்லை, அதான் இலங்கை பிரச்சினையா கையில் எடுத்து இருக்கார். சரி விடுங்கப்பா, இந்த மாதிரி கீழ்பாக்க கேஸ் சொல்றது எல்லாம் கன்ஸிடர் செய்ய கூடாது

நீங்க சொன்னால் சரி தான்.... சிரி சிரி