குரல் வளத்தை உண்டாக்கும் வெற்றிலை!

by முஹைதீன் Sun Apr 15, 2012 1:25 pm

குரல் வளத்தை உண்டாக்கும் வெற்றிலை!

வெற்றிலையை கடுகு எண்ணெயில் போட்டு லேசாக சூடு செய்து மார்பில் வைத்துக் கட்டிவர மூச்சுத் திணறல் மற்றும் இருமலுக்கு சுகம் தரும்.

குழந்தைகளுக்கு வரும் சுரம், சன்னிக்கு, வெற்றிலைச் சாற்றில் கஸ்தூரி, கோரோசனை, சஞ்சீவி ஆகியவற்றில் ஏதேனும் ஒன்றை மத்தித்து தேனுடன் கொடுக்க குணமாகும். சளி, இருமல், மாந்தம், இழுப்பும் குணமாகும்.

வெற்றிலையை அனலில் வாட்டி அதனுள் ஐந்து துளசி இலையை வைத்துக்
கசக்கிப் பிழிந்து சாறு எடுத்து 10 மாத குழந்தைக்கு 10 துளிகள் காலை, மாலை கொடுக்க சளி, இருமல் குணமாகும்.

அனலில் வாட்டிய வெற்றிலையை மார்பிலும் பற்றாகப் போட சளி குறையும். கம்மாறு வெற்றிலைச் சாறு 15 மி.லி. அளவு வெந்நீரில் கலந்து கோடுக்க வயிற்று உப்புசம், மந்தம், சன்னி, சீதளரோகம், தலைவலி, நீர் ஏற்றம் வயிற்று வலி குணமாகும்.

வெற்றிலையில் சிறிது ஆமணக்கு எண்ணெய் தடவி லேசாக வாட்டி கட்டிகளின் மேல் வைத்துக்கட்டி வர கட்டிகள் உடைந்து சீழ் வெளிப்படும்.
சிறப்பாக இதை இரவில் கட்டுவது நல்லது. சுக்கு, மிளகு, திப்பிலி சம அளவு கலந்த திரிகடுக சூரணத்துடன் வெற்றிலைச் சாறு தேன் கலந்து சாப்பிட ஆஸ்துமா குணமாகும்.

வெற்றிலையின் வேரை சிறுதளவு எடுத்து வாயிலுட்டு மென்று வர குரல் வளம் உண்டாகும். எனவே இசைக்கலைஞர்கள் இதனை அதிகம் பயன்படுத்துகிறார்கள்.

நுரையீரல் சம்பந்தமான நோய்களிக்கு வெற்றிலைச்சாறும், இஞ்சிச் சாறும் சம அளவு கலந்து அருந்திவர நன்மை ஏற்மடும். சிறுவர்களுக்கு அஜீரணத்தைப் போக்கி பசியைத் தூண்ட வெற்றிலையோடு மிளகு சேர்த்து கஷாயம் செய்து கொடுத்து வரலாம்.
http://www.suncnns.co.cc/2012/04/blog-post_8210.html?zx=d8f565d49f368c0b

by ஹர்ஷித் Sun Apr 15, 2012 5:15 pm

முஹைதீன் wrote:வெற்றிலையின் வேரை சிறுதளவு எடுத்து வாயிலுட்டு மென்று வர குரல் வளம் உண்டாகும். எனவே இசைக்கலைஞர்கள் இதனை அதிகம் பயன்படுத்துகிறார்கள்.

தகவலுக்கு நன்றி முகைதீன். அருமையிருக்கு

by அதி Sun Apr 15, 2012 6:45 pm

ஒரு பத்து வருடங்களுக்கு முன்பு எல்லா திருமண வீட்டிலும் விஷேச நாட்களிலும் வெற்றிலை மென்று துப்பும் பாட்டிகளைப் பார்க்க முடிந்தது.இப்போது தாம்பூலத்தில் வைப்பதோடு சரி
காரணமாக தான் அந்த காலத்தில் வெற்றிலையை வாயில் அரைத்துக் கொண்டிருந்திருக்கிறார்கள் போல

by curesure4u Sun Apr 15, 2012 6:47 pm

முன்பெல்லாம் உரமில்லா உணவு சாபிட்டோம் செரிக்க மருந்து வெற்றிலை தேவை பட்டது..இன்று வெற்றிலை சாப்பிடும் பழக்கத்தால் வாய் புற்று அல்லவா வருகிறது

by **சிவா** Sun Apr 15, 2012 7:17 pm

curesure4u wrote:முன்பெல்லாம் உரமில்லா உணவு சாபிட்டோம் செரிக்க மருந்து வெற்றிலை தேவை பட்டது..இன்று வெற்றிலை சாப்பிடும் பழக்கத்தால் வாய் புற்று அல்லவா வருகிறது

சரியாகக் கூறியுள்ளீர்கள்! இன்று வெற்றிலையால் வாய்ப்புற்று நோய் ஏற்படுவது நிரூபிக்கப்பட்டுள்ளது. இதற்குக் காரணம் மேலே நண்பர் கூறியுள்ளதுதான்.