ஆண் குழந்தை வேணுமா உணவில் கவனம் செலுத்துங்க

by **சிவா** Tue Apr 03, 2012 1:36 pm

ஆண் குழந்தைக்கு ஆசை படும் பெண்கள் யார் என ஒரு சர்வே எடுத்தால் அதில் 98 சதவீதம் பெண்கள் ஆண் குழந்தைக்கு தான் ஆசைபடுகின்றனர். 2 சதவீதம் பேர் மட்டுமே பெண் குழந்தை வேண்டும் என தெரிவிக்கின்றனர். ஆண் குழந்தைக்கு ஆசைப்படாத பெண்கள் யார் தான் இல்லை? ஆண் குழந்தை பிறக்க என்ன உணவு முறை சாப்பிட வேண்டும் என மருத்துவ ஆய்வு மேற்கொள்ளப்பட்டது.

அதில் ஆண் குழந்தை பெற விரும்பும் பெண்கள், கர்ப்ப காலத்தின் துவக்கத்தில் அவசியம் காலை உணவை உட்கொள்ள வேண்டும் என்று கூறுகிறது சமீபத்திய மருத்துவ ஆய்வு ஒன்று. கர்ப்பம் உறுதிபடுத்தப்பட்ட பின்னர் பெண்களுக்கு இயல்பாகவே வரும் மசக்கை மற்றும் வாந்தி போன்றவை, சில பெண்களுக்கு உணவின் மீதே வெறுப்பை ஏற்படுத்தி விடும்.

ஆனால் குழந்தை - அதுவும் ஆண் குழந்தையாக - பெற்றுக்கொள்ள வேண்டும் என்ற ஆசை மட்டும் ஆகாயம் வரை இருக்கும். பொதுவாகவே கர்ப்பம் தரித்திருக்கும் பெண்கள் நல்ல சத்தான் உணவை வேளை தவறாமல் உண்ண வேண்டும்; அதுவும் சிறிது சிறிதாக ஐந்து வேளை வரை உட்கொள்ளலாம் என்றெல்லாம் அறிவுறுத்துகின்றனர் மகப்பேறு மருத்துவர்கள்.

இந்நிலையில், கர்ப்ப காலத்தின் தொடக்கத்தில் ஒரு பெண் உட்கொள்ளும் உணவின் தன்மைதான் அவளது குழந்தை ஆணாக உருவாகுமா அல்லது பெண்ணாக உருவாகுமா என்பதையும், அந்த குழந்தையின் ஆரோக்கியத்தையும் தீர்மானிக்கும் என்கிறார்கள் ஆய்வாளர்கள்!

இது தொடர்பாக அண்மையில் கொலம்பியாவில் உள்ள மிஸ்ஸோரி பல்கலைக்கழக மருத்துவ ஆராய்ச்சியாளர்கள் மேற்கொண்ட ஆய்வில், ஒரு பெண் கர்ப்ப காலத்தின் தொடக்கத்தில் காலை உணவை தவறாமல் உட்கொள்வதோடு, நல்ல கொழுப்பு சத்தான ஆகாரத்தையும் எடுத்துக்கொண்டால் ஆண் குழந்தை பிறக்க நிறைய வாய்ப்பு உள்ளதாக தெரிய வந்துள்ளது.

அதுவே குறைந்த கொழுப்பு சத்துடைய உணவையும், உணவு இடைவேளையை நீண்ட நேரமாக வைத்துக்கொள்ளும் பெண்களுக்கு பெண் குழந்தை பிறக்க வாய்ப்புள்ளதாகவும் கூறுகிறார்கள் அந்த ஆய்வை மேற்கொண்ட மருத்துவ ஆராய்ச்சியாளர்கள்.

நீங்கள் ஆண் குழந்தைக்கு ஆசை படுறவங்களா இருந்தா ஆரம்ப காலத்தில் சத்தான உணவை எடுத்து கொள்வது அவசியம்

தினகரன்

by **ரா.ரா3275** Tue Apr 03, 2012 1:41 pm

ஆஹா ...அப்படியா?..நல்ல தகவல் தந்தமைக்கு நன்றி டாக்டர் சிவா...

by **ஜாஹீதாபானு** Tue Apr 03, 2012 1:41 pm

பகிர்வுக்கு நன்றி அண்ணா ...... சூப்பருங்க

ஆணிடம் இருந்து வரும் X மற்றும் பெண்ணிடம் இருந்து வரும் X சேர்ந்தால் பெண் குழந்தை.

பெண்ணிடம் இருந்து வரும் X மற்றும் ஆணிடம் இருந்து வரும் Y சேர்ந்தால், ஆண் குழந்தை.
இதில் அறிவியல் சொல்லும் உண்மை என்னவென்றால், ஆணிடம் இருந்து வரும் X மற்றும் Y குரோமோசோமில்,Y- யின் ஆயுள் குறைவு.
ஏதோ ஒரு புத்தகத்தில் படித்த நியாபகம்

by **மாணிக்கம் நடேசன்** Tue Apr 03, 2012 1:45 pm

எனக்கு எந்த குழந்தையும் வேண்டாம்.
ஆள விடுங்க.

by **ரா.ரா3275** Tue Apr 03, 2012 1:56 pm

மாணிக்கம் நடேசன் wrote:எனக்கு எந்த குழந்தையும் வேண்டாம்.
ஆள விடுங்க.

by உதயசுதா Tue Apr 03, 2012 2:40 pm

ஜாஹீதாபானு wrote:பகிர்வுக்கு நன்றி அண்ணா ......

ஆணிடம் இருந்து வரும் X மற்றும் பெண்ணிடம் இருந்து வரும் X சேர்ந்தால் பெண் குழந்தை.

பெண்ணிடம் இருந்து வரும் X மற்றும் ஆணிடம் இருந்து வரும் Y சேர்ந்தால், ஆண் குழந்தை.
இதில் அறிவியல் சொல்லும் உண்மை என்னவென்றால், ஆணிடம் இருந்து வரும் X மற்றும் Y குரோமோசோமில்,Y- யின் ஆயுள் குறைவு.
ஏதோ ஒரு புத்தகத்தில் படித்த நியாபகம்

அதானே சத்தான உணவை பெண் சாப்பிட்டா எப்படி ஆண் கிட்ட இருந்து வரும் x, y குரோமசோம்கள் மாறி போகும்