பார்ச்சூன் சிறந்த தொழிலதிபர் பட்டியலில் இன்போஸிஸ் நாராயணமூர்த்தி!

by ஹர்ஷித் Sat Mar 31, 2012 7:07 pm

உலகின் 12 சிறந்த தொழில்முனைவோரில் ஒருவராக இன்போஸிஸ் நாராயணமூர்த்தியை அறிவித்துள்ளது புகழ்பெற்ற பார்ச்சூன் பத்திரிகை.

சர்வதேச அளவில் தொழில் துறையின் பல்வேறு சிறப்புகளை, அமெரிக்காவில் வெளியாகும் பார்ச்சூன் இதழ் பட்டியலிட்டு வருகிறது. அந்த வகையில், சமகாலத்தில் உலகின் புகழ்பெற்ற 12 தொழில்முனைவோர் பட்டியலை வெளியிட்டுள்ளது.

சமீப காலத்தில் தொழில் பின்னணி எதுவுமே இல்லாமல் சிறிய அளவில் தொழில் முனைவோராக தனது வாழ்க்கையை துவக்கி, உலகமே திரும்பிப் பார்க்கும் வகை யில் சிறந்த தொழிலதிபராக மாறியவர்கள் இந்த பட்டியலி ல் இடம் பிடித்துள்ளனர்.

இந்த பட்டியலில், அமெரிக்காவைச் சேர்ந்த ஆப்பிள் நிறுவனத்தின் முன்னாள் தலைவர் மறைந்த ஸ்டீவ் ஜாப்ஸ் முதலிடத்தை பிடித்துள்ளார். இந்தியரும், சாப்ட்வேர் துறையில் கொடிகட்டி பறப்பவருமான இன்போசிஸ் நிறுவனர்களில் ஒருவரான நாராயணமூர்த்தி (65), 10வது இடம் பிடித்துள்ளார்.

இன்போசிஸ் நிறுவனத்தை, நாராணயமூர்த்தி 5 நண்பர்களுடன் இணைந்து துவக்கினார். எனினும், இவருடைய முழு முயற்சியின் காரணமாகவே நாட்டின் மிகப் பெரிய நிறுவனங்களுள் ஒன்றாக வளர்ந்தது.

பட்டியலில் இடம்பெற்ற பிற தொழிலதிபர்கள்:

மைக்ரோசாப்ட் நிறுவனர் பில்கேட்ஸ் (2)
பெடக்ஸ் நிறுவனர் பிரெட் ஸ்மித் (3)
அமேசான் ஜெப் பெசோஸ் (4)
கூகுள் நிறுவனர்கள் லாரி பேஜ் மற்றும் செர்கி பிரின் (5)
ஹோவார்டு ஸ்குட்ஸ் (6)
பேஸ்புக் தலைமை செயல் அதிகாரி மார்க் சூகர்பெர்க் (7)
ஹோல் புட்ஸ் ஜான் மக்கே (8)
சவுத்வெஸ்ட் ஏர்லைன்ஸ் ஹெர்ப் கெல்லஹர் (9)
வால்மார்ட் சாம் வால்டர் (11)
கிராமீன் வங்கி முகமது யூனுஸ் (12)

http://tamil.oneindia.in

by யினியவன் Sat Mar 31, 2012 7:28 pm

வாழ்த்துகள் நம்ம நாட்டுக் காரருக்கு.

எந்த பேக்ரவுண்டுமே இல்லாம, சொந்த முயற்சில அரசியல்ல குதிச்சு ஊழல் பண்ணி சம்பாரிச்ச லிஸ்ட் ஒன்னு வெளியிட்டா முதல் ஒரு லட்சம் பேரும் நம்ம ஆளுங்களா தான் இருப்பாங்க.