எழுதப்படாத சுவடுகள்

by செய்தாலி Tue Mar 27, 2012 11:45 am

ஒரு அறையில்
ஒரே குடும்பபாக இருந்தாலும்
முகம் பார்த்தாலும் உரையாடுவதும்
மிக மிக அரிது

உறவுகளுக்காக
கடல்கடந்து திரவியம் தேடி
அலையும் எத்தனையோ பறவைகளின்
வாழ்க்கை இப்படித்தான்

முன்தினம்
வார விடுமுறை என்பதால்
முக சந்திப்பில் ஐக்கியமாயிருந்தார்கள்
அறை நண்பர்கள்

ஒருநண்பர்
நாட்டு நடப்புக்களை
கூர்ந்து கவனித்துக் கொண்டிருந்தார்
ஊடகத்தில்

ஜன்னலோரத்தில்
தன் புதுமனைவியுடன் கைபேசியில்
நெடுநேரமாய் சப்தமின்றி கொஞ்சியபடி
புது மாப்பிளை

தினமும்
இல்லை என்றாலும் வாரம் ஒருமுறை
வழக்கம்போல் மதுபாட்டிலை திறந்து
முதல் பெக்கை அருந்தத்தொடங்கினார்
மற்றொரு நண்பர்

ஊடக
தலைப்புச் செய்தியில் சற்றென
உயிர்த்தெளுந்த்து பிரபலமான ஒருவரின்
மரணச் செய்தி

அங்க பாருங்க
நண்பர் சப்தம் எழுப்ப
எதையோ வாசித்துக் கொண்டிருந்த என்னையும்
சலனம் செய்தது

எல்லா
ஊடங்களிலும் நிரம்பி வழிந்தபடி
சற்றுமுன் இறந்தவர் வாழ்ந்த
வாழ்க்கை குறிப்புக்கள்

முதுமை பட்டியலுக்குள்
இடம் பெற்றவர்களின் பெயர்களை
ஒவ்வோற்றாய் அளிக்கிறான்
இறைவன்

யதார்த்தமாய்
சொல்லிகொண்டிருந்தார்
ஊடகத்தை பார்த்தபடி
நண்பர்

எதிலோ ஒன்றில்
பிரபலமான மனிதர்களின்
ஜனன மரணத்தை ஊருக்கு சொல்கிறது
பலதரப்பட்ட ஊடகங்கள்

ஒவ்வொரு நொடிக்கும்
எங்கோ பிறந்தும் இறந்தும் கொண்டிருக்கிறார்கள்
எத்தனையோ பிரபலம் இல்லாத
மனிதர்கள்

சில பிரபலத்தின்
ஜனன மரணங்களும்
அவர்களின் வாழ்கையும் எழுதப்படுகிறது
கால ஏட்டில்

ஓசை எழுப்பாமல்
மௌனமாய் எத்தனையோ கோடி
சாதாரணப்பட்ட மனிதர்களின்
மரணங்கள்

இவர்களின்
மரணத்தைப் போலவே
அவர்களின் வாழ்க்கை குறிப்பும்
கால ஏட்டில் எழுப்படமாலே

by **அருண்** Tue Mar 27, 2012 12:24 pm

எழுத படாத சுவடுகள் கண்டிப்பாக நாம் நினைத்து பார்க்க கூடிய ஒன்று..!
கடைசி வரை நான் யார் என்ற கேள்வி எனக்குள் இருக்கிறது..!
சூப்பர்..! மகிழ்ச்சி

by **ஜாஹீதாபானு** Tue Mar 27, 2012 1:08 pm

என்ன செய்ய...பிரபலங்களுக்கு இருக்கும் மதிப்பு சாதாரமாணவனுக்கு இல்லையே ... சோகம்

அவனும் மனிதன் தானே..... புன்னகை

கவிதை அருமை செய்தாலி... சூப்பருங்க

by **ரா.ரா3275** Tue Mar 27, 2012 1:22 pm

யதார்த்த மனிதர்களின் கணக்கில் வராத சோகம் சொல்லியது சூப்பர் செய்தாலி...

by யினியவன் Tue Mar 27, 2012 2:56 pm

சாதரனமானவனுக்கு எழுதப் படாத சுவடுகள் ரணமாக
உடன் இருப்பவர்களுக்கே தெரிய மாட்டேங்குதே ஒருவனின் அருமை
பின்ன எங்கே பிரபலமா ஆவுறது?

அருமையான கவிதை செய்தாலி. சூப்பருங்க

by இரா.பகவதி Tue Mar 27, 2012 4:51 pm

by செய்தாலி Wed Mar 28, 2012 5:01 pm

அருண் wrote:எழுத படாத சுவடுகள் கண்டிப்பாக நாம் நினைத்து பார்க்க கூடிய ஒன்று..!
கடைசி வரை நான் யார் என்ற கேள்வி எனக்குள் இருக்கிறது..!
சூப்பர்..!

மிக்க நன்றி அருண்

by செய்தாலி Wed Mar 28, 2012 5:02 pm

ஜாஹீதாபானு wrote:என்ன செய்ய...பிரபலங்களுக்கு இருக்கும் மதிப்பு சாதாரமாணவனுக்கு இல்லையே ...

அவனும் மனிதன் தானே.....

கவிதை அருமை செய்தாலி...

மிக்க நன்றி சகோ

by செய்தாலி Wed Mar 28, 2012 5:02 pm

கொலவெறி wrote:சாதரனமானவனுக்கு எழுதப் படாத சுவடுகள் ரணமாக
உடன் இருப்பவர்களுக்கே தெரிய மாட்டேங்குதே ஒருவனின் அருமை
பின்ன எங்கே பிரபலமா ஆவுறது?

அருமையான கவிதை செய்தாலி.

மிக்க நன்றி தோழரே