வடகொரியாவின் உளவு ராக்கெட்டை தகர்க்க ஜப்பான் ஏவுகணை தயாரிப்பு

by **சிவா** Sun Mar 25, 2012 11:49 pm

வடகொரியாவின் மறைந்த தலைவர் ஜிம் 2-சங்கின் 100-வது பிறந்தநாளையொட்டி அவரது நினைவாக உளவு ராக்கெட்டை பறக்க விட அந்நாட்டு அரசு முடிவு செய்துள்ளது. அது அடுத்தமாதம் (ஏப்ரல்) விண்ணில் செலுத்தப்பட உள்ளது. இதற்கு, அமெரிக்கா மற்றும் பக்கத்து நாடுகளான சீனா, தென்கொரியா, ஜப்பான் உள்ளிட்ட நாடுகள் கடும் எதிர்ப்பு தெரிவித்துள்ளன.

இந்த அறிவிப்பு ஐ.நா. பாதுகாப்பு கவுன்சில் தீர்மானத்துக்கு எதிரானது என கூறியுள்ளன. ஆனால் இதை வடகொரியா கண்டுகொள்ளவில்லை. இந்த உளவு ராக்கெட் பறக்கவிட்டால் தங்களது நாட்டின் பாதுகாப்புக்கு அச்சுறுத்தல் ஏற்படும் என ஜப்பான் கருதுகிறது. எனவே, இதை கடுமையாக எதிர்த்து வருகிறது. எனவே வடகொரியா ராக்கெட் விவகாரம் குறித்து ஜப்பான் பாராளுமன்றத்தில் கண்டன தீர்மானம் நிறை வேற்றப்பட்டுள்ளது.

இதற்கிடையே ஜப்பான் மீது வடகொரியாவின் உளவு ராக்கெட் பறக்கும்போது அதை சுட்டு வீழ்த்துவோம் என ஜப்பான் ராணுவ மந்திரி நயோகி தனாகா அறிவித்து இருந்தார். அதை தொடர்ந்து அந்த ராக்கெட்டை தாக்கி அழிக்கும் திறன்கொண்ட ஏவுகணையை தயாரிக்கவும் உத்தரவிட்டுள்ளார். அதற்கு பாக்-3 (பி.ஏ.சி-3) என பெயரிடப்பட்டுள்ளது. அந்த ஏவுகணைகளை ஒகியோ தீவில் நிலை நிறுத்தவும் திட்டமிடப்பட்டுள்ளது. இந்த தகவலை ராணுவ மந்திரி நயோகி தனாகா அறிவித்துள்ளார்.

மாலைமலர்