விவசாயத்தில் இளைஞர்கள் ஈடுபட அமைச்சர் தாமோதரன் வலியுறுத்தல்

by **சிவா** Sun Mar 25, 2012 8:44 am

திருச்சி:நாட்டின் உணவு உற்பத்தியை அதிகரிக்க நவீன தொழில்நுட்பங்களை பயன்படுத்தி விவசாயத்தில் ஈடுபட படித்த இளைஞர்கள் முன்வர வேண்டும் என வேளாண்மை துறை அமைச்சர் தாமோதரன் வலியுறுத்தினார்.திருச்சி கருமண்டபம் தேசிய கல்லூரி மைதானத்தில் தினமலர் நடத்தும் நான்காவது விவசாயக்கண்காட்சியை துவக்கி வைத்து அவர் பேசியதாவது: அரசுக்கு உதவும் வகையில் தினமலர் நாளிதழ் இந்த கண்காட்சியைநடத்துகிறது.

இதுபோன்ற கண்காட்சியை தமிழகம் முழுவதும் நடத்திட வேண்டும். நம் நாட்டின் 110 கோடி மக்களுக்கு உணவை தரும் விவசாயம் போன்ற சிறந்த தொழில் ஏதும் இல்லை. 65 லட்சம் ஹெக்டேராக இருந்த விவசாய நிலங்கள் தற்போது 50 லட்சம் ஹெக்டேராக குறைந்து விட்டது. விளை நிலங்கள் விலை நிலங்களாக மாறி வருகின்றன. விவசாயத்தை மேம்படுத்த தமிழக அரசு பலதிட்டங்களை செயல்படுத்தி வருகிறது. தினமலர் நடத்தும் இந்த கண்காட்சி மூலம் பல்லாயிரக்கணக்கான விவசாயிகள் பயன் பெறுவார்கள். இளைஞர்கள் அதிக அளவில் விவசாயத்திற்கு வரவேண்டும். பழைய முறைகளை மாற்றி நவீன கருவிகளை விவசாயத்தில் பயன்படுத்த வேண்டும்.என்றார்.

தினமலர்

by **சிவா** Sun Mar 25, 2012 8:46 am

ஆமங்கய்யா, நீங்க சொல்றது தான்யா சரி, இவனுகளை இனிமேல் வயலிலேயே போட்டு அமுக்கிட்டமுன்னா, அப்புறம் எப்படி வலைப்பூ, பேஷ்புக்குன்னு நம்ம செய்யிற நாத்த வேலையெல்லாம் எழுதுறானுகன்னு பார்த்துடுவோம்.

by அசுரன் Sun Mar 25, 2012 8:56 am

சிவா wrote:ஆமங்கய்யா, நீங்க சொல்றது தான்யா சரி, இவனுகளை இனிமேல் வயலிலேயே போட்டு அமுக்கிட்டமுன்னா, அப்புறம் எப்படி வலைப்பூ, பேஷ்புக்குன்னு நம்ம செய்யிற நாத்த வேலையெல்லாம் எழுதுறானுகன்னு பார்த்துடுவோம்.

சரியா சொன்னீங்க சிவா! இருக்குற விவசாயிங்க கிட்ட இருந்து நிலத்தை புடுங்கி ப்ளாட்டு போடாம இருந்தா சரி

by **சிவா** Sun Mar 25, 2012 11:36 am

அசுரன் wrote:
சிவா wrote:ஆமங்கய்யா, நீங்க சொல்றது தான்யா சரி, இவனுகளை இனிமேல் வயலிலேயே போட்டு அமுக்கிட்டமுன்னா, அப்புறம் எப்படி வலைப்பூ, பேஷ்புக்குன்னு நம்ம செய்யிற நாத்த வேலையெல்லாம் எழுதுறானுகன்னு பார்த்துடுவோம்.
சரியா சொன்னீங்க சிவா! இருக்குற விவசாயிங்க கிட்ட இருந்து நிலத்தை புடுங்கி ப்ளாட்டு போடாம இருந்தா சரி

அதைத்தானே இப்பொழுது அரசியல்வாதிக்ள் செய்து கொண்டிருக்கிறார்கள்.

by உதயசுதா Sun Mar 25, 2012 12:01 pm

நிலம் எங்க இருக்கு ? இளைஞர்கள் விவசாயத்தில் ஈடுபட.
இருக்கிற நிலம் எல்லாம் பிளாட்டா மாறிட்டு இருக்கு.இதுல இவரு அத்வைசே சொல்ல வந்துட்டார்.சொல்ற நீங்க வேளாண்மை துறை அமைச்சரா இருந்து இதுவரைக்கும் விவசாயத்துக்கு என்ன ----------------------
இருக்கீங்க என்று சொல்லுங்க