கஜுராகோ - இந்தியர்களை மணக்கும் வெளிநாட்டவர்கள்

by **சிவா** Sun Mar 18, 2012 11:12 am

வறட்சிக்கு வாக்கப்பட்ட பந்தேல்கண்டின் மத்தியில் ஒரு செழுமைப் புள்ளி- கஜுரகோ. சிருங்காரம் ததும்பும் சிற்பங்களைக் காண உலகெங்கிலும் இருந்துவந்து இங்கு காதலோடு குவியும் சுற்றுலாவாசிகள் கஜுரகோவை ஒரு செல்வபுரி ஆக்கியிருக்கிறார்கள். எண்ணற்ற ஓட்டல்கள் (அவற்றில் அரை டஜன் ஐந்து நட்சத்திர ஓட்டல்களும் அடக்கம்) இந்தக் கோவில் நகரெங்கும் `வருக... வருக...' என்று வரவேற்கின்றன.

இந்தக் `காதல் நகரில்' இருந்து சில கிலோமீட்டர்கள் தொலைவிலேயே, வறுமைக்கும், பட்டினிச் சாவுகளுக்கும் `பெயர் பெற்ற' உண்மையான பந்தேல்கண்ட் தொடங்கிவிடுகிறது. மத்திய கால ஆண்டான்- அடிமை முறைக்கும் பிரசித்தி பெற்ற பந்தேல்கண்டுக்கு இப்பகுதியை ஆண்ட பந்தேலர்களிடம் இருந்து அப்பெயர் வந்தது. இந்த பந்தேலர்கள்தான் சண்டேளர்கள் என்றும் அழைக்கப்படுபவர்கள்.

மத்தியப் பிரதேசத்தின் கஜுரகோவில் இன்று எஞ்சியிருக்கும் 22 கோவில்களை 9 முதல் 14-ம் நூற்றாண்டுக்கு இடைப்பட்ட காலத்தில் கட்டியவர்கள் இந்த சண்டேளர்கள்.

இவர்கள் கஜுரகோ கோவில்களில் வடித்து வைத்த காமரசம் சொட்டும் சிற்பங்கள் இன்று 5 ஆயிரம் குடும்பங்களுக்குச் சோறு போடுகின்றன. ஆம், கஜுரகோவுக்கு வருகை தரும் லட்சக்கணக்கான சுற்றுலாப்பயணிகளே இவர்களின் வாழ்வாதாரம்.

`யுனெஸ்கோ' பாரம்பரியச் சின்னமாக அறிவிக்கப்பட்டிருக்கும் கஜுரகோவை 19-ம் நூற்றாண்டில் கண்டுபிடித்தவர், ஆங்கிலேயப் பொறியாளரும், தொல்லியல் நிபுணருமான அலெக்சாண்டர் கன்னிங்காம். ஆனால் சுற்றுலாவாசிகளின் பட்டியலில் இது இடம்பிடித்தது வெகு காலம் கழித்துத்தான். ஆக்ராவில் தாஜ்மகாலை காண வந்த ஒரு டூரிஸ்ட் குரூப், யதேச்சையாக ஒரு சுற்றுலா வழிகாட்டியில் கஜுரகோ பற்றிப் படித்து இங்கு வந்தார்கள். அவர்களைத் தொடர்ந்து பலர் வந்தனர். அந்த ஆரம்ப வழிகாட்டி நூல் மூலம் இங்கு சுற்றுலாவுக்குப் பிள்ளையார்சுழி போட்ட லவானியா குடும்பம் இன்றும் தொழிலில் நீடிக்கிறது.

கஜுரகோவில் பலரின் தலைவிதி, `ஸ்லம்டாக் மில்லியனர்' போல அதிரடியாகத் தலைகீழாகி யிருக்கிறது. இங்குள்ள சிற்பங்களில் காதல் கலைகளைப் பார்த்துவிட்டு, `இந்தியர்கள் இந்தளவு ரொமான்டிக்கானவர்களா?' என்று கிறங்கிப்போய் வெளிநாட்டவர் பலரும் உள்ளூர்க்காரர்களை திரு மணம் செய்துகொள்கிறார்கள். திருமணத்துக்குப் பின் அவர்களைத் தம் நாட்டுக்கு அழைத்துச் சென்றுவிடுகிறார்கள் அல்லது இங்கேயே செட்டி லாகிவிடுகிறார்கள். கஜுரகோவாசிகளுக்கு மனைவிகளாக மாறிவிட்ட பல வெளிநாட்டு பெண்களை அங்கு காண முடிகிறது.

இப்படிப்பட்ட ஒரு சங்கமத்தின் மூலம், தெருவில் திரிந்த பையன் ஒரே இரவில் வெளிநாட்டில் ஆடம்பர ஓட்டலுக்கு அதிபரான கதையெல்லாம் கஜுரகோ வீதிகளில் உலவுகின்றன.

அவற்றில் எந்தளவு உண்மை என்பதெல்லாம் தெரியாது. ஆனால் இங்கு அதிகம் படிக்காத பசங்கள் கூட பலநாட்டுப் பாஷைகள் பேசுவது நிஜம். பிரெஞ்சு, ஜப்பானீஸ், ஆங்கிலம், இத்தாலி மொழி என்று பல மொழிகளில் பொளந்துகட்டுகிறார்கள். அப்போதுதான் `லப்கா' எனப்படும் உள்ளூர் வழிகாட்டியாக முடியும்.

யாராவது ஒரு வெளிநாட்டுக்காரரைப் பிடித்து, அவர் மனதில் இடம் பிடிப்பதில் இந்த `லப்கா'க்கள் குறியாய் இருக்கிறார்கள். அப்போதுதானே வெளிநாட்டுக்குப் பறக்க முடியும்? வெளிநாட்டுவாசிகள் `லப்கா'க்களால் ஏமாற்றப்பட்டதும் உண்டு. அவர்களைப் பற்றிய புகார்கள் கஜுரகோ காவல் நிலையத்தில் நிரம்பி வழிகின்றன.

கஜுரகோ என்றாலே காமசூத்ரா சிற்பங்கள் மட்டுமில்லை. அழகிய பாவங்களை வெளிப்படுத்தும் நடனமணிகள், பரவசம் பொங்கும் பாடகர், பாடகிகள், ஒப்பனையில் ஈடுபட்டுள்ள கன்னிப்பெண்கள், குழந்தையைச் சீராட்டும் பெண்கள் என்று எல்லாவகைப் பெண்களும், ஆண்களும் இங்கு சிற்பங்களாக உறைந்திருக்கின்றனர். சில சிற்பங்கள் `நிஜத்தை' விடவும் செக்சில் கிளர்ச்சிïட்டுவதாக இருப்பதும் உண்மை.

கஜுராகோவில் காமச் சிற்பங்கள் மட்டும் இல்லை. அணிவகுக்கும் படை, அரசர்கள், போர்கள், மல்யுத்தம், ஆன்மிகப் போதனை, தியானம், கடவுள்கள், தாவரங்கள், விலங்குகள் மற்றும் பல பொருட்கள், விஷயங்கள் சிற்பங்களாக பதிவாகியிருக்கின்றன.

கஜுரகோவில் காமசூத்ரா சிற்ப கோவில் கள் தவிர, சிவன், விஷ்ணு, பார்வதி, லட்சுமி, பிரம்மன், காமன், ராமன், சதி, சீதா, கிருஷ்ணன், விநாயகன், துர்க்கை, கங்கை, அனு மான், நந்தி, வரகன், வருணன் என்று பலருக்கும் கோவில்கள் இருக்கின்றன. ஆனால் `ஒரே' குறிக்கோளில் வரும் டூரிஸ்ட் களை இக்கோவில்கள் கவர்வதில்லை.

கடந்த நாற்பதாண்டுகளாக பராம்பரிய நடனக் கலை அரங்கேற்ற மையமாகவும் கஜுரகோ திகழ்ந்து வருகிறது. 1974-ம் ஆண்டு தொடங்கப்பட்டு, இங்கு வருடாந்திர நிகழ்வாக அரங்கேறிவரும் `கஜுரகோ நடனத் திருவிழா'வில் பாதம் பதிப்பதை நாட்டின் உச்ச நடனக்காரர்கள் பெருமை யாகக் கருதுகிறார்கள். அவர் களில் நடிகை, நடனத் தாரகை ஹேமமாலினியும் ஒருவர்.

மாலை வேளைகளில், கஜுரகோ கோவில் களின் பின்னணியில் நடைபெறும் இந்த நடன விழா, பார்வையாளர்களை இன்னொரு உலகத்துக்கு அழைத்துச் செல்கிறது. இப்போதெல்லாம் பலரும் இந்த விழாவையொட்டி தங்கள் கஜுரகோ `விசிட்' டை அமைத்துக்கொள்கிறார்கள்.

இந்த நடனத் திருவிழாவின் மூலம் கஜுரகோவுக்கு இன்னொரு அடையாளம் கொடுக்க முயன்று வருகிறார்கள், இவ்விழா நிர்வாகிகள்.

தினதந்தி

by யினியவன் Sun Mar 18, 2012 11:17 am

நம்ம க்ரூப்பெல்லாம் ஊர மாத்திடுவோமா சிவா?

"ரோமான்சின் ரோமாபுரி"" நம்ம ஊருன்னு கேள்விப் படறப்ப நல்லாத்தான் இருக்கு.

பகிர்வுக்கு நன்றி சிவா.

by **சிவா** Sun Mar 18, 2012 11:19 am

கொலவெறி wrote:நம்ம க்ரூப்பெல்லாம் ஊர மாத்திடுவோமா சிவா?

"ரோமான்சின் ரோமாபுரி"" நம்ம ஊருன்னு கேள்விப் படறப்ப நல்லாத்தான் இருக்கு.

பகிர்வுக்கு நன்றி சிவா.

வெளிநாட்டுக்காரியைத் திருமணம் செய்யத்தானே ஊர் மாறப் போகிறீர்கள்? சும்மா சொல்லுங்க, அண்ணிகிட்ட சொல்ல மாட்டேன்!

by யினியவன் Sun Mar 18, 2012 11:28 am

சிவா wrote:
கொலவெறி wrote:நம்ம க்ரூப்பெல்லாம் ஊர மாத்திடுவோமா சிவா?

"ரோமான்சின் ரோமாபுரி"" நம்ம ஊருன்னு கேள்விப் படறப்ப நல்லாத்தான் இருக்கு.

பகிர்வுக்கு நன்றி சிவா.

வெளிநாட்டுக்காரியைத் திருமணம் செய்யத்தானே ஊர் மாறப் போகிறீர்கள்? சும்மா சொல்லுங்க, அண்ணிகிட்ட சொல்ல மாட்டேன்!

ஊர் மாறலாமான்னு கேட்டா உலகத்தைவிட்டே பேக் பண்ண ப்ளான் பண்ணிட்டீங்களா? புன்னகை