கருப்பு பண பிரச்னைக்கு முக்கியத்துவம் தரப்படும்

by இரா.பகவதி Sun Mar 11, 2012 8:20 pm

நாடாளுமன்ற பட்ஜெட் தொடரில்
கருப்பு பண பிரச்னைக்கு முக்கியத்துவம் தரப்படும்

புதுடெல்லி: நாடாளுமன்ற பட்ஜெட் கூட்டத் தொடரில் கருப்பு பண பிரச்னைக்கு முக்கியத்துவம் அளிக்கப்படும் என்று பாஜ மூத்த தலைவர் அத்வானி கூறியுள்ளார். இது தொடர்பாக டெல்லியில் நேற்று அவர் அளித்த பேட்டி: வெளிநாடுகளில் இந்தியர்கள் பதுக்கியுள்ள கருப்பு பணத்தை மீட்கும் பிரச்னைக்கு, வரும் திங்கட்கிழமை தொடங்கும் நாடாளுமன்ற பட்ஜெட் கூட்டத் தொடரில் பாஜ கூட்டணி அதிக முக்கியத்துவம் அளிக்கும். இந்த பிரச்னையில் மத்திய அரசு என்ன நடவடிக்கை எடுத்துள்ளது என்பதை அறிய எதிர்க்கட்சிகள் ஆவலாக உள்ளன. கருப்பு பணம் தொடர்பாக நாடாளுமன்றத்தில் அரசு வெள்ளை அறிக்கை தாக்கல் செய்யும் என்று கடந்த குளிர்கால கூட்டத் தொடரில் நிதியமைச்சர் பிரணாப் முகர்ஜி உறுதி அளித்தார். ஆனால், அறிக்கையை அவர் தொடரின் முதல் பாதியில் தாக்கல் செய்வாரா? அல்லது பிற்பாதியில் தாக்கல் செய்வாரா? என்று தெரியவில்லை.

கருப்பு பணம் சட்ட விரோதமாக சம்பாதிக்கப்பட்டது. வெளிநாட்டு வங்கிகளில் இந்தியர்கள் குவித்து வைத்துள்ள இதை அரசு எப்படி மீட்கப் போகிறது? என்பதை வெள்ளை அறிக்கை மூலம் அறிய விரும்புகிறோம். பலமான லோக்பால் மசோதாவை மாநிலங்களவையில் மீண்டும் தாக்கல் செய்ய வேண்டும். அதை நிச்சயமாக நிறைவேற்ற வேண்டும். மாநில அரசுகளின் அதிகாரத்தில் தலையிடும் வகையில் மத்திய அரசு கொண்டு வர உள்ள தேசிய தீவிரவாத தடுப்பு மையம் (என்சிடிசி) பற்றி நாடாளுமன்றத்தில் விவாதம் நடத்தப்பட வேண்டும். இவ்வாறு அத்வானி கூறினார்.

thinamani