காதலின் முகங்கள்.....

காலை முதல் மாலை வரை
மலைமுகடுகளையும் மேகங்களையும்
அந்திவானத்துப் பறவைகளையும்
வெறித்து வெறித்துப் பார்த்துக்
கொண்டிருக்கிறான்.......!
நினைவுகள் மட்டும்
சுழன்று சுழன்று மீண்டும் மீண்டும்
அவளிடத்தில் சென்று தஞ்சமடைகின்றன.....!
கறந்த பால் மடி புகா.....என்பதுபோல்
விரும்பிய உள்ளம் விட்டகலாது
ஒரு இனம்புரியா சூழலில் பித்தாகிறது!
ஒரு பின்னிரவின் துவக்கத்தில்
அவனது பயணிப்பு
அவள் கல்லறையை நோக்கி !
அவனது முதலும் கடைசியுமான
கரித்துண்டு ஓவியம் நிச்சயம்
அடுத்த மழைவரையாவது
கதைசொல்லும்.............
காதலின் அடுத்த முகத்தை
இவன் பாராதவனென்று !

...............கா.ந.கல்யாணசுந்தரம்.
.