உ.பி., உட்பட ஐந்து மாநிலங்களில் ஆட்சியை பிடிக்கப் போவது யார், யார்?

by மகா பிரபு Tue Mar 06, 2012 7:19 am

:மினி பொதுத் தேர்தல் போல நடந்த உ.பி., உட்பட ஐந்து மாநில சட்டசபை தேர்தலில், பதிவான ஓட்டுகள் இன்று எண்ணப்படுகின்றன. இதில், யார் யார் ஆட்சியை பிடிக்க போகின்றனர்; யார் யார் பதவியை பறி கொடுக்க போகின்றனர் என்பது இன்று மதியத்திற்குள் தெரிந்து விடும். அதே நேரத்தில், கருத்துக் கணிப்புகள் அடிப்படையில்,
தேர்தலுக்கு பிந்தைய கூட்டணிக்கான பேச்சுவார்த்தைகள் துவங்கி விட்டன.

பஞ்சாபில் 117 சட்டசபை தொகுதிகள், உத்தரகண்டில் 70, மணிப்பூரில் 60 மற்றும் கோவாவில் 40 சட்டசபை தொகுதிகளுக்கும் ஒரே கட்டமாக சட்டசபை தேர்தல் நடந்தது. ஆனால், 403 தொகுதிகளைக் கொண்ட மிகப்பெரிய மாநிலமான உத்தர பிரதேசத்தில் பிப்ரவரி மற்றும் மார்ச் மாதங்களில் ஏழு கட்டமாக ஓட்டுப்பதிவு நடந்தது. 2009ல் நடந்த லோக்சபா தேர்தல் மற்றும் 2014ல் நடைபெற உள்ள லோக்சபா தேர்தலுக்கும் இடையே, இந்த ஐந்து மாநில சட்டசபை தேர்தல்கள் நடந்ததால், மினி பொதுத் தேர்தல் போல கருதப்பட்டது.
இந்த ஐந்து மாநில தேர்தலில் பதிவான ஓட்டுகளை எண்ணும் பணி காலை 8 மணிக்கு துவங்குகிறது. அடுத்த ஒன்று அல்லது இரண்டு மணி நேரத்தில், மதியத்திற்குள் யார் ஆட்சியை பிடிப்பர், யார் யார் பதவி பறி போகிறது என்பது தெரிந்து விடும்.

மொத்தம் 403 சட்டசபை தொகுதிகளைக் கொண்ட உ.பி.,யில், ஆளும் பகுஜன் சமாஜ் கட்சி அனைத்து தொகுதிகளிலும் போட்டியிட்டது. சமாஜ்வாடி கட்சி 402 தொகுதிகளிலும், பா.ஜ., 398 தொகுதிகளிலும், அஜித் சிங்கின் ராஷ்டிரிய லோக்தளம் கட்சி 46 தொகுதிகளிலும், அந்தக் கட்சி கூட்டணியுடன் காங்கிரஸ் 357 தொகுதிகளிலும் போட்டியிட்டது.
கடந்த சட்டசபை தேர்தலில், பகுஜன் சமாஜ் கட்சி 206 இடங்களில் வெற்றி பெற்று தனிப்பெரும்பான்மை பெற்றது. சமாஜ்வாடி கட்சி 97 இடங்களிலும், பா.ஜ., 50 இடங்களிலும், ராஷ்டிரிய லோக்தளம் கட்சி 10 இடங்களிலும் வெற்றி பெற்றன. ஆனால், இம்முறை தேர்தல் முடிவுகள் முலாயம் சிங்கின் சமாஜ்வாடி கட்சிக்கு சாதகமாக இருக்கும் என, கருத்துக் கணிப்புகள் கூறியுள்ளன.

பஞ்சாப்:
பஞ்சாப் மாநிலத்தில் மொத்தம் 117 தொகுதிகள் உள்ளன. இங்கு காங்கிரஸ் கட்சி ஒரு அணியாகவும், பா.ஜ., - சிரோன்மணி அகாலிதளம் ஒரு அணியாகவும் போட்டியிட்டன. காங்கிரஸ் 117 தொகுதிகளில் களமிறங்கியது. சிரோன்மணி அகாலிதளம் 94 தொகுதிகளிலும், பா.ஜ., 23 தொகுதிகளிலும் போட்டியிட்டன.கடந்த தேர்தலில், சிரோன்மணி அகாலிதளம் 94 இடங்களிலும், காங்கிரஸ் 42 இடங்களிலும், பா.ஜ., -19 மற்றும் சுயேச்சைகள் ஆறு இடங்களிலும் வெற்றி பெற்றன.

உத்தரகண்ட்:
தற்போது பா.ஜ., ஆளும் மாநிலமான உத்தரகண்டில், பா.ஜ., காங்கிரஸ் மற்றும் பகுஜன் சமாஜ் கட்சிகள் மாநிலத்தில் உள்ள 70 தொகுதிகளிலும் போட்டியிட்டன. கடந்த தேர்தலில், காங்கிரஸ் 20 இடங்களில் வெற்றி பெற்றது. பகுஜன் சமாஜ் கட்சி எட்டு இடங்களிலும், பா.ஜ., கட்சி 36 இடங்களிலும் வெற்றி
பெற்றன.

மணிப்பூர்:
மணிப்பூர் மாநிலத்தில் கடந்த சட்டசபை தேர்தலில், மொத்தம் உள்ள 60 இடங்களில், காங்கிரஸ் 31 இடங்களில் வெற்றி பெற்றது. இம்முறை எதிர்க்கட்சிகள் ஒரு அணியாக இல்லாததால், தங்கள் கட்சியே மீண்டும் வெற்றி பெறும் என, முதல்வர் இபோபிசிங் நம்பிக்கையில் உள்ளார்.
கருத்துக் கணிப்புகளும் இதை உறுதி செய்கின்றன.

கோவா :
கோவாவில் தற்போது திகாம்பர் காமத் தலைமையிலான காங்கிரஸ் அரசு உள்ளது. அங்கு காங்கிரஸ் - பா.ஜ., என, இரு கட்சிகளும், மற்ற சில கட்சிகளுடன் கூட்டணி அமைத்து தேர்தலை சந்தித்துள்ளன. கடந்த தேர்தலில் காங்கிரஸ் 16 தொகுதிகளிலும், பா.ஜ., 14, தேசியவாத காங்கிரஸ் 3, எம்.ஜி.பி., - எஸ்.ஜி.பி., - யு.ஜி.டி.பி., மற்றும் சுயேச்சைகள் தலா இரண்டு இடங்களை பிடித்தன.

அகிலேஷ் யாதவ் சமாஜ்வாடி மாநில தலைவர்:உ.பி., தேர்தலில் சமாஜ்வாடி கட்சி பெரும்பான்மை பெறும். முலாயம் சிங் அடுத்த முதல்வராவார். வெற்றிக்காக நிறைய பாடுபட்டுள்ளோம். ஓட்டுகள் எண்ணப்பட்ட பின்னரே, கூட்டணி பற்றி பேசப்படும்.

ராஜிவ் சுக்லாமத்திய அமைச்சர்: உ.பி., தேர்தலில் காங்கிரஸ் கட்சி கணிசமான இடங்களைப் பெறும். தேர்தல் முடிவுகள் மூலம், கட்சி புத்துயிர் பெறும். அடுத்த ஆட்சி அமைப்பதில் காங்கிரஸ் கட்சி முக்கிய பங்கு வகிக்கும்.

தினமலர்

by **ராஜா** Tue Mar 06, 2012 10:42 am

எப்படியும் காங்கிரஸ் கட்சி தான் ஆட்சியை பிடிக்கும் , என்ன பண்ணுவது இது தான் இந்தியாவின் தலையெழுத்து என்றால் அதை யாரால் மாற்றமுடியும் சோகம்

by யினியவன் Tue Mar 06, 2012 10:49 am

யூ பி - சமாஜ்வாடி பார்டி அல்லியன்ஸ்
பஞ்சாப் - அகாலிதள்
உத்தரகண்ட் - காங்கிரஸ்
மணிப்பூர் - காங்கிரஸ்
கோவா - பிஜேபி அல்லியன்ஸ்

by இரா.பகவதி Tue Mar 06, 2012 11:23 am

கொலவெறி எப்படி உங்களுக்கு தெரியும்

by **அருண்** Tue Mar 06, 2012 11:29 am

தமிழ் நாட்டை தவிர காங்கிரஸ் வட மாநிலத்தில் நல்ல சப்போற்றாக உள்ளது பொறுத்திருந்து பார்ப்போம்..!

by யினியவன் Tue Mar 06, 2012 11:30 am

பகவதி இன்று காலை டிவி / இணையங்கள் மூலமா தான்.

எனக்கு ஆறாவது அறிவே வீக்கு -
இதுல எங்க இருந்து ஏழாம் அறிவு இருக்கப் போவுது?

by **ராஜா** Tue Mar 06, 2012 11:32 am

அருண் wrote:தமிழ் நாட்டை தவிர காங்கிரஸ் வட மாநிலத்தில் நல்ல சப்போற்றாக உள்ளது பொறுத்திருந்து பார்ப்போம்..!

அதற்கு காரணம் காங்கிரஸ் கட்சியின் வேஷம்.

by யினியவன் Tue Mar 06, 2012 11:37 am

ராஜா wrote:
அருண் wrote:தமிழ் நாட்டை தவிர காங்கிரஸ் வட மாநிலத்தில் நல்ல சப்போற்றாக உள்ளது பொறுத்திருந்து பார்ப்போம்..!
அதற்கு காரணம் காங்கிரஸ் கட்சியின் வேஷம்.

நீலச் சாயம் வெளுத்து போச்சு
டிங் டிங் டிங்
ராசா வேஷம் கலஞ்சு போவும்
டிங் டிங் டிங்