வட இந்தியாவில் நிலநடுக்கம் :டெல்லியும் அதிர்ந்தது

by **ராஜா** Mon Mar 05, 2012 3:33 pm

புதுடெல்லி : டெல்லியில் சக்திவாய்ந்த நிலநடுக்கம் ஏற்பட்டுள்ளது. ரிக்டர் அளவுகோலில் 4.9 ஆக பதிவாகியுள்ள இந்நிலநடுக்கத்தால் பல இடங்களில் கட்டிடங்கள் குலுங்கின. உத்திரபிரதேசம், பஞ்சாப், உள்ளிட்ட வடமாநிலங்களிலும் நிலநடுக்கம் ஏற்பட்டது. ராஜஸ்தான், அரியானா, இமாச்சலப்பிரதேசம் பல இடங்கள் அதிர்ந்தன. அடுத்தடுத்து இருமுறை நிலநடுக்கம் உணரப்பட்டதாக வானிலை ஆய்வு மையம் தெரிவித்துள்ளது. பகல் 1.10க்கு ஏற்பட்ட நிலநடுக்கம் 10 வினாடிகள் நீடித்ததால் பொதுமக்கள் பீதியடைந்தனர். அரியானாவில் பகதூர்கர் என்ற இடத்தை மையமாக கொண்டு இந்த நிலநடுக்கம் ஏற்பட்டது. டெல்லியில் இருந்து சுமார் 55 கிலோ மீட்டர் தொலைவில் பகதூர்கர் நகரம் அமைந்துள்ளது.

பூமிக்கு அடியில் சுமார் 20 கி.மீ ஆழத்தில் இந்த நிலநடுக்கம் மையம் கொண்டதாக டெல்லி வானிலை ஆய்வு மையம் தெரிவித்துள்ளது. தெற்கு டெல்லி, மத்திய டெல்லி உள்ளிட்ட பல இடங்களில் நிலநடுக்கம் உணரப்பட்டது. மேலும் டெல்லியின் புறநகர் பகுதிகளான குர்கான், நொய்டா, காசியாபாத்திலும் நில அதிர்வு உணரப்பட்டுள்ளது. அடுக்குமாடி குடியிருப்புகளில் இருந்த மக்கள் அலறியடித்துக்கொண்டு வெளியேறினர். நிலநடுக்கத்தால் ஏற்பட்ட சேத விபரம் குறித்து உடனடியாக தகவல் எதும் கிடைக்கப்பெறவில்லை.

by **பிரசன்னா** Mon Mar 05, 2012 4:01 pm

சேதம் ஏதும் ஏற்படவில்லையே ?

நில நடுக்கம் பற்றிய செய்திகள் தொலைக்காட்சி வழி விரிவாக இதுவரை இல்லை. முக்கிய செய்திகளில் மட்டும் இருக்கிறது.

by **ராஜா** Mon Mar 05, 2012 4:21 pm

கா.ந.கல்யாணசுந்தரம் wrote:நில நடுக்கம் பற்றிய செய்திகள் தொலைக்காட்சி வழி விரிவாக இதுவரை இல்லை. முக்கிய செய்திகளில் மட்டும் இருக்கிறது.

ஆம் ஐயா , என்னுடைய கைபேசியில் முக்கிய செய்திகள் பிரிவில் வந்தது உடனே இங்கு பதிவிட்டு விட்டேன் நன்றி

by ரேவதி Mon Mar 05, 2012 4:25 pm

by யினியவன் Mon Mar 05, 2012 6:52 pm

வருத்தம் தரும் இயற்கை அதிர்வுகள் இந்த வாரம்
துயரம் தரும் அரசியல் அதிர்வுகள் அடுத்த வாரம்
(தேர்தல் முடிவுகள்)

மக்களுக்கு சேதாரம், இழப்புகள் அதிகம் இல்லாதிருக்க விரும்புவோம்.