ஜெயலலிதா சிறந்த நிர்வாகி அமெரிக்க நிறுவனம் பாராட்டு

by இரா.பகவதி Thu Mar 01, 2012 7:00 pm

ஜெயலலிதா சிறந்த நிர்வாகி அமெரிக்க நிறுவனம் பாராட்டு

01:07:40Wednesday2012-02-29

வாஷிங்டன் : தமிழக முதல்வர் ஜெயலலிதா சிறந்த நிர்வாகி என்றும், இந்த முறை ஆட்சியில் ஒரு மாற்றத்தை ஏற்படுத்த அவர் உறுதி பூண்டுள்ளார் என்றும் அமெரிக்க நிறுவனம் புரூக்கிங்ஸ் இன்ஸ்டியூஷன் கருத்து கூறியுள்ளது. அமெரிக்காவில் கல்வி, சமூகம், பொருளாதாரம், அரசு நிர்வாகம் போன்றவற்றில் ஆய்வு நடத்தும் பிரபல நிறுவனம் தி புரூக்கிங்ஸ் இன்ஸ்டியூஷன். இதன் ஆய்வு முடிவுகள் மற்றும் சர்வதேச பொருளாதாரம், வளர்ச்சி குறித்த கட்டுரைகள், இந்நிறுவனத்தின் இணையதளத்தில் வெளியிடப்படும். இந்த இணையதளத்தில், தமிழக முதல்வர் ஜெயலலிதா பற்றி, புரூக்கிங்ஸ் நிறுவனத்தின் நிர்வாக இயக்குனர் வில்லியம் ஜெ அந்தோலிஸ் ஒரு கட்டுரை வெளியிட்டிருக்கிறார்.

அதில் ஜெயலலிதாவை, கூர்மையான சிந்தனை உடையவர், வேகமாக முடிவெடுப்பவர், சிறந்த நிர்வாகி என்று பாராட்டியுள்ளார். மேலும், அந்த கட்டுரையில் கூறியுள்ளதாவது: ஜெயலலிதா ஆட்சிக்கு வரும் போது மானியங்கள் அளிப்பதில் கடுமையான முடிவுகள் எடுத்து, பற்றாக்குறையை தீர்த்து விடுவார். இந்த முறை தனது ஆட்சியில் ஒரு மாற்றத்தை ஏற்படுத்த வேண்டும் என்பதில் அவர் உறுதியாக உள்ளார்.

கடந்த ஆண்டு, அவர் பஸ் கட்டணத்தையும், பால் விலையையும் உயர்த்தியது பலரையும் ஆச்சரியப்பட வைத்தது. அதே சமயம், கல்விக்காக அதிக தொகை செலவிடுவதில் அவர் உறுதியாக உள்ளார் என்பதை, மாணவர்களுக்கு இலவச லேப்டாப் தருவதன் மூலம் அறியலாம். அடுத்த கட்டமாக, அடிப்படை தேவைகளை பூர்த்தி செய்வதில் ஜெயலலிதா ஆர்வமாக உள்ளார். தமிழக அரசியல் குறித்து ஒரு திரைப்படம் எடுத்தால், அதை ‘ஸ்டார் வார்ஸ் 3: ஜெயலலிதா ஸ்டிரைக்ஸ் பேக்’ என்று சொல்லலாம்.

தினகரன்

by யினியவன் Thu Mar 01, 2012 7:04 pm

நாள் விடிகிறதோ இல்லியோ
ஒரு ட்ரான்ஸ்பர் ஒரு அதிகாரிக்கோ,
அல்லது பதவி பறிப்பு ஒரு அமைச்சருக்கோ
அவர்கள் தலையில் விடிந்துவிடும் நாள் தவறாமல்.

இதுக்கு வேணா அம்மாக்கு ஒரு அவார்ட் குடுக்கலாம்.
சிறந்த நிர்வாகி என்பதெல்லாம் கட்டுக் கதை.

by அசுரன் Thu Mar 01, 2012 7:31 pm

அமெரிக்க நிறுவனம் நம்மாளுங்கள எதிர் ஆளும் கட்சி தலைவர்களை மாறி மாறி பாராட்டுதே????

by இரா.பகவதி Thu Mar 01, 2012 7:54 pm

அசுரன் wrote:அமெரிக்க நிறுவனம் நம்மாளுங்கள எதிர் ஆளும் கட்சி தலைவர்களை மாறி மாறி பாராட்டுதே????

ஏதாவது காரியம் ஆக வேண்டி இருக்கும் அதனால தான் இப்படி

by நேரு Thu Mar 01, 2012 8:01 pm

சிறந்த நிர்வாகிதான் ஆனால் தன்னிச்சையான முடிவு எடுப்பதை விட நாட்டிற்க்கு நன்மை நடக்க காத்திருக்கும் அரசு அதிகாரிகளை ஆலோசனை வட்டத்தில் நிறுத்தினால் அமெரிக்காபட்டம் கொடுக்க வேண்டியதில்லை .......................

by **krishnaamma** Thu Mar 01, 2012 8:11 pm

இவ்வளவு கரண்ட் கட் இருக்கும் நேரத்தில் வந்துள்ளது இந்த செய்தி சோகம்

எல்லோரும் வெயீ லாலும் கோபத்தாலும் கொதித்து போயிருக்கும் இந்த நேரத்தில் ................இந்த பாராட்டு தேவையா? ஒன்னும் புரியல

by **ரா.ரா3275** Thu Mar 01, 2012 8:15 pm

கொலவெறி wrote:நாள் விடிகிறதோ இல்லியோ
ஒரு ட்ரான்ஸ்பர் ஒரு அதிகாரிக்கோ,
அல்லது பதவி பறிப்பு ஒரு அமைச்சருக்கோ
அவர்கள் தலையில் விடிந்துவிடும் நாள் தவறாமல்.

இதுக்கு வேணா அம்மாக்கு ஒரு அவார்ட் குடுக்கலாம்.
சிறந்த நிர்வாகி என்பதெல்லாம் கட்டுக் கதை.