அந்த அனுபவமே நான்தான் -கவியரசர்

by **ரா.ரா3275** Sun Feb 26, 2012 11:38 pm

பிறப்பின் வருவது யாதெனக் கேட்டேன்
பிறந்து பாரென இறைவன் பணித்தான்!
படிப்பெனச் சொல்வது யாதெனக் கேட்டேன்
படித்துப் பாரென இறைவன் பணித்தான்!
அறிவெனச் சொல்வது யாதெனக் கேட்டேன்
அறிந்து பாரென இறைவன் பணித்தான்!
அன்பெனப் படுவது என்னெனக் கேட்டேன்
அளித்துப் பாரென இறைவன் பணித்தான்!
பாசம் என்பது யாதெனக் கேட்டேன்
பகிர்ந்து பாரென இறைவன் பணித்தான்!
மனையாள் சுகமெனில் யாதெனக் கேட்டேன்
மணந்து பாரென இறைவன் பணித்தான்!
பிள்ளை என்பது யாதெனக் கேட்டேன்
பெற்றுப் பாரென இறைவன் பணித்தான்!
முதுமை என்பது யாதெனக் கேட்டேன்
முதிர்ந்து பாரென இறைவன் பணித்தான்!
வறுமை என்பது என்னெனக் கேட்டேன்
வாடிப் பாரென இறைவன் பணித்தான்!
இறப்பின் பின்னது ஏதெனக் கேட்டேன்
இறந்து பாரென இறைவன் பணித்தான்!
'அனுபவித்தேதான் அறிவது வாழ்க்கையெனில்
ஆண்டவனே நீ ஏன்' எனக் கேட்டேன்!
ஆண்டவன் சற்றே அருகு நெருங்கி
'அனுபவம் என்பதே நான்தான்' என்றான்

by யினியவன் Sun Feb 26, 2012 11:43 pm

இறை நம்பிக்கை இல்லாவிடினும்
அனுபவமே இறைவன் என்றால் அப்பீலே இல்லை ராரா.

கவி அரசரின் படைப்பே படைப்பு - பகிர்வுக்கு நன்றி ராரா.

by **ரா.ரா3275** Sun Feb 26, 2012 11:50 pm

கொலவெறி wrote:இறை நம்பிக்கை இல்லாவிடினும்
அனுபவமே இறைவன் என்றால் அப்பீலே இல்லை ராரா.

கவி அரசரின் படைப்பே படைப்பு - பகிர்வுக்கு நன்றி ராரா.

உண்மைதான் நண்பரே...கவியரசரின் எளிமை-இனிமைத் தமிழில்
லட்சம் அர்த்தங்கள் 'லாக்'ஆகிக் கிடக்கும்...
எனக்கு மிகவும் பிடித்த அற்புதக் கவிதைகளில் இதுவும் ஒன்று...