ஹோம்ஒர்க் செய்யாததால் கழிப்பறையில் அடைத்து சித்ரவதை

கர்னால் : ஹோம்ஒர்க் செய்யாததால் யு.கே.ஜி மாணவனை பள்ளி கழிப்பறையில் பல மணி நேரம் அடைத்து வைத்து ஆசிரியர் சித்ரவதை செய்தார். இதில் உடல்நிலை பாதிக்கப்பட்ட சிறுவன் உயிரிழந்தான். பெற்றோருக்கு அடுத்தபடியாக ஆசிரியர்களுக்கு மரியாதை செய்வது நம் இந்திய கலாச்சாரம். கடவுளுக்கே ஆசிரியருக்கு அடுத்தஇடம்தான்.
ஆனால், இன்றைக்கு சிலரின் நடத்தை காரணமாக ஒட்டுமொத்த ஆசிரியர் சமுதாயத்துக்கே இழுக்கு ஏற்படுகிறது.

இப்படிப்பட்ட கொடூர ஆசிரியர்களில் ஒருவர் அரியானா மாநிலம் கர்னால் மாவட்டத்தின் கமேலா நகரில் உள்ள ராஜ்குல் சீனியர் பள்ளியில் வேலைபார்த்து வருகிறார். அந்த பள்ளியில் 6 வயதான பங்கஜ் யு.கே.ஜி படித்து வந்தான். அவனது அண்ணன் சாகரும் அதே பள்ளியில் படித்து வந்தான். கடந்த ஆண்டு டிசம்பர் மாதம் 27ம் தேதி பள்ளிக்கு சென்ற பங்கஜ் ஹோம்ஒர்க் செய்யவில்லையாம்.

இதனால், ஆத்திரம் அடைந்த வகுப்பாசிரியர் அவனை பள்ளி கழிப்பறையில் அடைக்க முயற்சித்துள்ளார். இனிமேல் ஹோம்ஒர்க்கை மறக்காமல் செய்துவிடுகிறேன். விட்டுவிடுங்கள் என்று அந்த பிஞ்சு கதறியபோதும் கல் நெஞ்சு படைத்த ஆசிரியர் கழிப்பறைக்கு தள்ளி பூட்டியுள்ளார். அவனை கழிப்பறையில் அடைத்ததையே அந்த ஆசிரியர் மறந்துவிட்டார். நாள் முழுவதும் கழிப்பறையில் அவன் அடைத்து வைக்கப்பட்டான்.

மாலையில் பள்ளி முடிந்ததும் பஸ்கள் புறப்பட்டன. அப்போது, தனது தம்பி பங்கஜ்ஜை காணவில்லை என்று டிரைவரிடம் சாகர் கூறியுள்ளான். இதையடுத்து பள்ளியில் தேடியபோது, கழிப்பறையில் பங்கஜ் அடைத்து வைத்திருப்பது தெரிந்தது. இதையடுத்து, கதவை திறந்து அவனை மீட்டனர். வீட்டுக்கு சென்ற பங்கஜ், நாள் முழுவதும் கழிப்பறையில் அடைத்து வைக்கப்பட்டிருந்த அதிர்ச்சியில் இருந்து மீளவில்லை. உடல் நிலை பாதிக்கப்பட்டதால் கடந்த 55 நாட்களாக சிகிச்சை பெற்றுவந்த சிறுவன் பங்கஜ் கடந்த 19ம் தேதி இறந்தான். தங்கள் மகனின் சாவுக்கு ஆசிரியரும் பள்ளி நிர்வாகமும்தான் காரணம் என்று பங்கஜின் பெற்றோரான ஜெய்வீர் சிங், ரீனா ஆகியோர் புகார் கூறியுள்ளனர். ஆனால், நோய் காரணமாகத்தான் பங்கஜ் இறந்தான் என்று பள்ளி நிர்வாகம் கூறியுள்ளது.


தினகரன்

முட்டாள் ஆசிரியரின் முட்டாள்தனமான நடவடிக்கையால் இன்று ஒரு மாணவன் உயிர் இழந்துள்ளான்...

ஒரு பக்கம் அடாவடி ஆசிரியர்கள்
மற்றொரு பக்கம் பெற்றோரின் வற்புறுத்தல்
இதில் மாட்டிக் கொண்டு அல்லாடுவது எதிர்கால இந்தியா

இனிமேல் இதுபோலொரு சம்பவம் நிகழாதிருக்கட்டும்.
பாடத் திட்டம் மாற்றப் பட வேண்டும் நம் நாட்டில்.

இவரெல்லாம் ஆசிரியர் என்று சொல்வதே வெட்கெக்கேடு..!

அட கடவுளே

இவங்கள அடைக்கனும்

நோய் காரணமாகத்தான் பங்கஜ் இறந்தான் என்று பள்ளி நிர்வாகம் கூறியுள்ளது.