எழுச்சி பெறுமா இந்தியா * இன்று இலங்கையுடன் மோதல்

by மகா பிரபு Tue Feb 21, 2012 7:01 am

முத்தரப்பு ஒருநாள் தொடரில் இன்று இந்தியா, இலங்கை அணிகள் மோதுகின்றன. தோனி இல்லாத நிலையில், சிறப்பான "பார்மில்' உள்ள இலங்கை அணியை சமாளிக்க வேண்டிய இக்கட்டான நிலையில் இந்தியா உள்ளது.
இந்தியா, ஆஸ்திரேலியா, இலங்கை அணிகள் பங்கேற்கும் முத்தரப்பு ஒருநாள் தொடர் ஆஸ்திரேலியாவில் நடக்கிறது. மொத்தம் உள்ள 12 லீக் போட்டிகளில் இதுவரை 7 ஆட்டங்கள் முடிந்துள்ளன. இதன் முடிவில் ஆஸ்திரேலியா (14 புள்ளி), இந்திய (10) அணிகள் முதல் இரு இடத்தில் உள்ளன. 7 புள்ளிகளுடன் இலங்கை அணி கடைசி இடத்தில் உள்ளது.

இன்று பிரிஸ்பேனில் நடக்கும் 8வது லீக் போட்டியில், இந்தியா, இலங்கை அணிகள் மூன்றாவது முறையாக மோதுகின்றன. இரு அணிகள் மோதிய முதல் போட்டியில் இந்தியா வென்றது. அடுத்த போட்டி "டை' ஆனது. இதனால் இன்றைய வெற்றி இரு அணிகளுக்கும் கட்டாயம் தேவைப்படும்.

சேவக் கேப்டன்:
இந்திய அணிக்கு தோனிக்கு விதிக்கப்பட்ட தடை பெரும் பாதிப்பாக இருக்கலாம். இவர் இல்லாதது பேட்டிங்கில் இழப்பு தான். மீண்டும் அணிக்கு திரும்பும் சேவக், கேப்டன் பொறுப்பேற்று, அணிக்கு துவக்கம் தருவார் என்று தெரிகிறது.

சச்சின் சந்தேகம்:
100 வது சதம் அடிக்கும் முயற்சியில் உள்ள சச்சின், முதல் 4 போட்டியில் 2, 48, 15, 3 ரன்கள் தான் எடுத்துள்ளார். தலைப்பகுதியில் காயமடைந்துள்ள இவர் இன்று பங்கேற்பது சந்தேகமாக உள்ளது. எழுச்சி பெற்றால் நல்லது. காம்பிர் மூன்றாவது வீரராக வர வாய்ப்புள்ளது. "மிடில் ஆர்டரில்' விராத் கோஹ்லி, ரெய்னா, ரோகித் சர்மா போன்ற மூவரும் தொடர்ந்து சொதப்புகின்றனர். ஒவ்வொரு முறையும் செய்யும் தவறுகளில் இருந்து பாடம் கற்கவே இல்லை. 5 போட்டியில் கோஹ்லி 153 ரன்கள், ரெய்னா 102, ரோகித் 79 ரன்கள் மட்டுமே எடுத்துள்ளனர்.
இன்று இலங்கைக்கு எதிராகவும் ஏமாற்றினால், அப்புறம் சிக்கல் தான். பின் வரிசையில் "ஆல் ரவுண்டர்' ரவிந்திர ஜடேஜா, இர்பான் பதான் இருவரும் ஏனோதானோ என்று விளையாடாமல், போட்டியை முடித்து தர வேண்டும்.

அஷ்வின் வாய்ப்பு:
பவுலிங்கில் வழக்கம் போல ஜாகிர் கான், வினய் குமார், இர்பான் பதான் என மூன்று பேர் இருக்கலாம். உமேஷ் யாதவுக்குப் பதில் பிரவீண் குமாரை கொண்டு வந்தால் நல்லது. ஆடுகளம் சுழலுக்கும் கைகொடுக்கின்ற நிலையில், அஷ்வினை மீண்டும் அணியில் சேர்க்க வேண்டும்.

சிறப்பான பேட்டிங்:
இலங்கை அணியில் தரங்கா நீக்கத்துக்குப் பின், ஜெயவர்தனா, தில்ஷன் ஜோடி கடந்த போட்டியில் அசத்தலான துவக்கத்தை கொடுத்தது. இவர்கள் தவிர, சங்ககரா, சண்டிமால் ஆகியோரும் நல்ல பார்மில் உள்ளதால், இந்திய அணிக்கு சிக்கல் காத்திருக்கிறது.

பவுலிங்கில் மலிங்கா மீண்டும் அசத்த துவங்கிவிட்டார். கடைசி நேரத்தில் இவரது பந்துகளில் ரன் எடுக்க முடியாமல், கடந்த முறை போட்டி "டை' ஆனது. இதனால் இன்று இந்திய அணியின் துவக்கத்தில் இருந்தே விழித்துக் கொண்டால் நல்லது.

dinamalar

by மகா பிரபு Tue Feb 21, 2012 8:35 am

இலங்கை பேட்டிங் .

டோனி, ஜாகிர், ரோகித் நீக்கம்.
சேவாக், பார்த்திவ், அஸ்வின் விளையாடுகிறார்கள்.

by **Manik** Tue Feb 21, 2012 8:40 am

சேவக் தலைமையில் இன்று இந்தியா கண்டிப்பாக ஜெயிக்கும் என்பதில் சந்தேகமே இல்லை பிரபு........

உன்னோட கணிப்பு என்ன

by மகா பிரபு Tue Feb 21, 2012 8:42 am

Manik wrote:சேவக் தலைமையில் இன்று இந்தியா கண்டிப்பாக ஜெயிக்கும் என்பதில் சந்தேகமே இல்லை பிரபு........

உன்னோட கணிப்பு என்ன

நானும் அப்படி தான் நினைக்கிறேன். இன்றைய போட்டியில் வெற்றிபெற்றால் மட்டுமே இரண்டாமிடத்தை நாம் தக்க வைத்துக்கொள்ள முடியும்.

by **Manik** Tue Feb 21, 2012 8:46 am

இலங்கை அணி முதலில் பேட் செய்ய முடிவெடுத்தது நமக்கு மிகவும் சுலபம் ஏனென்றால் பெரும்பாலான விளையாட்டுகளில் இலங்கையுடன் நாம் 2வதாக பேட் செய்துதான் வெற்றி பெற்றிருக்கிறோம்............. இப்போதைக்கு நமக்கு பவுலிங்கை விட பேட்டிங் தான் சற்று நன்றாக உள்ளது

by மகா பிரபு Tue Feb 21, 2012 8:48 am

பொறுத்திருந்து பார்ப்போம்.

by **Manik** Tue Feb 21, 2012 8:50 am

இதெல்லாம் ஒரு பதிலாடா............ ஒரு பதிவை வேஸ்ட் பன்னிட்டியேடா பிரபு............. என்ன கொடுமை சார் இது

by மகா பிரபு Tue Feb 21, 2012 10:36 am

இலங்கை 117-2
ஓவர் 25

by **ராஜா** Tue Feb 21, 2012 10:39 am

தம்மாத்துண்டு இலங்கை அணிக்கு உள்ள தன்னம்பிக்கையும் , வெற்றிபெற வேண்டும் என்ற உறுதியும் இருந்தால் இந்தியா எழுச்சி பெறலாம் இல்லையென்றால் சகாரா நிறுவனம் , kingfisher நிறுவனமும் தூக்கி போடும் எலும்பு துண்டுகளை நக்கிக்கொண்டு நானும் ரவுடி தான் நானும் ரவுடி தான் என்று வடிவேலு பாணியில் நாங்களும் கிரிக்கெட் அணி என்று சொல்லிக்கொண்டு பேசாமல் IPL match மட்டும் விளையாட வேண்டும்