அன்புள்ள...

by **ரா.ரா3275** Fri 17 Feb 2012 - 15:19

ஆரம்பித்துவிட்டேன் எழுத
காதல் கடிதம் உனக்கனுப்ப

'அன்புள்ள...'
எனத் தொடங்கி
எழுத்துக்குள் தேக்கும் முயற்சி
கொட்டும் அருவியை

குளவிப் பூச்சிக் கொட்டியதுபோன்ற
குடைச்சலும் மின்னலும்
நரம்பு மற்றும் மூளைக்குள்

ஒவ்வொரு முறைப் பேனாவை
எழுதும் காகிதத்தில்
வைத்து எடுத்து-எடுத்து வைத்து
கனத்தப் பருத்திப் பந்தொன்று
காற்றில்
மிதக்கவியலாப் போராட்டமாய்
உருண்டோடி உருண்டோடியும் எழவியலாமல்

மொழிக்குழப்பம்போல் வார்த்தைகள்
முடிச்சிட்டுக் கொண்டனவாய்
பேனா பிரசவிக்கப் பெரும்பாடு

மணிக்கணக்கு-நாள்கணக்கு
கடிதமெழுதும் போரில்
மரணம் வந்துவந்து போனது
நொடி ஒவ்வொன்றிலும்

அடர்த்தியாக மொழிக்கற்கும்
மூல முயற்சியின்மையால்
எழுத்தும் மொழியும்
கஷ்டம்தான் கைவர

காதலை விட
காதல் கடிதம் மூர்க்கமாய்
முடக்கிப் போட்டுவிடுகிறது
அசைவொவ்வொன்றையும்!