தலைவர் பதவி கொடுத்தால் ஏற்கத் தயார்-மு.க. அழகிரி பேட்டி

by பாலாஜி Wed 15 Feb 2012 - 18:10

தி.மு.க.தலைவர் பதவி கொடுத்தால் ஏற்கத் தயார் என்று மு.க. அழகிரி தெரிவித்துள்ளார்,

மத்திய அமைச்சரும் தி.மு.க. தலைவருமான மு.க. அழகிரி சென்னை விமான நிலையத்தில் செய்தியாளர்களைச் சந்தித்துப் பேசினார்.

அப்போது அவரிடம் தி.மு.க.தலைவர் பதவி கொடுத்தால் ஏற்பீர்களா என்று கேட்டதற்கு "கொடுத்தால் ஏற்றுக் கொள்வேன்" என்று கூறினார்.

சங்கரன் கோவில் இடைத்தேர்தலில் தி.மு.க.வின் வேலைகள் துவங்கி விட்டதா? என்று கேட்டதற்கு தேர்தல் தேதி அறிவித்த பிறகு பார்க்கலாம் என்றார்.

இந்த விவகாரத்தில் அ.தி.மு.க. அளவுக்கு தி.மு.க.வில் சுறுசுறுப்பு இல்லையே, மந்த நிலை காணப்படுகிறதே? என்ற கேள்விக்கு பதில் அளித்த அழகிரி," தி.மு.க. மந்த நிலையில் இல்லை. வருகிற 17-ந் தேதி தி.மு.க. வேட்பாளர் நேர்காணல் நடக்கிறது. வேட்பாளர் தேர்வு செய்யப்பட்ட பிறகு நாங்கள் தீவிரமாக பிரசாரம் செய்வோம்" என்றார்.

தே.மு.தி.க.வுடன் உறவு ஏற்படவுள்ளதா, கூட்டணி உண்டா போன்ற கேள்விகளுக்கு பதிலளிக்காமல் அழகிரி எஸ்கேப்!

-வெப்துனியா