மனதை புண்படுத்தி விட்டது திமுக தலைமை-வீரபாண்டியார் குமுறல்

by kitcha Tue Feb 14, 2012 4:16 pm

சேலம்: திமுக தலைமை எச்சரிக்கை விடுத்து நோட்டீஸ் விட்டது எங்களது மனதைப் புண்படுத்தி விட்டது என்று முன்னாள் அமைச்சரும், திமுகவின் பெரும் ஜாம்பவான்களில் ஒருவருமான வீரபாண்டி ஆறுமுகம் கூறியுள்ளார்.

தமிழகம் முழுவதும் சுற்றி திமுக இளைஞர் அணிக்கான நிர்வாகிகளை கட்சிப் பொருளாளரும், இளைஞர் அணி அமைப்பாளருமான ஸ்டாலின் நேரடியாக தேர்வு செய்து வருகிறார். இந்த நிலையில், மு.க.அழகிரியின் ஆதரவாளரான வீரபாண்டி ஆறுமுகத்தின் மகன் ராஜா, சேலம் மாவட்ட இளைஞர் அணி நிர்வாகிகளை தேர்வு செய்ய ஒரு கூட்டத்திற்கு ஏற்பாடு செய்தார். இது கட்சித் தலைமைக்கு அதிர்ச்சி அளித்தது.

இதையடுத்து இந்த நேர்காணல் நடத்தக் கூடாது. இது கட்சி விரோத செயல் என்று எச்சரித்து அறிக்கை வெளியிடப்பட்டது. இதையடுத்து ராஜா தனது நேர்காணலை நிறுத்தினார்.

இந்த நிலையில் திமுக தலைமை விடுத்த எச்சரிக்கை மனதைப் புண்படுத்தி விட்டதாக வீரபாண்டி ஆறுமுகம் கூறியுள்ளார். விருப்ப மனுக்கள் மட்டுமே வாங்கப்பட்டதாகவும், தன்னிச்சையாக தேர்வு எதுவும் நடத்தவில்லை என்றும் அவர் கூறியுள்ளார்.

ஏற்கனவே சென்னையில் நடந்த பொதுக்குழுக் கூட்டத்தின்போது வீரபாண்டியாருக்கு எதிராக ஸ்டாலின் ஆதரவாளர்கள் ஆவேசத்துடன் கூச்சலிட்டு வீரபாண்டியார் தரப்புக்கு கடும் நெருக்கடியை ஏற்படுத்தினர். இந்த நிலையில் தற்போதைய இளைஞர் அணி நிர்வாகிகள் நேர்காணல் விவகாரத்தால் மீண்டும் சேலத்தில் பூசல் வெடிக்கும் அபாயம் எழுந்துள்ளது.

தட்ஸ்தமிழ்

by மகா பிரபு Tue Feb 14, 2012 4:18 pm

உள்கட்சி பூசல் உச்சத்திற்கு வந்துவிட்டது.

by உதயசுதா Tue Feb 14, 2012 4:20 pm

சரி ஸ்டாலின் தான் நேர்காணல் நடத்திட்டு இருக்காரே,அப்புறம் எதுக்கு இவரு மகன் களத்தில் இறங்கினார்.அது தவறுதானே

by மகா பிரபு Tue Feb 14, 2012 4:26 pm

உதயசுதா wrote:சரி ஸ்டாலின் தான் நேர்காணல் நடத்திட்டு இருக்காரே,அப்புறம் எதுக்கு இவரு மகன் களத்தில் இறங்கினார்.அது தவறுதானே

இதே அம்மாவா இருந்தா கட்சிய விட்டே தூக்கிடுப்பாங்க.

by சார்லஸ் mc Tue Feb 14, 2012 7:51 pm

“சிங்கம் கீழே படுத்தால் சிறு நாி கூட ஈச்சங் காட்டுமாம்”

“குளம் வற்றத் தொடங்கினால் பறவைகள் வரத்த குறையத்தானே செய்யும்”

அதுதான் இப்போது, இனி வரும் நாட்களில் திமுக - வில் நடக்கப் போகும் அடுத்த கட்ட காட்சிகள்...

தோற்கும் கட்சிகளில் இப்படிப்பட்ட நிகழ்வுகள் சகஜமே...

மீடியாக்களுக்கு நல்ல தீனிக்கு பஞ்சமில்லை...