தமிழகத்தில் காஸ் தட்டுப்பாடு அதிகரிக்கும் அபாயம்

சேலம்: காஸ் டேங்கர் லாரி ஸ்டிரைக்கால், தமிழகத்தின் காஸ் நிரப்பும் மையங்களில், பணிகள் பாதிக்கப்பட்டு இருந்த நிலையில், மீண்டும் மங்களூருவில் இருந்து புல்லட் வராததால், நேற்று மீண்டும் காஸ் நிரப்பும் பணிகள் நிறுத்தப்பட்டன. இதனால், தமிழகம் முழுவதும், காஸ் தட்டுப்பாடு அதிகரிக்கும் அபாயம் ஏற்பட்டுள்ளது.

தமிழகத்தில் எண்ணூர் (சென்னை), செங்கல்பட்டு, கிணத்துக் கடவு (கோவை), பெருந்துறை (ஈரோடு), இளையான்குடி (சிவகங்கை), மதுரை, மயிலாடுதுறை, திருச்சி, கருப்பூர் (சேலம்) ஆகிய இடங்களில், காஸ் நிரப்பும் மையங்கள் உள்ளன. இவற்றிலிருந்து, குறைந்தபட்சம் மூன்று மாவட்டங்களுக்கு, சிலிண்டர் வினியோகம் செய்யப்பட்டு வருகிறது. இந்த மையங்களுக்கு தேவையான புல்லட், மங்களூருவில் இருந்து கொண்டு வரப்படுகிறது. கடந்த ஜனவரி மாதம், டேங்கர் லாரிகள் ஸ்டிரைக்கால், 14 நாட்களுக்கு மேல், காஸ் நிரப்பும் பணிகளில் கடும் பாதிப்பு ஏற்பட்டது. இந்நிலையில், பிப்ரவரி மாதத்தில், 3ம் தேதி முதல் 5ம் தேதி வரையிலான மூன்று நாள், காஸ் நிரப்பும் பணிகள் நிறுத்தப்பட்டன. இதனால், கடந்த வாரம் வரை, காஸ் வேண்டி பதிவு செய்து காத்திருப்போரின் பட்டியலில், எண்ணிக்கை தமிழகம் முழுவதும், 20 லட்சத்தை தாண்டியது.

இந்நிலையில், மங்களூருவில் இருந்து வரவேண்டிய புல்லட் (திரவ, பவுடர் காஸ்) வரவில்லை. இதன் காரணமாக, நேற்று மதியம் ஓட வேண்டிய இரண்டாவது ஷிப்ட் காஸ் நிரப்பும் பணிகள் நிறுத்தப்பட்டன. சேலம் காஸ் மையத்தில் மட்டுமின்றி, தமிழகம் முழுவதும் உள்ள காஸ் மையங்களிலும், இந்நிலையே தொடர்ந்தது. காஸ் சிலிண்டர் கேட்டு விண்ணப்பித்து இருந்த ஏஜன்சிகளுக்கு, சிலிண்டர் சப்ளை வழங்கப்படுவது நிறுத்தப்பட்டது. மேலும், கடந்த வாரம் முன்பதிவு செய்த ஏஜன்சிகளுக்கு மட்டும், குறைந்த அளவிலேயே காஸ் சிலிண்டர் லோடுகள் வழங்கப்பட்டன. காஸ் புல்லட் இல்லாததால், நிறுத்தப்பட்டுள்ள காஸ் நிரப்பும் பணிகள், இன்று துவங்காது எனத் தெரிகிறது. இதையொட்டி, சனி மற்றும் ஞாயிற்றுக் கிழமைகளில் விடுமுறை என்பதால், காஸ் நிரப்பும் பணிகள் நடைபெற வாய்ப்பு இல்லை. இதனால், தமிழகம் முழுவதும், காஸ் தட்டுப்பாடு அதிகரிக்கும் அபாயம் ஏற்பட்டுள்ளது. காஸ் சிலிண்டருக்கு முன்பதிவு செய்யும் வாடிக்கையாளர்களுக்கு, நிலைமை சரியாகும் வரை, 40 நாட்களுக்கு பின்னரே, சிலிண்டர்களை சப்ளை செய்ய முடியும் என, ஏஜன்சியின் உரிமையாளர்கள் தெரிவித்தனர்.

http://www.dinamalar.com/News_Detail.asp?Id=402883

பவர் கட், காஸ் கட் அடூது இதே போல் ஒண்ணு ஒண்ணா கட் பண்ணி ஆதிவாசியா போக வேண்டியது தான், அண்ணா

அட ஆண்டவனே

ஜாஹீதாபானு wrote:அட ஆண்டவனே

அட ஆள்கிறவனே...என்று சொல்லுங்கள் ஜாகீதாபானு அவர்களே...
ஆண்டவருக்கும் இப்போதைய தட்டுப்பாட்டிற்கும் சம்பந்தமில்லை...

மொபைலில் எஸ்‌எம்‌எஸ் அனுபிதான் காஸ் பதிஉ நடக்குறது மோசம் மொபைல் இல்லாத மொபைல் வைதிருந்தும் விவரம் தெரியாதவர் எத்தனைபேர் பாவம் தமிழ்மக்கள்.......................................