மணப்பெண் காதலனுடன் தப்பியோட்டம், மாப்பிள்ளை தற்கொலை

by **பிரசன்னா** Thu Feb 02, 2012 2:32 pm

மணப்பெண் காதலனுடன் தப்பியோட்டம், மாப்பிள்ளை தற்கொலை
February 2, 2012 12:09 pm

மதுரை சோலைஅழகுபுரத்தைச் சேர்ந்தவர் சவுந்தரராஜன். இவருடைய மகன் கார்த்திக் (வயது 31). இவர் திண்டுக்கல்லில் உள்ள ஒரு கல்லூரியில் வார்டனாக வேலை பார்த்து வந்தார். தினமும் மதுரையில் இருந்து வேலைக்காக திண்டுக்கல் சென்று வந்தார்.

கார்த்திக்குக்கு அவருடைய தந்தை திருமண ஏற்பாடு செய்தார். கோவையைச் சேர்ந்த ஒரு பெண்ணைப் பார்த்து முடிவு செய்தார். அந்தப் பெண்ணுக்கும் கார்த்திக்குக்கும் கடந்த 19ந் திகதி திருமண நிச்சயதார்த்தம் நடந்தது. இதனை அடுத்து இரு வீட்டாரும் திருமண ஏற்பாடுகளை செய்து வந்தனர்.

இந்த நிலையில் கார்த்திக்குக்கு நிச்சயிக்கப்பட்ட பெண் வேறு ஒருவருடன் ஓடிவிட்டார். அந்தப் பெண் அவரை காதலித்து வந்ததாகவும் அவருடன் ஓடிப்போய் திருமணம் செய்து கொண்டதாகவும் கூறப்படுகிறது.

தனக்கு நிச்சயிக்கப்பட்ட பெண் வேறொருவருடன் ஓடியதால் கார்த்திக் அவமானத்தால் மனம் உடைந்து காணப்பட்டார். அவர் செவ்வாய்கிழமை சோழவந்தானில் உள்ள தனது சித்தப்பா சாமிநாதன் வீட்டுக்குச் சென்றார். அன்று இரவு சித்தப்பா வீட்டு மாடியில் சேலையால் தூக்குப்போட்டு தற்கொலை செய்து கொண்டார்.

புதன்கிழமை கார்த்திக் பிணமாக தொங்கியதை உறவினர்கள் பார்த்து அதிர்ச்சி அடைந்தனர். இதுபற்றிய தகவல் கிடைத்தும் சோழவந்தான் பொலிஸார் சம்பவ இடத்துக்குச் சென்று விசாரணை நடத்தினார்கள்.

http://thamilan.lk/news.php?nid=20993

by **பிரசன்னா** Thu Feb 02, 2012 2:33 pm

அட கொடுமையே சோகம்

by **ஜாஹீதாபானு** Thu Feb 02, 2012 2:35 pm

அவ ஓடினா நீ ஏன் சாகுற என்ன கொடுமை சார் இது

இவளுக்கு கல்யாணத்துக்கு முன்னாலயே ஓடத் தெரியாத வீணா ஒரு உயிர் போச்சு சோகம்

by **சிவா** Thu Feb 02, 2012 3:00 pm

தற்பொழுதைய புது ட்ரெண்ட் இது.

காதலிப்பார்கள், ஆனால் பெற்றோரிடம் சொல்ல மட்டார்கள். மாப்பிள்ளை பார்த்து முடிவானதும் காதலனுடன் ஓடிவிடுவார்கள்.

இதுபோன்று நிறையச் சம்பவங்களைப் பார்த்துவிட்டேன், கேட்டுவிட்டேன்.