ஓம் - ஓங்காரம் – தமிழ்

by **சாமி** Fri Jan 27, 2012 8:31 am

மந்திரங்களெல்லாம் ஓங்காரத்தை முதலாகக் கொண்டு இயம்பப்பெறுபவை. வடமொழியில்தான் மந்திரங்கள் உண்டு என்று நினைப்பவர்களின் நினைவுக்கு மாறாக இந்த ஓங்காரம் என்பது தமிழ் மொழியிடமிருந்து வடமொழி இரவல் பெற்றதாகும். இதற்கு வடமொழி நெடுங்கணக்கே அற்புதமான சான்று பகர்கிறது. நெடுங்கணக்கு என்பது அகரம் முதல் ஒவ்வொரு மொழியிலும் கூறப்படும் எழுத்து வரிசை ஆகும். ALPHABET என்று ஆங்கிலத்தில் கூறுவர்.

வடமொழி நெடுங்கணக்கில் ஒகரம் என்ற குறில் கிடையாது. ஓகாரம் என்ற நெடில்தான் உண்டு. நெடில் எழுத்துக்கள் அனைத்தும் அந்தந்த குறில் எழுத்துக்களின் நீட்டம் ஆகும். “அ” என்ற குறில் எழுத்திலிருந்து “ஆ” என்ற நெடில் எழுத்து பிறக்கிறது. “இ” என்ற குறில் எழுத்திலிருந்து “ஈ” என்ற நெடில் எழுத்து பிறக்கிறது. இப்படியே ஏனையவற்றையும் கொள்க.

அவ்வாறாயின் ஒகரம் என்ற குறில் எழுத்தில் இருந்துதான் ஓகாரம் பிறக்கும். தமிழில் அப்படித்தான் உண்டு. ஆனால் வடமொழி எழுத்து வரிசையில் ஒகரம் என்ற குறிலைக்காணோம். ஓகாரம் என்ற நெடில் எழுத்து வந்தது எப்படி?

எனவே தமிழ் ஓகாரத்துடன் சேர்ந்த “ ம் ” என்ற மெய்யெழுத்தும் சேர வரும் ஓங்காரத்தின் சிறப்பு கருதி வடமொழியில் ஓகாரம் தமிழிலிருந்து தத்து எடுத்துக்கொள்ளப்பட்டது என்பதே அமையும்.
நன்றி : மு.பெ.ச அவர்கள் எழுதிய “ தமிழ் வேள்வி “ புத்தகம்).

by **பிஜிராமன்** Fri Jan 27, 2012 9:03 am

நல்ல பகிர்வு நன்றிகள் சாமி மகிழ்ச்சி

by yarlpavanan Fri Jan 27, 2012 9:45 am

பயனுள்ள தகவல்

by இரா.பகவதி Fri Jan 27, 2012 11:22 am

நல்ல பதிவு அண்ணா அந்த ஒவ் கார சப்ததுக்கு ஒரு பவர் இருப்பதாக நான் கேள்வி பட்டிருக்கிறேன் அது உண்மையா அந்த சப்ததில் இருந்து வரும் வைப்ரேஷன் உடலை பல பிரச்சனைகளில் இருந்து காக்கும் enkirargal