தமிழர் திருநாள் - ஜல்லிக்கட்டு

by **இளமாறன்** Sun Jan 15, 2012 1:54 pm

தமிழகம் முழுவதும் தமிழர் திருநாளாம் , பொங்கல் திருநாள் இன்று உலகம் முழுவதும் கோலாகலமாக கொண்டாடப்பட்டு வருகிறது. பொங்கல் விழாவை முன்னிட்டு புகழ்பெற்ற மதுரை மாவட்டம் அவனியாபுரத்தில் ஜல்லிக்கட்டு எனும் வீர விளையாட்டு துவங்கியது. சீறிவரும் காளைகளை மாடுபிடி வீரர்கள் தங்கள் பலத்தை கொண்டு பிடிக்க முயற்சி மேற்கொண்டுள்ளனர். அதிகாலையில் தமிழக மக்கள் தங்கள் இல்லங்களில் பொங்கல் வைத்து சூரிய பகவானுக்கு படைத்து வழிபட்டனர்.

ஒவ்வொருவரும் பால்பொங்கிச்சா, என வாழ்த்துக்களை பரிமாறிக்கொண்டனர். நாளை விவசாயத்திற்கு உதவும் மாடுகளுக்கு பொங்கல் வைத்து வழிபடுகின்றனர்..தமிழகத்தில் இந்தாண்டு ஜல்லிக்கட்டு நடக்குமா, இல்லையா என, பெரியசட்டபோராட்டமே நடந்தது. காளைகளை சாகசக்காட்சி விலங்குகளாக பயன்படுத்த தடை விதித்து, 2011 ஜூலையில், மத்திய சுற்றுச்சூழல் துறை அமைச்சகம் அறிவிப்பு வெளியிட்டது. இதன்படி, ஜல்லிக்கட்டுக்கு தடைவிதிக்க கோரி பிராணிகள் நலவாரியம், விலங்குகள் நல ஆர்வலர்கள் மதுரை ஐகோர்ட் கிளையில் மனு தாக்கல் செய்தனர். சுப்ரீம் கோட்டில் வழக்கு நிலுவையில் இருக்கும் போது, தமிழக அரசிடம்
கருத்து கேட்காமல் வெளியிட்ட மத்திய அரசின் அறிவிப்பை ரத்து செய்யக்கோரி ஜல்லிக்கட்டு ஆர்வலர்கள் வழக்குத் தொடர்ந்தனர். நீதிபதிகள், ""ஜல்லிக்கட்டு நடத்த இடைக்கால அனுமதி அளிக்கப்படுகிறது. சுப்ரீம் கோர்ட், ஐகோர்ட் விதித்துள்ள அனைத்து விதிமுறைகளையும் கண்டிப்பாக பின்பற்ற வேண்டும். ஜல்லிக்கட்டு நடந்தது தொடர்பாக, ஜன., 30ல் அறிக்கை தாக்கல் செய்ய வேண்டும். விரும்பத்தகாத சம்பவங்கள் நடந்தால், இந்த உத்தரவு மறுபரிசீலனை செய்யப்படும்,'' என உத்தரவிட்டனர்.

கோர்ட் உத்தரவை தொடர்ந்து, ஜல்லிக்கட்டிற்கான ஏற்பாடுகள் தீவிரமடைந்தன. மதுரை மாவட்டத்தில் இன்று, அவனியாபுரம், நாளை, பாலமேடு, ஜன., 17ல், அலங்காநல்லூரில் பாரம்பரியமிக்க ஜல்லிக்கட்டு நடக்கிறது. சிவகங்கை மாவட்டம் சிராவயலில், ஜன., 17, கண்டுபட்டியில் ஜன., 19ல் மஞ்சுவிரட்டு நடக்கிறது. நேற்று மதுரை கலெக்டர் சகாயம், ஜல்லிக்கட்டு ஏற்பாடுகளை ஆய்வு செய்தார். அவனியாபுரத்தில் பார்வையாளர் காலரி, மாடுகள், வீரர்கள் பதிவு செய்யும் இடம், மாடுகளை பிடிக்கும் இடங்களில் தென்னை நார் பரப்பும் பணி, மருத்துவ, சுகாதார வசதிகள், கால்நடை மருத்துவர்களின் சோதனைகள் உட்பட அனைத்து ஏற்பாடுகளையும் பார்வையிட்டார்.

ஜல்லிக்கட்டிற்காக மாடுபிடி வீரர்களும் கடந்த சில நாட்களாக கடும் பயிற்சியில் ஈடுபடுகின்றனர். பங்கேற்கும் 600க்கும் மேற்பட்ட காளைகளுக்கு, ஒரு மாதமாகவே பயிற்சிகள் அளிக்கப்பட்டன. பின் பாலமேடு, அலங்காநல்லூர் சென்ற கலெக்டர் தலைமையிலான அதிகாரிகள் குழுவினர்சுப்ரீம் கோர்ட்விதித்துள்ள நிபந்தனைகள்படி விழா குழுவினர் ஏற்பாடுகள் செய்துள்ளனரா என ஆய்வு செய்தனர்.

தினமலர்