எப்படி ? எதற்கு ? ஏன் ?

by அல்கெனா ரிஷி Fri Jan 13, 2012 2:09 pm

குதிரைச் சவாரி கற்றுக்கொள்ள ஆசைபட்டான் ஒருவன் . முறையான பயிற்சிக்காக சரியான பயிற்சியாளரைத் தேடினான்.
பல வழிகளிலும் முயற்சி செய்து கடைசியில் அருமையான குரு ஒருவரைக் கண்டுப்பிடித்தான்.அவரை சந்தித்து தன் விருப்பத்தைச் சொன்னான்.

தன்னை நாடி ,நம்பி வந்ததால் பயிற்சி கொடுக்க ஒப்புக் கொண்டார் பயிற்சியாளர்."இன்றே பயிற்சியை ஆரம்பிக்கலாம் " என்றார் .
"அதற்கு முன்னால் ஒரு கேள்வி"என்றான் வந்தவன் .

"ம்.... கேளுங்கள் " என்றார் பயிற்சியாளர் .
"எத்தனை நாட்களில் குதிரைச் சவாரியை நான் கற்றுக்கொள்ள முடியும் ? " என்றான் வந்தவன்.
"தினம் நான்கு மணி நேரப் பயிற்சி..... இருபது நாட்களில் இந்த கலை உங்கள் வசமாகும் "என்றார் பயிற்சியாளர் .
"இல்லை .நான் மிகவும் ஆர்வமாக இருக்கிறேன்.தினமும் இருபது மணி நேரம் பயிற்சி எடுத்துக்கொள்ளத் தயார். அப்படியானால் எத்தனை நாட்களில் இந்தக் கலையைக் கற்றுக் கொடுப்பீர்கள் ? " என்றான் வந்தவன்.

அதற்கு அந்தப் பயிற்சியாளர் என்ன பதில் சொல்லியிருப்பார் ?