செங்கல்பட்டு நகரசபை துணைத்தலைவர் வெட்டிக்கொலை

by **சிவா** Sat Jan 07, 2012 7:54 am

செங்கல்பட்டு நகரசபை துணைத்தலைவர் வெட்டிக்கொலை செய்யப்பட்டார். இதுதொடர்பாக கார், வேனில் வந்த 20 பேர் கொண்ட கும்பலை போலீசார் வலைவீசி தேடி வருகிறார்கள்.

கொலை வழக்கு உள்பட 17 வழக்குகள்

காஞ்சீபுரம் மாவட்டம் திருக்கச்சூரில் வசித்து வந்தவர் ரவிபிரகாஷ் (வயது 32). செங்கல்பட்டு நகரசபை துணைத்தலைவராக இருந்தவர். இவருக்கு மகேஸ்வரி (25) என்ற மனைவியும், பிரதீபா (2) என்ற மகளும் உள்ளனர். தற்சமயம் மகேஸ்வரி 6 மாத கர்ப்பிணியாக உள்ளார்.

தி.மு.க.வை சேர்ந்த ரவிபிரகாஷ் மீது 3 கொலை வழக்குகள் உள்பட 17 வழக்குகள் தொடரப்பட்டிருந்தன.

இதில் செங்கல்பட்டு அ.தி.மு.க. நகர செயலாளர் குமார் கொலை வழக்கு, பா.ம.க. ஒன்றிய கவுன்சிலர் ஆதிராஜா கொலை வழக்குகள் தவிர மற்ற வழக்குகளில் இருந்து ரவிபிரகாஷ் விடுதலையாகிவிட்டார்.

மு.க.ஸ்டாலின் வருகை

அண்ணா பிறந்தநாளையொட்டி தி.மு.க. சார்பில் மாணவ, மாணவிகளுக்கு பரிசளிக்கும் விழா செங்கல்பட்டு ராதாதியேட்டர் அருகே இன்று (சனிக்கிழமை) நடக்கிறது. இதில் கலந்து கொள்ள மு.க.ஸ்டாலின் வருகிறார் என்பதால் பிரம்மாண்டமாக மேடை அமைக்கும் பணி நடந்துவந்தது.

இந்த மேடை அமைக்கும் பணியை பார்வையிட்டு விட்டு தான் புதிதாக மசூதி தெருவில் கட்டி வரும் ஆடம்பர பங்களாவை பார்க்க ரவி பிரகாஷ் சென்றார்.

அந்த பங்களாவை பார்வையிட்டுவிட்டு இதன் அருகே உள்ள ரைட்டர் சபாபதி தெருவில் வசிக்கும் தனது நண்பர் வரதன் வீட்டுக்கு சாப்பிட ரவி பிரகாஷ் சென்றார். அவருடன் அவரது நண்பர்கள் பாலா (32), முரளி (35) ஆகியோரும் சென்றனர்.

சரமாரியாக வெட்டிக்கொலை

நேற்று மதியம் 3.15 மணி அளவில் நண்பர் வரதனின் வீட்டின் அருகே காரை நிறுத்தி விட்டு அங்கிருந்த ஒருவரிடம் ரவி பிரகாஷ் பேசிக்கொண்டிருந்தார். நண்பர்கள் பாலாவும், முரளியும் மாடிக்கு சென்று விட்டனர்.

அப்போது காரிலும், வேனிலும் முகத்தை துணியால் மூடியபடி வந்த சுமார் 20 பேர் கொண்ட கும்பல் கத்தியுடன் ரவி பிரகாஷை துரத்தியது. இதனால் பீதியுடன் வரதனின் வீட்டினுள் ஓடிய ரவி பிரகாஷை அந்த கும்பல் அரிவாளால் சரமாரியாக வெட்டியது. இதில் அதே இடத்தில் ரவிபிரகாஷ் ரத்த வெள்ளத்தில் பலியானார்.

செங்கல்பட்டு நகரசபை துணைத்தலைவர் வெட்டிக்கொலை Kanchi2

செங்கல்பட்டு நகரசபை துணைத்தலைவர் வெட்டிக்கொலை Kanchi2

போலீஸ் வலைவீச்சு

இதுபற்றி தகவல் அறிந்த செங்கல்பட்டு டவுன் போலீசார் விரைந்து வந்து ரவிபிரகாஷின் உடலை கைப்பற்றி பிரேத பரிசோதனைக்காக செங்கல்பட்டு அரசு மருத்துவமனைக்கு அனுப்பி வைத்தனர். காஞ்சீபுரம் மாவட்ட போலீஸ் சூப்பிரண்டு மனோகரன் விரைந்து வந்து செங்கல்பட்டு அரசு மருத்துவ மனையில் இருந்த ரவிபிரகாஷின் உடலைப் பார்வையிட்டு விசாரணை நடத்தினார்.

ரவி பிரகாஷை கொலை செய்து விட்டு தப்பி ஓடிய 20 பேர் கொண்ட கும்பலை போலீசார் வலைவீசி தேடி வருகின்றனர். நகரசபை துணைத்தலைவர் கொலை செய்யப்பட்டதால் செங்கல்பட்டு ஜி.எஸ்.டி.சாலை உள்பட சில இடங்களில் கடைகள் அடைக்கப்பட்டிருந்தன.

செங்கல்பட்டு எம்.எல்.ஏ. அனகை முருகேசன் எம்.எல்.ஏ. கொலை நடந்த வீட்டை பார்வையிட்டார்.

தினதந்தி

by **ராஜா** Sat Jan 07, 2012 11:36 am

சிவா wrote:தி.மு.க.வை சேர்ந்த ரவிபிரகாஷ் மீது 3 கொலை வழக்குகள் உள்பட 17 வழக்குகள் தொடரப்பட்டிருந்தன.

நகர சபை தலைவர் ரொம்ப நல்லவரா இருந்திருப்பார் போல

செங்கல்பட்டு நகரசபை துணைத்தலைவர் வெட்டிக்கொலை

செங்கல்பட்டு நகரசபை துணைத்தலைவர் வெட்டிக்கொலை

Re: செங்கல்பட்டு நகரசபை துணைத்தலைவர் வெட்டிக்கொலை