சூர்யாவின் சம்பளம் விர்ர்ர்...!

சூர்யாவின் சம்பளம் விர்ர்ர்...!

கே.வி.ஆனந்த், சூர்யா, ஹாரீஸ் என ’அயன்’ படத்தில் பட்டையைக் கிளப்பிய அதே கூட்டணி, ’மாற்றான்’ படத்தில் மறுபடியும் கைகோர்த்திருக்கிறது.

மாஸ் ஹீரோ கால்ஷீட் கிடைத்து விட்டால் பணத்தை தண்ணி மாதிரி செலவழிக்கும் பின்னி மில் கல்பாத்தி அகோரம்தான் இந்தப் படத்தின் தயாரிப்பாளர்.
இந்தப் படத்தில் நடிக்க தெலுங்கு உரிமைக்கான சம்பளத்தையும் சேர்த்து சூர்யாவுக்கு 18 கோடி ரூபாய் சம்பளம் பேசியிருக்கிறார்களாம் அகோரம் நிறுவனத்தில். 7-ஆம் அறிவு படத்துக்கு சூர்யாவுக்கு செட்டில் செய்யப்பட்ட ஊதியம் 14 கோடி என்கிறார்கள்.

கோலிவுட்டின் கரண்ட் பிஸ்னஸ் வேல்யூ படி ரஜினிக்கு அடுத்த இடத்தில் இருக்கிறார் சூர்யா என்று சொல்லி அதிர வைக்கிறார்கள். முன்றாவது இடத்தில் விஜயும் நான்காவது இடத்தில் கமலும் இருந்தார்களாம். தற்பொது கமலின் நான்கவது இடத்தையும் ’மங்காத்தா’ வெற்றியின் மூலம் அஜித் தட்டிக் கொண்டு போயிருகிறார் என்கிறார்கள்.

ரஜினி, கமலுக்கு அடுத்த நிலையில் அஜித், விஜய் ஆகியோரை விட நான்கு கோடி அதிகம் ஊதியம்பெரும் வாங்கும் முன்னனி ஹீரோவாகியிருக்கும் சூர்யாவின் ’மாற்றான்’ திரைப்படம் கோடை வெளியீடாக வெளிவர இருக்கிறது.
இந்தப் படத்தின் முதல் கட்ட படப்பிடிப்பை ரஷ்யாவின் புறநகர் ஸ்லம்களில் படம்பிடித்து திரும்பியிருக்கிறது ’மாற்றான்’ படக்குழு. சென்னை திரும்பிய கையோடு, ஏ.வி.எம் ஸ்டூடியோவில் மிக பிரமாண்டமாக ஒன்றரைக் கோடி செலவில் போடப்பட்டிருந்த செட்டில் “திண்ணத் திண்ணத் தீர்ந்தாயா?” என்ற பாடலை படமாக்கியிருக்கிறார்கள். நடன இயக்குனர் பிருந்தாவின் கோரியோலிராபியில், ஹாரிஸ் ஜெயராஜ் இசையில் உருவான இந்தப் பாடலை பத்து நாள் சூட் செய்திருக்கிறார்கள்.

இந்த பாடலில் சூர்யா, காஜல் அகர்வால் ஆகியோருடன் சேர்ந்து ஆடிக்கொடுத்திருக்கிறார் பாலிவுட்டின் லேட்டஸ்ட் கவர்ச்சி தேவதை இஷா ஷெர்வானி.
இந்தப் பாடல் படபிடிப்பு முடிந்து விட்டத்தால் விரைவில் குரோஷியா கிளம்புகிறதாம் ’மாற்றான்’ படக்குழு!
பொதுவாக தனது படங்களுக்கு வித்தியாசமான இடங்களைத் தேர்ந்தெடுத்து படமாக்குவதை வழக்கமாக வைத்திருக்கும் கே.வி.ஆனந்த், இந்தமுறை ’மாற்றான்' படத்துக்காக இதுவரை யாரும் படப்பிடிப்பு நடத்தியிராத குரோஷியா, ருமேனியா, செர்பியா, அல்பேனியா, மாசிடோனியா ஆகிய நாடுகளில் படப்பிடிப்பை தொடர இருக்கிறார். சிவில் உள்ள நாடாவே பார்த்து கேமராவை தூக்கிகிட்டு போறார் ஆனந்த்! வார் கரஸ்பாண்ட்டெண்ட் ஆக ஆசைப்பட்டாரோ என்னவோ?!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
தகவல் பகிர்வு - தமிழ் வாரஇதழ் செய்திகள், ARRKAY
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

வாங்கட்டும்...

இது திட்டமிட்டு பரப்பப்படும் செய்தி போல உள்ளது ,