அன்றே உரைத்திருக்கலாம்

by முஹைதீன் Thu Dec 29, 2011 4:21 pm

சிரத்தை
எடுத்து;
கரத்தை நீட்டி;
மருதாணிக் காயும் வரை
அசையாமல் அசையும்

உனைக் கண்டு நகைப்பேன்;
இது ஒரு ஆசையா என!

சின்னதாய்
புன்னகைத்து;
கண்சிமிட்டிக் கதைப்பாய்
கலைத்தப்பின்னேப் பார்
என!
சிவந்திருந்த வண்ணம்;
ஒளிந்திருந்து உரைக்கும்
உனக்காகத்தான்
என!

நெருக்கத்தில் உள்ளப்போது
சுருக்கமாய் தெரிந்த
உன்
மருதாணி அழகு;
இன்று தூரமானதும்;
மனம் பாரமாய் ஆனது;
ச்ச்சே!
அன்றே
உரைத்திருக்கலாம்
அப்படி ஒர் அழகு என!

--
-யாசர் அரஃபாத்

http://itzyasa.blogspot.com

by உதயசுதா Thu Dec 29, 2011 4:23 pm

யாருமே பக்கத்தில் இருக்கும்போது அவர்களின் அருமை தெரியாது.அவர்களை விட்டு வந்ததுக்கு அப்புறம் தான் இப்படி எல்லாம் இருந்தாளே, அவளை ஒரு வார்த்தை பாராட்டி இருக்கலாமே என்று புலம்பும் ஆண்கள் தான் அதிகம்.

நல்ல கவிதை முகைதீன்.பகிர்வுக்கு நன்றி

அன்றே உரைத்திருக்கலாம்

அன்றே உரைத்திருக்கலாம்

Re: அன்றே உரைத்திருக்கலாம்