இறந்தவர் உடல் சிகிச்சைக்காக அனுமதி:மதுரை பரபரப்பு.!

by **Tamilzhan** Mon Sep 28, 2009 8:24 pm

இறந்தவர் உடல் சிகிச்சைக்காக அனுமதி:மதுரை பரபரப்பு

மதுரை அரசு ஆஸ்பத்திரிக்கு சம்பவத்தன்று மர்மகும்பல் ஒரு ஆட்டோவில் 49 வயது மதிக்கத்தக்க ஒருவரை சிகிச்சைக்காக கொண்டு வந்தனர்.

நாராயணபுரத்தை சேர்ந்த செல்வம் மகன் நாராயணன் என்றும், அவருக்கு சிகிச்சை அளிக்க வேண்டும் என்றும் கூறி முதலுதவி வார்டில் அவரை சேர்த்தனர். சேர்த்த சிறிது நேரத்தில் அந்த கும்பல் அங்கிருந்து ஓடி விட்டனர்.

இந்த நிலையில் டாக்டர்கள் வந்து சிகிச்சைக்காக அனுமதிக்கப்பட்டவரை பரிசோதித்து பார்த்தபோது அவர் ஏற்கனவே இறந்தது தெரியவந்தது.

இது குறித்து ஊமச்சிக்குளம் போலீசில் புகார் செய்யப்பட்டது. மர்மநபர்கள் கொடுத்த விலாசத்திற்கு சென்று போலீசார் விசாரித்தபோது விலாசம் போலியானது என தெரிய வந்தது.

இறந்தவர் வெள்ளை கலரில் கட்டம் போட்ட சட்டையும், சிமெண்டு கலரில் பேண்ட் மற்றும் முன்டா பனியனும் அணிந்திருந்தார். மாநிறமான இவர் வழுக்கை தலையுடன் காணப்பட்டார்.

இவர் எந்த பகுதியை சேர்ந்தவர்? எப்படி இறந்தார்? என்று தெரியவில்லை. மேலும் இவரை பிணத்துடன் அரசு ஆஸ்பத்திரியில் போட்டு சென்ற “மர்ம” நபர்கள் யார்? என்றும் போலீசார் விசாரணை நடத்தி வருகிறார்கள். இந்த சம்பவம் மதுரை அரசு ஆஸ்பத்திரியில் பரபரப்பை ஏற்படுத்தியது.

இறந்தவர் யார்? என்று தெரிந்தால் ஊமச்சிக்குளம் போலீஸ் நிலையம் தொலை பேசி எண்.0452-2689273-ல் தொடர்பு கொண்டு தெரிவிக்கலாம் என போலீசார் கூறியுள்ளனர்.