கணவரை கொலை செய்து ஓடையில் வீசிய மனைவி கைது:

by kitcha Tue Dec 13, 2011 3:44 pm

பெத்தநாயக்கன்பாளையம் அருகே கள்ளத்தொடர்பை தட்டிக் கேட்டதால், ஆத்திரமடைந்து கள்ளக்காதலனுடன் சேர்ந்து கணவனை தீர்த்துக் கட்டிய மனைவி, கள்ளக் காதலன் ஆகிய இருவரையும், போலீஸார் கைது செய்தனர்.

சேலம் மாவட்டம் பெத்தநாயக்கன்பாளையம் அருகே புத்திரகவுண்டன்பாளையம் பகுதியை சேர்ந்தவர் கூலித் தொழிலாளி பாண்டியன் (32). அவருக்கு, மனைவி வெண்ணிலா (27), மகள்கள் பிரியா (11), கலைவாணி (9), தர்ஷினி (3) ஆகிய மூன்று குழந்தைகள் உள்ளனர்.

புத்திரகவுண்டன்பாளையம் வாரச்சந்தை அருகில் உள்ள நீரோடையில், ரத்தக் காயங்களுடன், பாண்டியன் இறந்து கிடந்தார். தகவலறிந்த ஏத்தாப்பூர் இன்ஸ்பெக்டர் முத்துக்கிருஷ்ணன் தலைமையிலான போலீஸார், பாண்டியனின் உடலை கைப்பற்றி விசாரணை நடத்தினர்.

விசாரணையில், பாண்டியனின் மனைவி வெண்ணிலாவுக்கும், உறவினர் பாலா (எ) பாலமுருகனுக்கும் இடையே கள்ளத்தொடர்பு இருந்துள்ளது. இருவரும் தனிமையில் இருப்பதை நேரில் பார்த்த பாண்டியன், மனைவியை தட்டிக் கேட்டுள்ளார். அதனால், இருவருக்கும் இடையே தகராறு ஏற்பட்டுள்ளது.

அதையடுத்து, கள்ளக்காதலுக்கு இடையூறாக இருந்த கணவனை கொலை செய்ய மனைவி திட்டமிட்டுள்ளார். பின், கள்ளக்காதலன் பாலமுருகனுடன் சென்று, பாண்டியன் மீது கல்லை போட்டு கொடூரமான முறையில் கொலை செய்து, ஓடையில் வீசியது தெரியவந்தது.

ஏத்தாப்பூர் போலீசார் வழக்கு பதிவு செய்து, வெண்ணிலா, கள்ளக் காதலன் பாலமுருகன் (30) இருவரையும் கைது செய்தனர். பின், ஆத்தூர் முதலாவது குற்றவியல் நடுவர் நீதிமன்றத்தில் ஆஜர்ப்படுத்தி, சேலம் மத்திய சிறையில் அடைத்தனர்.

நக்கீரன்

by ரேவதி Tue Dec 13, 2011 3:47 pm

ஏட்டிக்கு போட்டியா கொலை செய்யுரங்கப்பா பயம்

by **ஜாஹீதாபானு** Tue Dec 13, 2011 3:50 pm

by kitcha Tue Dec 13, 2011 3:57 pm

தமிழ் நாட்டில் இப்போது நல்ல காதலைவிட கள்ளக்காதல் தான் அதிகம் செய்திகளில் அடிபடுகிறது.என்ன ஒரு கொடுமை.இதை எல்லாம் பார்க்கும் போது நமது கலாசாரம் என்பது பெருமைப்படும் படி இல்லை.

by **உமா** Tue Dec 13, 2011 3:58 pm

கள்ளத்தொடர்பு கொலை செய்யும் அளவிர்க்கு தூண்டு விடுகிறது. கணவரை கொலை செய்து ஓடையில் வீசிய மனைவி கைது: 56667

by உதயசுதா Tue Dec 13, 2011 4:07 pm

இப்ப எல்லாம் செய்தி தாள்களில் அதிகம் இந்த கள்ள தொடர்பு பத்திதான் வருது.
இந்த செய்தி உண்மையாக இருந்தால் இந்த பெண் கண்டிப்பா கடுமையா தண்டிக்கப்பட வேண்டியவள்.

by **ராஜா** Tue Dec 13, 2011 4:10 pm

இது போன்ற செய்திகளை தவிருங்கள் நண்பர்களே , இதை தெரிந்துகொண்டு ஆகபோறது ஒன்றுமில்லை. தினசரி செய்திகள் பிரிவில் ஏதாவது நல்ல செய்திகள் புதுமையான விஷயங்களை போட்டால் படித்து தெரிந்துகொள்ள வசதியாக இருக்கும்

படிக்கவே அருவருப்பாக இருக்கிறது.