காதல் காய்ச்சல்..!!

கார்த்திக்.எம்.ஆர் wrote:காதலுக்குக் கண்ணில்லை
எனச் சொல்லி தெரியாமல்
அவள் கொடுத்த
உப்பிட்ட தேநீர் கூட
இனித்தது என் நாவில்..!!

இதை படித்ததும் சிரிப்பை அடக்க முடியல

அவள் மூச்சுக் காற்று
என் முகமருகே
வரும் நேரம்
அனல் காற்றும் குளிராகி
என்னை நடுங்கச் செய்யும்..!!

ஆயிரம் உணவுகள்
என் முன்னே காத்திருந்தும்
பசியை மறந்து விட்டேன்
அவள் உதட்டில் ஒட்டியிருந்த
ஒற்றைச் சோற்றைப்
பார்த்த பின்னர்..!!

தேர்வறையில் அவள்
கண்சிமிட்டலைக் கண்டபின்பு
தேர்வெங்கே எழுதுவது?
கிறுக்கிக் கொண்டிருந்தேன்
தமிழ் மொழியில் அவள் பெயரை
சிறு குழப்பத்தில்..!!

அவள் என்னை
விட்டுச் சென்ற பின்னும்
இவையெல்லாம் எனைத் தொடர
நண்பன் சொன்னான்
இவைகள் அனைத்தும்
காதல் மட்டுமல்ல
காய்ச்சலின் அறிகுறிகளும் கூட என்று..!!

மிஞ்சியது காய்ச்சல் மட்டும் தான்!!

ஜாஹீதாபானு wrote:கவிதை அருமை

19 வயசுல ரொம்ப அனுபவப்பட்டு இருக்கிங்க

ரேவதி wrote:சிறந்த காதல் வரிகள் தம்பி..ஆனால் இதெல்லாம் கொஞ்சம்கூட சரில்லை அருமையிருக்கு அருமையிருக்கு

உதயசுதா wrote:காதல் பத்தின கவிதை அருமை கார்த்தி.
ஆனாலும் ரொம்ப அனுபவபட்ட மாதிரி தெரியுதே

தேர்வறையில் அவள்
கண்சிமிட்டலைக் கண்டபின்பு
தேர்வெங்கே எழுதுவது?
கிறுக்கிக் கொண்டிருந்தேன்
தமிழ் மொழியில் அவள் பெயரை
சிறு குழப்பத்தில்..!!

உமா wrote:ஈகரையிலே எடுக்க எடுக்க குறையாத அட்சய பாத்திரம் போலே பல சிறப்பு கவிஞர்கள் உள்ளனர்.
பாராட்டுக்கள் கார்த்திக்.

முஹைதீன் wrote:நல்ல கவிதை அருமையிருக்கு அருமையிருக்கு

கோவிந்தராஜ் wrote:எப்படி கூறுவது என்றே தெரியவில்லை அற்புதமான சிந்தனையும் வரிகளும் ! கே‌எம்‌ஆர் வாழ்த்துகள் மேலும் சிறக்க !
சியர்ஸ் சூப்பருங்க