படுத்ததும் தூக்கம் வர என்ன செய்யலாம்

by **இளமாறன்** Sat Dec 10, 2011 9:20 pm

படுத்ததும் தூக்கம் வர என்ன செய்யலாம்: ஒரு ஆய்வின் தகவல்

படுத்ததும் தூங்கிப்போகிறவர்களுக்கு அது ஒரு வரம். ஆனால், எல்லோருக்கும் இது சாத்தியமில்லை. சிலருக்கு படுத்ததற்கு நீண்ட நேரத்திற்குப்பின்னரே தூக்கம் வரும். அப்படியும் தூக்கம் வராதவர்கள் கெளண்டிங் ஷீப் செய்வதுண்டு. அதாவது, எளிதில் தூக்கம் வராதவர்கள் ஒன்றிலிருந்து 100.... 200..... 300 வரை எண்ணத்துவங்குவார்கள். அப்படி எண்ணிக்கொண்டிருக்கும் போதே தூக்கம் வந்து விடும் என்பது ஒரு நம்பிக்கை. இப்படி எண்ணுவதற்கு கெளண்டிங் ஷீப் என்று பெயர். இங்கிலாந்துகாரர்களுக்கு தூக்கம் பிடிப்பதற்கு குறைந்தது 37 நிமிடங்கள் ஆகிறது என்கிறது, இது குறித்த ஒரு ஆய்வு. அதற்காக அவர்கள் மெல்லிசையை விரும்பி கேட்கிறார்களாம். இந்த மெல்லிசையை கேட்டுக்கொண்டிருக்கும் போதே தூங்கிப்போவார்களாம். சுவாரசியமாக, இயற்கையான சப்தங்களை கேட்டுக்கொண்டே தூங்க முயற்சிப்பவர்களும் இருக்கிறார்கள். உதாரணமாக கிரீச்சிடும் பறவைகளின் ஒலிகள். மெல்லிய காற்றின் இரைச்சல், நீரோடையின் சலசலப்பு போன்றவை தூக்கத்தை எளிதில் வரவழக்க பயன்படுபவையாக இருக்கின்றன என்கிறது இந்த ஆய்வு. இவற்றுக்கெல்லாம் மேலாக, இருக்கவே இருக்கிறது பழமையான ஒரு முறை. அது தான் புத்தகம் படிப்பது. இதுவும் தூக்கத்தை வரவழைக்கிற விஷயங்களில் முக்கியமானது தான். துணையுடன் பேசிக்கொண்டே தூங்கிபோகிறவர்களும் இருக்கிறார்கள். விசித்திரமாக, கடிகாரத்தின் டிக் டிக் ஒசை, சாலையில் செல்லும் வாகனங்களின் சப்தம், வேக்குவம் க்ளீனர் மற்றும் ஹேர் ட்ரையரின் சப்தமும் தூக்கத்தை வரவழைக்கும் விஷயங்களின் பட்டியலில் இடம் பெறுகின்றன. இவையத்தனைக்கும் வில்லனாக இருப்பது பக்கத்தில் தூங்குபவரின் குறட்டை சத்தம் என்று ஆத்திரப்படுகிறார்கள் உண்மையில் பாதிப்புக்குள்ளானவர்கள்.

தினத்தந்தி

நன்றி ...மாறன்...அந்த கடைசிலே இருக்குது பாருங்க அதுதான் பெரிய வில்லன் மாதிரிங்க... மகிழ்ச்சி

by **சிவா** Sat Dec 10, 2011 10:23 pm

உழைப்பவனுக்குத் தூக்கம் தானாக வந்துவிடும். சுக போகமாக வாழ்பவனுக்குத்தான் இந்தப் பிரச்சனைகள்!

by **கோவிந்தராஜ்** Sat Dec 10, 2011 10:56 pm

சிவா wrote:உழைப்பவனுக்குத் தூக்கம் தானாக வந்துவிடும். சுக போகமாக வாழ்பவனுக்குத்தான் இந்தப் பிரச்சனைகள்!

by **ரா.ரமேஷ்குமார்** Sat Dec 10, 2011 11:00 pm

தூக்கம் வரும் பொழுது உறங்கினால் உடணடியாக உறக்கம் வந்து விடும்......
பகல் நேரங்களில் தூங்குவதை தவிர்க்கலாம்... பள்ளி,கல்லூரி,அலுவலகங்களில் உறங்காமால் இருந்தாலும் படுத்த உடன் தூக்கம் வரும்...

by சார்லஸ் mc Sun Dec 11, 2011 7:16 am

மருதாணி மரத்தின் பூங்கொத்துகளை தலைமாட்டில் வைத்து படுத்தால் அந்த வாசனையின் மூலம் சுகமான தூக்கம் வரும்

சிறிய வெங்காயத்தை முகா்ந்து பாா்த்தால் தூக்கம் வரும்.

மனதில் எந்த அழுத்தமும் இல்லாதிருந்தால் தூக்கம் வரும்

by **மாணிக்கம் நடேசன்** Sun Dec 11, 2011 1:16 pm

தூக்கம் உன் கண்களை தழுவட்டுமே
அமைதி உன் நெஞ்சில் நிலவட்டுமே
என்னும் எஸ்.ஜானகி அம்மா குரலில்
ஆலயமணி பாடலை கேளுங்கள்
தூக்கம் தானாக வரும்.

எனக்கு தூக்கம் வரவில்லையென்றால்
நான் இந்தப் பாடலைத்தான் கேட்பேன்.
அப்படியே தூங்கி விடுவேன்.
நீங்களும் முயற்சித்து பாருங்கள்

by **மாணிக்கம் நடேசன்** Sun Dec 11, 2011 1:18 pm

இரவில் சீக்கிரம் படுத்து..காலையில் சீக்கிரம் எழுவது நல்லது.

சராசரியாக ஏழு மணி முதல் எட்டு மணி நேரம் தூங்க வேண்டும்.

கிழக்கு திசையில் தலைவைத்து படுத்தால்..

சலனமில்லா ஆழ்ந்த உறக்கம் வரும்.

தெற்கு திசை…உடல் களைப்பு நீங்கும்….

மேற்கே தலைவைத்தால்..பயங்கர கனவுகள்..வரும்.

வடக்கு திசையில் தலை வைத்தால்..பூமியின் காந்த மண்டலம் இருப்பதால்..உடலின் ரத்த ஓட்டம் பாதிக்கப்படும்.