மகாகவி பாரதியார்

by **eraeravi** Fri Dec 09, 2011 8:11 am

மகாகவி பாரதியார் கவிஞர் இரா .இரவி
130 வது பிறந்த நாள் 11.12.2011

தமிழுக்கு வளம் சேர்த்தவன்
தமிழென என்றும் நிலைத்தவன்
மகாகவி

மூடநம்பிக்கைகளை
முற்றாக வெறுத்தவன்
மகாகவி

தாழ்த்தப்பட்ட சகோதரனுக்கு
பூணூல் அணிவித்தப் புனிதன்
மகாகவி

சாதி வேற்றுமைகளுக்கு
சாவு மணி அடித்தவன்
மகாகவி

அக்கிரகாரத்தில் பிறந்த
அதிசிய மாமனிதன்
மகாகவி

பாட்டால் கோட்டைக் கட்டி
பரங்கியரின் கொட்டம் அடக்கியவன்
மகாகவி

முறுக்கு மீசைக்காரன்
முத்தமிழுக்குச் சொந்தக்காரன்
மகாகவி

சரித்திரம் படைத்த
சகலகலா வல்லவன்
மகாகவி

நூற்றாண்டு கடந்து வாழும்
கற்கண்டு கவிதைக் குன்று
மகாகவி

பெண்கள் விடுதலைக்கு
வித்திட்ட முதல்ப் பாவலன்
மகாகவி

சேதுபதி பள்ளியில் பணியாற்றி
மதுரைக்குப் புகழ் சேர்த்தவன்
மகாகவி

வயிற்றை விட இதயத்தை
பெரிதாய் மதித்தவன்
மகாகவி

சமரசம் செய்து கொள்ளாத
தன்மானச் சிங்கம்
மகாகவி

உடலால் மறைந்தாலும்
பாடலால் என்றும் வாழ்பவன்
மகாகவி

--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
இறந்த பின்னும்
இயற்கையை ரசிக்க

கண் தானம் செய்வோம் !!!!!

by **ayyamperumal** Fri Dec 09, 2011 11:28 am

வயிற்றை விட இதயத்தை
பெரிதாய் மதித்தவன்
மகாகவி

தங்களின் முயர்ச்சிக்கு வாழ்த்துகள்.
தங்களின் எண்ணத்திற்கு தலை வணங்குகிறேன்.

நமத் ஈகரையின் சிறப்பு கவிஞர் ரமேஷ் நாகா ஒரு கவிதை எழுதியிருப்பார்
பெண்கள் என்ற தலைப்பில் வரும் என நினைக்கிறேன்.
உலகில் உள்ள எல்லா பெண்களின் மீதும் யாரேனும் ஒருவன் அவனவன் மொழியில் கவிதை படைத்திருப்பான் ......... ஆனாலும் கூட பெண்கள் குறித்து எழுதுவதற்கு இன்னும் ஏதோ எஞ்சியிருக்கிறது என்பதே .. வாழ்க்கையினை அர்த்த படுத்துகிறது என்று முடித்திருப்பார்.

இதே போலத்தான் பாரதியை குறித்து எழுதுவதும் ,, பாரதியை குறித்து பேசுவதும் , பாரதியை பற்றி சிந்திப்பதும் தான் எம் தமிழ் கவிஞர்களின் , கவிதை ஆர்வலர்களின் உணர்ச்சிக்கு ஊன்றுகோலாய் விளங்குகிறது.

படைப்பிற்கு நன்றி ! ரவி !

மகாகவி பாரதியார்

மகாகவி பாரதியார்

Re: மகாகவி பாரதியார்