சென்னை- ஐதராபாத் இடையே அதிவேக ரெயில்

by **இளமாறன்** Fri Dec 09, 2011 1:56 am

புதுடெல்லி, டிச.8-

புல்லட் ரெயில் திட்டம் துரிதமாக நடைபெற்று வரும் நிலையில் சில வெளிநாட்டு நிறுவனங்கள் தங்களது ஆராய்சியை தொடங்கியுள்ளன.

சென்னை -ஐதராபாத் இடையேயான அதிவேக புல்லட் ரெயில் திட்டத்தை ஜப்பான் நிறுவனமான ஷின்கன்சென் என்ற நிறுவனத்திடம் ஒப்படைக்கப்பட்டுள்ளது. நேரம் தவறாமை, வசதி மற்றும் பாதுகாப்பு அகியவற்றில் சிறப்பு வாய்ந்த ஷின்கன்சென் அதிவேக ரெயில் ஒரு மணிநேரத்துக்கு 300 கிமீ தூரம் செல்லக்கூடியது என்பது குறிப்பிடத்தக்கது.

ஜப்பான் நிறுவனம் இதற்கான ஆராய்சியை தொடங்கியுள்ளது. இந்த ஆராய்சிக்காக ரூ 3.5 கோடி செலவாகும் என எதிர்பார்க்கப்படுகிறது. இந்த ஆராய்ச்சியின் அறிக்கையை 7 மாதங்களில் சமர்பிக்கப்படும் என ஜப்பான் நிறுவனம் தெரிவித்துள்ளது. இதே போல் கொரியா, பிரான்ஸ், பிரிட்டன், ஸ்பெயின் உள்பட மொத்தம் 13 வெளிநாட்டு நிறுவனங்கள் இதற்கான ஏலத்தில் கலந்து கொண்டன.

புனே- மும்பை- அகமதாபாத் வழித்தடத்தை சிஸ்ட்ரா என்னும் பிரெஞ்சு நிறுவனமும், டெல்லி- ஆக்ரா- லக்னோ- வாரணாசி- பாட்னா வழித்தடத்தை மோட் மெக்டொனால்டு என்னும் பிரிட்டிஷ் நிறுவனமும், ஹவுரா- ஹால்டியா வழித்தடத்தை இனக்கோ என்னும் பிரெஞ்சு நிறுவனமும் தேர்வு செய்யப்பட்டுள்ளன. இதில், சிஸ்ட்ரா நிறுவனம் ஏற்கனவே தனது அறிக்கையை தாக்கல் செய்துள்ளது. டெல்லி- சண்டிகார்- அமிர்தசரஸ் மற்றும் சென்னை- பெங்களூர்- கோவை- திருவனந்தபுரம் ஆகிய வழித்தடங்களுக்கான நிறுவன தேர்வு நடந்து வருகிறது.

இந்த திட்டங்களுக்கான அறிக்கை வரும் பட்ஜெட் கூட்டத்தொடரில் சமர்பிக்கப்படும்.

மாலைமலர்