நெய் சோறு (வை.பாலாஜிக்கு )

by **ஜாஹீதாபானு** Thu Nov 24, 2011 4:05 pm

பாசுமதி அரிசி (அல்லது) புளுங்கல் அரிசி ---- 1/2 கிலோ
நெய் 100 கிராம்
இஞ்சி பூண்டு விழுது 3 டீஸ்பூன்
தக்காளி 100 கிராம்
வெங்காயம் 100 கிராம்
பச்சை மிளகாய் 5
மிளகாய் தூள் 1/2 டீஸ்பூன்
உப்பு தேவையான அளவு
பட்டை கிராம்பு ஏலக்காய் சிறிது
கொத்தமல்லி கருவேப்பிலை புதினா தேவைக்கேற்ப
கேசரி பவுடர் கொஞ்சம்

பாசுமதி அரிசி என்றால் 15 நிமிடம் புளுங்கல் அரிசி என்றால் 3/4 மணி நேரம் ஊறவைக்கவும்.

அடுப்பில் பாத்திரத்தை காய வைத்து நெய் முக்கால் பாகம் ஊற்றவும் . நெய் காய்ந்ததும் பட்டை கிராம்பு ஏலக்காய் போட்டு பொறிந்ததும் வெங்காயம் கருவேப்பிலை போட்டு பொன்னிறமாக வதக்கவும்.

பின் தக்காளி சேர்த்து குழையும் வரை வதக்கி இஞ்சி பூண்டு விழுதை நன்றாக பச்சை வாசம் போகும் வரை வதக்கி பச்சை மிளகாய் கொத்தமல்லி புதினா சேர்த்து வதக்கவும்.பின் மிளகாய் தூளையும் சேர்த்து கிண்டி 1 டம்ளர் அரிசிக்கு 2 டம்ளர் என்ற விகிதத்தில் தண்ணீர் சேர்க்கவும்.

பிறகு தண்ணீர் நன்கு கொதி வந்ததும் அரிசியை கழுவி உலையில் போட்டு உப்பு சேர்த்து கிளறி முடி போட்டு மூடவும் சிறிது நேரத்திற்க்கு ஒரு முறை திறந்து லேசாக கிளறி விடவும்.
தண்ணீர் வற்றி சாதம் வெந்ததும் மீதி இருக்கும் நெய்யை மேலே சுற்றி ஊற்றி விடவும் 2டீஸ்பூன் தண்ணீரில் கொஞ்சம் கேசரி பவுடர் கலந்து சாப்பாட்டின் மேல் தெளித்து லேசாக கிளறி விடவும். பாதி சாதம் வெள்ளையாகவும் பாதி சாதம் கலராகவும் இருக்கும்.
குக்கரில் என்றால் 2 விசில் வைத்து இறக்கவும் .
சுவையான நெய் சோறு ரெடி நெய் சோறு (வை.பாலாஜிக்கு ) 705463

பாலாஜி ஒரு வழியா கஷ்டப்பட்டு உங்களுக்காக நெய் சாப்பாடு செய்முறை சொல்லி குடுத்திருக்கேன் . செய்து பார்த்து எப்படினு சொல்லுங்க .இதுக்கு தான் தாளிச்சா நல்லா இருக்கும் . நெய் சோறு (வை.பாலாஜிக்கு ) 362913

by **உமா** Thu Nov 24, 2011 4:08 pm

பானு.நான் வெளியே ஹோட்டலில் தான் இதை சாப்பிட்டு இருக்கேன்.உன் பதிவை பிரதி எடுத்து நிச்சயமாக சண்டே செய்து பார்க்கிறேன்..

அனைத்தையும் நீயே டைப் செய்து இங்கே பதிவிட்டதற்க்கு என் நன்றிகள்..

நெய் சோறு (வை.பாலாஜிக்கு ) 224747944

by **ஜாஹீதாபானு** Thu Nov 24, 2011 4:11 pm

உமா wrote:பானு.நான் வெளியே ஹோட்டலில் தான் இதை சாப்பிட்டு இருக்கேன்.உன் பதிவை பிரதி எடுத்து நிச்சயமாக சண்டே செய்து பார்க்கிறேன்..

அனைத்தையும் நீயே டைப் செய்து இங்கே பதிவிட்டதற்க்கு என் நன்றிகள்..

by பாலாஜி Thu Nov 24, 2011 4:16 pm

மிக்க நன்றி .... பிரிண்ட் அவுட் எடுத்து கொண்டேன் ... இந்த திரிக்கு உங்களுக்கு விருப்ப பொத்தானை பாவித்தேன் ..

நடனம்

by **மாணிக்கம் நடேசன்** Thu Nov 24, 2011 4:17 pm

அது சரி, அதென்னா வை.பாலாஜிக்கு. இந்த நெய் சோறு பாலாஜிக்கு மட்டும் தானா, எங்களுக்கெல்லாம் இல்லையா? பாலாஜிக்கு மட்டும் வை ன்னு இதுல கட்டள வேற. என்ன ஞாயம் சார் இது.

by முஹைதீன் Thu Nov 24, 2011 4:18 pm

கறி வகைகள் செய்திருக்கேன். இதுவரை நெய் சோறு சமைத்ததில்லை. முயற்சி செய்து பார்க்கிறேன்.
நன்றி பானு நெய் சோறு (வை.பாலாஜிக்கு ) 2825183110

by பாலாஜி Thu Nov 24, 2011 4:18 pm

மாணிக்கம் நடேசன் wrote:அது சரி, அதென்னா வை.பாலாஜிக்கு. இந்த நெய் சோறு பாலாஜிக்கு மட்டும் தானா, எங்களுக்கெல்லாம் இல்லையா? பாலாஜிக்கு மட்டும் வை ன்னு இதுல கட்டள வேற. என்ன ஞாயம் சார் இது.