செயல்படுவோம் சேர்ந்து (கவிதை)

by **kirikasan** Sun Nov 20, 2011 11:14 pm

வேலைப் பிடித்தவர் சாமிமுருகனை
வேண்டும்வரை தொழுவோம் - அவர்
போலத் தமிழ்த்திரு வேங்கை மைந்தரவர்
வீரந்தனைப் புகழ்வோம்
ஓலைபிடித்து நற்கூறும் தமிழீழ
ஊரைப் பிடிப்பவனை - இனி
வேலை முடித்திட விட்டுத்துரத்திட
வீரம்தனை எடுப்போம்

கூலி கொடுத்திடக் கூடிநின் றாடித் தன்
கொள்கை பிழைத்தவரை - இனி
வேலி அமைத்தவர் வேறுபுறந்தன்னில்
வீற்றிரு என்றிடுவோம்
தோலில் சுரத்தினில் சத்துமில்லா தவர்
சுற்றி யிருக்கவைத்து - அவர்
போலிக் கணக்கதும் போடும்விடைகளும்
பொய்யெனக் காட்டிடுவோம்

வாடி இருப்பது நாமுமல்ல எங்கள்
வாழ்வுமல்ல எழுவோம் - இனிக்
கோடிஎனப்பல கூடிக்குரல்தந்து
கோவிலமைத் திடுவோம்
நாடித் தமிழன்னை நாற்புறம் காத்ததில்
நாட்டை வளர்த்திடுவோம் - அவர்
தேடித் திரிந்துநல் லுள்ளமெடுத்திடின்
தீங்கில்லை சேர்த்திடுவோம்

வீதிதனில் நின்று வேடிக்கை பார்த்திடும்
வேலையினி விடுவோம் - அவன்
கோதி உயிர்தன்னை கொன்று உடல்வெட்டக்
கூடிஎழுந் திடுவோம்
பாதிமனத்துடன் பையப்பைய நடை
போட்டு நகர்ந்திடிலோ - எங்கள்
நீதி நிலைத்திடும் நிம்மதி காத்திடும்
நேரம்தனை இழப்போம்

கோடிஎனக் காசு கொட்டிக் கொடுத்தாலும்
கொல்லும் உயிர்திரும்பா - அதை
தேடிநடந்தொரு ஏழு மலைதாண்டி
எங்கும் பெறமுடியா
வாடி நிற்கும் பெண்ணே வாழ்வுமுழு
வதும் ஊதும்புகை அடுப்பின் - அயல்
கூடிக்கிடந்தது போதும்இனித் தமிழ்
கொள்கை தனைச் விளக்கு

சாடிப் பகைவரின் தந்திரம் வென்றிடு
சாத்திரம் தானுரைத்து - இனி
ஓடிபிழைப்பது ஓர்வழிஎன்றவர்
ஊரை விட்டுத் துரத்து
பேடி இனத்தவர் பித்தரும் பொய்மையின்
பேரரும் காவலர்கள் - அவர்
தேடித்திரிவது தெற்கில் அமைதியாம்
திக்கினைக் காட்டிவிடு

by **இளமாறன்** Sun Nov 20, 2011 11:47 pm

வாடி இருப்பது நாமுமல்ல எங்கள்
வாழ்வுமல்ல எழுவோம் - இனிக்
கோடிஎனப்பல கூடிக்குரல்தந்து
கோவிலமைத் திடுவோம்
நாடித் தமிழன்னை நாற்புறம் காத்ததில்
நாட்டை வளர்த்திடுவோம் - அவர்
தேடித் திரிந்துநல் லுள்ளமெடுத்திடின்
தீங்கில்லை சேர்த்திடுவோம்

வீதிதனில் நின்று வேடிக்கை பார்த்திடும்
வேலையினி விடுவோம் - அவன்
கோதி உயிர்தன்னை கொன்று உடல்வெட்டக்
கூடிஎழுந் திடுவோம்

by பேகன் Mon Nov 21, 2011 9:59 am

சாடிப் பகைவரின் தந்திரம் வென்றிடு
சாத்திரம் தானுரைத்து - இனி
ஓடிபிழைப்பது ஓர்வழிஎன்றவர்
ஊரை விட்டுத் துரத்து
பேடி இனத்தவர் பித்தரும் பொய்மையின்
பேரரும் காவலர்கள் - அவர்
தேடித்திரிவது தெற்கில் அமைதியாம்
திக்கினைக் காட்டிவிடு

ஒன்றுபட்டால் உண்டு வாழ்வு!! கவிதை அருமை!!

by Sponsored content

செயல்படுவோம் சேர்ந்து (கவிதை)

செயல்படுவோம் சேர்ந்து (கவிதை)

Re: செயல்படுவோம் சேர்ந்து (கவிதை)

Re: செயல்படுவோம் சேர்ந்து (கவிதை)

Re: செயல்படுவோம் சேர்ந்து (கவிதை)