கமிஷனர் அலுவலகத்திற்கு மகாத்மா காந்தி வேடத்தில் வந்த ஆட்டோ டிரைவர்: காந்தி ஆவி உடலில் புகுந்து விட்டது என்கிறார்

by **இளமாறன்** Tue Nov 15, 2011 1:05 am

சென்னை, நவ.14-

தாம்பரத்தை சேர்ந்தவர் சக்திவேல் ஆட்டோ டிரைவர். இவருக்கு திருமணமாகி 2 குழந்தைகள் உள்ளன. இவர் தீவிர அன்னாஹசாரே ஆதரவாளர். அன்னாஹசாரேவுக்கு ஆதரவாக சென்னையில் நடந்த பல்வேறு நிகழ்ச்சிகளில் கலந்து கொண்டார். இந்நிலையில் அவர் இன்று கமிஷனர் அலுவலகத்திற்கு மகாத்மா காந்தி வேடத்தில் வந்திருந்தார். அவர் சட்டை அணியவில்லை. கையில் சிறிய தடி ஒன்றை வைத்திருந்தார்.

அவரிடம் அங்கிருந்த போலீசார் விசாரித்தனர். அப்போது அவர், எனது உடலில் மகாத்மா காந்தி ஆவி புகுந்துள்ளது. அவர் என்னிடம் “அன்னாஹசாரே வழியில் ஊழலில் சிக்கித்தவிக்கும் இந்தியாவை காப்பாற்றும்படி” கூறினார். இதனால் நான் விரைவில் ஊழல் எதிர்ப்பு இயக்கம் ஒன்றை தொடங்கி நாடு முழுவதும் பாதயாத்திரை செல்லப்போகிறேன். இதற்கு போலீஸ் பாதுகாப்பு தரும்படி மனு கொடுக்கத்தான் வந்தேன் என்றார்.

இதை கேட்டதும் போலீசார் அதிர்ச்சி அடைந்தனர். அவரை தனியாக அழைத்துச்சென்று அறிவுரை கூறி அனுப்பி வைத்தனர். சக்திவேல் பற்றி போலீசார் விசாரித்தபோது அவருக்கு மனஅழுத்தம் இருப்பதும், இதன் காரணமாக அவர் 2 தடவை தற்கொலைக்கு முயன்றதும் தெரியவந்தது.

by **கேசவன்** Tue Nov 15, 2011 8:41 am

by உதயசுதா Tue Nov 15, 2011 11:19 am

இப்ப இருக்கிற நிலைமைய பார்த்தா காந்தி யார் கூடவும் பேச விரும்பாமல் இந்தியாவில் பிறந்து சுதந்திரம் வாங்கி கொடுக்க எதுக்கு இத்தனை சிரமபட்டோம்.வெள்ளைக்காரன் கையிலேயே நாடு இருந்து இருக்கலாமே என்று வருத்தபட்டுட்டு இருப்பார்