ஐயப்பன் விரதம் கடைபிடிக்க வேண்டியவை....

by **இளமாறன்** Sun Nov 13, 2011 11:54 pm

பார்ப்பவை, கேட்பவை, நினைப்பவை எல்லாம் சுவாமி அய்யப்பனாகவே பாவித்து செயல்பட வேண்டும். பகலில் தூங்கக்கூடாது.

* தாயை தவிர மற்ற பெண்கிளடம் (மனைவி உட்பட) தூரமாக விலகி இருக்க வேண்டும். மதியம் சாப்பிட வேண்டும். இரவில் பால், பழம் அல்லது சிற்றுண்டி ஏதாவது ஒன்றை எடுத்துக்கொள்ளவேண்டும்.

* சபரிமலையில் இருக்கும் போது சாதி,மதம், ஏழை, பணக்காரன் என்று ஏற்றத்தாழ்வுகளை பார்க்க கூடாது. யார் எதை சொன்னாலும் அது சாட்சாத் அந்த அய்யப்பனையே சொன்னதாக கருத வேண்டும்.

* பொய் சொல்வது.திருடுவது, பிறர் மனதை நோகும்படி செய்வது, மாமிசம் சாப்பிடுவது, மது அருந்துவது, சூதாடுவது, புறம் பேசுவது போன்றவற்றை விரத நாட்களில் முற்றிலும் தவிர்த்து விட வேண்டும்.

மாலை அணியும் போது கருப்பு நீலம் அல்லது காவி நிற வேட்டி கட்டியிருக்க வேண்டும். தினமும் சூரியன் உதிப்பதற்கு முன்பு சுத்தமான நீரில் அய்யப்பனை பூஜை செய்து வழிபட வேண்டும். அவ்வாறு பூஜை செய்யும் போது குறைந்தது 41 முறையாவது சரணம் சொல்ல வேண்டும்.

* மாலையில் சூரியன் அஸ்தமனத்திற்கு பிறகு மீண்டும் ஒரு முறை குளித்து விட்டு அய்யப்பனை வழிபட வேண்டும். சரணம் சொல்ல வேண்டும். அய்யப்பனை பூஜை செய்து வழிபடும் போது கற்பூரம் காட்டுவது அவசியம்.

* விரதத்தை ஒரு மண்டலம் கடை பிடிக்க வேண்டும். அதாவது, 48 நாட்கள் விரதம் இருக்க வேண்டும். இந்த 48 நாட்களும் பிரம்மசாரியாக இருக்க வேண்டும். மனதாலும், செயலாலும், சொல்லாலும் பிரம்மச்சாரியாக இருப்பது மிக மிக அவசியம்.

விரத நாட்களில் இயன்றவரை அன்னதானம் செய்து விட்டு பின்னர் சாப்பிட வேண்டும். முடியாதவர்கள் , ஒரு அய்யப்பபக்தருக்காவது அன்னதானம் வழங்க வேண்டும்.