போக்குவரத்து விதிகளை மீறுபவர்களுக்கு அபராதம்: நவீன கருவியை கையாள தெரியாமல் போலீசார் திணறல்

by **இளமாறன்** Sun Nov 13, 2011 11:42 pm

சென்னை, நவ. 12-

சென்னை மற்றும் புறநகர் பகுதிகளில் போக்குவரத்து விதிகளை கடை பிடிக்காத வாகனங்கள் மீது வழக்குகள் தொடரப்பட்டு அதற்கான அபராத தொகையை வாகன ஓட்டுனர்களிடமிருந்து வசூல் செய்து, போக்குவரத்து விதிகளை மீறுவதினால் ஏற்படும் விளைவுகளையும் எடுத்துக் கூறி வருகின்றனர்.

சென்னை மற்றும் புறநகர் பகுதிகளில் வாகனங்களின் நெரிசல் அதிகரித்து, இதனால் ஏற்படும் விபத்துக்களை தடுப்பதற்காகவும், சாலையில் வாகனங்களை ஓட்டும்போது, என்னென்ன ஆவணங்களை வைத்திருக்கவேண்டும் என்ற வற்றையும் போக்குவரத்து போலீசார் அறிவுறுத்தி வருகின்றனர்.

இதையும் மீறி பலர் தலை கவசம் அணியாமலும் மது அருந்தி விட்டு வாகனத்தை ஓட்டும்போது, விபத்துக்களில் சிக்கி பலர் உயிர் இழக்கின்றனர். தேவையான ஆவணங்களை வைத்துக்கொள்ளாமல் போலீசாரிடம் மாட்டிக் கொண்டு அபராத தொகையை கட்டும்போது வாக்குவாதத்தில் ஈடுபடுவது போன்ற சம்பவங்கள் தொடர் கதையாகத்தான் உள்ளது. இதற்காக அதிக நேரங்களை செலவிடப்படுவதால் இதனை சமாளிக்க காவல் துறையினருக்கு இ செலான் கருவி வழங்கப்பட்டது.

சென்னையில் உள்ள அனைத்து போக்குவரத்து இன்ஸ்பெக்டர் மற்றும் சப்- இன்ஸ்பெக்டர் ஆகியோருக்கு சாலை விதிகளை மீறுபவர்கள் மீதும் சமூக விரோத செயல்களில் ஈடுபடுபவர்கள் மீதும் உடனுக்குடன் அபராத தொகையை வசூலிக்க அவர்கள் ஓட்டி வந்த வாகனத்தின் பதிவு எண்களை இந்த இ செலான் கருவியில் உள்ள டச் ஸ்கிரீன் மீது எழுதினால் போதும் வாகனத்தின் உரிமையாளர் பெயர், முகவரி ஆகிய அடங்கிய அனைத்து தகவல்களும் தெரிந்து விடும்.

மேலும் இந்த மெசினின் பின்புறம் கேமரா, மெசின் தலை பகுதியில் ஓட்டுனர் உரிமத்தை ஸ்கேன் செய்யக் கூடிய ஸ்கேனர் வசதி, அபராத தொகை செலுத்த பணம் இல்லாதவர்கள் தாம் வைத்திருக்கும் டெபிட் அல்லது, கிரடிட் கார்டுகளை தேய்த்து அபராத தொகையை செலுத்தக்கூடிய மிக முக்கிய மான வசதிகள் அடங்கிய சாப்ட்வேர் இந்த இ செலான் மெசினில் எள்ளது. போக்குவரத்து போலீஸ் அதிகாரிகள் இந்த மெசினை வாகனங்களின் பதிவு எண்களை மட்டுமே பதிவு செய்து அதற்கான அபராத தொகை வசூல் செய்து வருகிறார்கள்.

மேலும் இந்த மெசினில், கேமரா, ஸ்கேனர், ஏ.எடி.எம்., டெபிட், கிரடிட் கார்டுகள் பயன்படுத்தும் தொழில்நுட்பம் இந்த மெசினில் இல்லையா அல்லது தொழில் நுட்பம் அனைத்தும் உள்ளடக்கிய மெசின் குறித்து இவர்களுக்கு தெரியவில்லையா என்பது கேள்விக்குறியாக இருந்து வருகிறது. இத்தனை அம்சங்கள் அடங்கிய இ செலான் மெசினை வைத்துக்கொண்டு போக்குவரத்து போலீசார் தவிப்பது மட்டுமல்லாமல் வாகன ஓட்டிகளிடம் சிக்கி தவிக்கின்றனர். அதனால் விதிகளை மீறும் வாகன ஓட்டிகளிடம் இருந்து அபராதம் வசூலிக்க போதுமான தொழில்நுட்ப பயிற்சியை போலீசாருக்கு அளிக்க வேண்டும். அப்போது தவறுகள் நடைபெறாது. அபராதத்தொகை முழுவதும் அரசுக்கு போய் சேரும் என்று சமூக ஆர்வலர்கள் கூறுகின்றனர்.

மாலைமலர்