நலம் அளிக்கும் ஆன்மிகம்!

by **சிவா** Sat Nov 12, 2011 7:36 am

ஆன்மிகம், உடலுக்கும், மனதுக்கும் நலம் அளிக்கிறது என்று ஆண்டாண்டு காலமாக ஆன்மிக ஞானிகளும், குருக்களும் கூறிவந்திருக்கிறார்கள். தற்போது அதையே உறுதிப்படுத்துகிறது விஞ்ஞானம்.

ஆண்களும், பெண்களும் தீவிர நோய்ப் பாதிப்பில் இருந்து மீண்டு வர ஆன்மிகம் உதவுகிறது என்று கூறுகிறார்கள், விஞ்ஞானிகள். அமெரிக்காவின் மிசவுரி பல்கலைக்கழக ஆய்வாளர்கள் இது தொடர்பான ஆய்வில் ஈடுபட்டனர்.

அவர்கள் கூறுகையில், ஆன்மிகம் அல்லது மத சம்பந்தமான நடவடிக்கைகளில் ஈடுபடும் பெண்களின் மனநலம் மேம்படுகிறது. அதேநேரம் ஆண்களுக்கு மனநலத்துடன் உடல்நலமும் முன்னேற்றம் அடைகிறது என்கிறார்கள்.

``தீவிர நோய் பாதிப்புகளின் எதிர்மறை விளைவுகளில் இருந்து மதம் அல்லது ஆன்மிகம் காப்பாற்றும் என்ற கருத்துக்கு வலுச் சேர்ப்பதாக புதிய கண்டுபிடிப்பு அமைந்திருக்கிறது'' என்று ஆய்வுக்குத் தலைமை வகித்த ஸ்டெபானி ரீட் ஆர்ன்ட் கூறுகிறார்.

மனிதர்களின் ஆரோக்கியத்தில் ஆன்மிகமும், மதப்பற்றும் ஏற்படுத்தக்கூடிய நல்ல விளைவுகளை ஏற்கனவே பல ஆய்வுகள் சுட்டிக்காட்டியிருக்கின்றன. இது தொடர்பாக மேலும் ஆழமாக அறியும்வகையிலான ஆய்வுகளில் ஸ்டெபானி குழுவினர் ஈடுபட்டனர்.

பக்கவாதம், புற்றுநோய், முதுகுத்தண்டு, மூளை சேதம் போன்ற தீவிர பாதிப்புகளுக்கான உள்ளான 168 பேரை அவர்கள் ஆய்வுக்கு எடுத்துக்கொண்டனர். அவர்கள் அனைவரும் 18 வயதுக்கு மேற்பட்டவர்கள்.

அவர்களின் ஆன்மிகப் பற்று குறித்து அறிந்தபின், அவர்களது உடல்நிலை, மனநிலை குறித்துக் கேள்விகள் மூலம் ஆய்வாளர்கள் அறிந்தனர்.

எல்லோரும் அறிந்ததைப் போல ஆண்களை விடப் பெண்கள் அதிக ஆன்மிக ஈடுபாடு கொண்டவர்களாக இருந்தபோதும், ஆன்மிகத்தால் இரு பாலருக்கும் கிடைக்கும் நன்மை ஏறக்குறைய சமமாகவே உள்ளது என்று ஆய்வாளர்கள் கண்டறிந்துள்ளனர்.

தினதந்தி

by **மாணிக்கம் நடேசன்** Sat Nov 12, 2011 7:55 am

நன்றி.

by **பிளேடு பக்கிரி** Sat Nov 12, 2011 12:08 pm

by **இளமாறன்** Sat Nov 12, 2011 2:28 pm

எல்லோரும் அறிந்ததைப் போல ஆண்களை விடப் பெண்கள் அதிக ஆன்மிக ஈடுபாடு கொண்டவர்களாக இருந்தபோதும், ஆன்மிகத்தால் இரு பாலருக்கும் கிடைக்கும் நன்மை ஏறக்குறைய சமமாகவே உள்ளது

பகிர்வுக்கு நன்றி தல அன்பு மலர்